المساعد الشخصي الرقمي

مشاهدة النسخة كاملة : الـ bb وسب القبايل..


عتيبيه وكلي فخر
05-31-2010, 07:06 PM
السلام عليكم



بداية حبيت اقول ان هذي اول مشاركه لي في المنتدي...!!!


لاحظت في الآونه الاخيره ومع تطور هالناس انتشار البلاك بيري وخدمة((bb)) وانا وحده من الناس اللي ماعجبني هالجهاز ولا استعماله ولكن هناك امر انا ضده في هالجهاز بالنسبه للناس اللي يسخدمونه ما ادري هل قلت عليهم السوالف؟ وإلا ماكو شغل؟

انا اختي وحده من مستخدمينه وصاير عندهم سب وطعن و...... في القبايل وكل شخص يبين ان والله انا قبيلتي هي آصل القبايل واحسن القبايل ومن العلوم اللي انتوتعرفونها ... وتطنز ع القبايل بعد ...

المشكله مو عند هالحد وبس .....

الا صارت مشاكل بين الرفيجات والربع ع هالمواضيع... واكيد ان ولا واحد يرضى انه قبيلته تنهان ويقللون من شأنها ويسكت... وهذا هو حالهم مشاكل وضغط ... وخلو المواضيع المهمه ...


وحبيت اطرح هالمشكله واشوف تجاوبكم معااااي وهل انتو شايفين هالمشكله؟؟؟

ونحاول نحد منها ونقللها...


وشارتلكم...

ليل السهارى
05-31-2010, 09:45 PM
السلام عليكم


ماسنجر البي بي نفس ماسنجر الوندز يعني عندك كنترول بـ الأضافة او عدم الأضافة


ودام كلمن ضافpin حق اي شخص اكيد بنشوف مثل ها الاشكال و اكثر

وعموما ً لكل شي سلبيات و ايجابيات ..



وايجابيات ماسنجر البي بي اكثر من سلبياته


مثل : قروب جامعات

قروب اصدقاء

قروب نادي



و ... و... إلخ



الف شكر...

سيف الأسلام
06-01-2010, 01:54 AM
والله ماهضمته ,,


قلعته ...

وافــي الـعـهـود
06-01-2010, 05:50 AM
جهاز من سوالف ربعي اللي يستخدومنه كرهته

وزين اني ماشريته ولا راح اشتريه

واكبر سبياته انا شفته بعيني

فا اللي يستخدمه يدمن عليه
وتلقاه وهو ماشي بسياره عند رياجيل باي مكان

مدنق راسه ويطق طق حتى يمكن لا كلمه احد مايرد عليه

انا عقدني واحد جذيه اظاهر كرهت البلاك بيري منه كككككك


ع العموم امور سب القبايل وحنا احسن وانتو فيكم ومدري شنو

هاذي للاسف مايقوله الا السفهاء والي ماعندهم عقل

كل القبايل فيها خير وكل شخص يمثل نفسه وقبيلته وديرته باخلاقه


ومدام قالو الاخوان بامكانهم حذفهم نفس الماسنجر

فا اتمنى ع طول ينحذف اي شخص يستخدم الاسطوانه هاذي حتى يتم ردعه ع طول




فالنهايه شكارلك وشكرا

عتيبيه مطنوخه
06-01-2010, 07:46 PM
انا وحده من الناس ما حبيته

وبصراحه ماوراه الا المصايب

وانا مع حملتهم انهم يوقفون استخدمه فالكويت

سفير الجذعان
06-09-2010, 03:22 PM
يبه

هي بالعقل

يعني الواحد لبقاء يحط موضوع لزم يركز شوي

بلاك بيري شنو يفرق عن الماسنجر الي باالنت و محادثات صوتية و شات كتابي و برامج المحادثات الاخرى

شمعنى ركزتي على بلاك بيري

ياخي هي عن شخص الي يستخدم الجهاز مو الجهاز نفسه

سوووري موضوع غير هادف :)

سفيرة مطير
06-09-2010, 07:00 PM
انا اضم صوتي لصوت سفير الجذعان

مع احترامي لج اختي

محد سب القبايل

والبلاك بيري جهاز مفيد

اكثر من انه ضار

يعني الشي اللي يسهل حياتنا من الكترونيات وتطور

ترفضونه !!!!

وبعدين تقولون ليش الغرب متقدم اكثر منا

شكراً لج على الطرح

تقبلي مروري

عــمـــر
06-09-2010, 07:37 PM
يعطيج العافيه

وحياج الله في منتداج ومشكوره على المشاركه

وليش العالم هابه في بلاك بيري ؟؟ اشفيه باله جهاز ابو لـيت

على العموم انا ضده من غير اسباب بصراحه :)

وشكرا