المساعد الشخصي الرقمي

مشاهدة النسخة كاملة : طاري الربيع ,,,,,


نواف الشيباني
05-12-2010, 11:29 PM
أقفى الربيع و أقبل الصيف ... وبقدم هذي المتواضعه بين يديكم .. يسعدني مروركم ,,,






يازين شبة عبل وعرفج على الضو=وفنجال(ن) أشقر للحلاحيل ينساق
في مجلس(ن) عقب الفجر له تعنو=في وسط فيضه وقتها حزة أشراق
في فيضة(ن) تجلي كدر من لها جو=تجلي هموم(ن) قابعه وسط الأعماق
وعذب السوالف ماهي قيل(ن) وقالو=سوالف(ن) ينسابها كل الأرهاق
ودق النجر من حولهم زين الجو=وتزان به مع ريحة البن الأذواق
والجو همال المزن ممطره تو=وريح البختري والنفل عطرها فاق
ومشاهد الأزهار ومن فوقها النو=يفرح لها الناظر وجوه بها لاق
والبل لبنها بريح الأعشاب محلو=فيه الخزاما والنفل طعمه أنذاق
هذا مراد اللي على البعد طرو=وقت الربيع اللي له القلب يشتاق

وسلامتكــــــــــــــــــــــــــــم ,,,,,

سيف الأسلام
05-13-2010, 06:20 AM
الله الله الله


ذبحت أخوكــ بهالقصيدهــ اللي تُحاكي ايام فلة ا لحجاج .


يسلمكــ ربي


نواااف

تمتلكــ ذائقة شعرية تؤهلكــ للأبداع .

محمدغازي العتيبي
05-13-2010, 04:11 PM
الله لايهينك يانواف وش خليت هاذي طراة العمر يارجل ...الله يسعدك والى الامام يابطل

لقيمات
05-14-2010, 04:08 PM
يا حلو قصيدتك يا نواااااف

صح لسانك:36_3_11[1]:

نواف الشيباني
05-16-2010, 02:53 PM
أخوي سيف الأسلام لاهنت على المرور والتعليق والذوق في مرورك وتعليقك ولاهنت ...... أسعدني تواجدك ,,,
أخوي أبو بندر ........ لاهنت على [مرورك وتعليقك وكلك ذوق ياذوق ......أسعدني تواجدك ,,,
أختي لقيمات ........ أسعدني مرورج والأحلى تعليقج وأهتمامج ........ أسعدني تواجدج ,,,

العصيمي
05-16-2010, 11:28 PM
صــــــــح لسااااااااااااااانــــــــك



ابدعــــــــــــــــــت يانــــــــــــــواااااف

نواف الشيباني
05-18-2010, 02:58 AM
أخوي العصيمي ... صح الله بدنك ولاهنت على مرورك وعلى تعليقك ..... شرفني مرورك ,,,,,

احمد الرويس
05-18-2010, 08:01 AM
نواف الشيباني صح السانك على هالقصيده الطيبه

نواف الشيباني
05-18-2010, 05:11 PM
أخوي أحمد شرفني مرورك وصح الله بدنك ولاهنت ..... أسعدني تواجدك ,,,,