المساعد الشخصي الرقمي

مشاهدة النسخة كاملة : سريتها من دار اخو نوره مساري قلب ذيب ...


محمدغازي العتيبي
05-05-2010, 03:48 PM
ماجيت ادور للثنا والعز في صدر الخطيب.

جيت اقنع الواجب اليامنه حضر حنا هله..

ماغيب والداعي دعاني بمحفله وشلون اغيب..


واللي دعاني من غلاه ابواجبه مانجهله ...

اباصله لو الضروف اتبيد العظم الصليب..

نذر(ن) علي اني لبيدها ابعزمي ووصله ..

سريتها من دار اخو نوره مساري قلب ذيب..

للي حوا . جل المكارم والوفا يستاهله ..

محفل باسم ( نشمي) واخو نشمي من عروقي قريب.

ياكبرها وحنا هنيا مانشارك محفله ...

الله يبارك للعريب ابن العريب ابن العريب .

جل التهاني ياسعد يممتها حب او وله ..

مبروك يانور ضوا في لابته بعلوم طيب ..

مبروك من قلب غلاك اوحشمتك في داخله ..


جيتك وانا راعي محل ماني مع العالم غريب ..

شوف العروق اللي جمعتنا بالمحبه والصله ..

وشوف المشاعر غردت لك واذبحت صوت النحيب..

اصلا قبل لوصل وهي في شوفتك مستعجله ..

ياعيال (ابو نشمي) ابشعري ويش اخلي ويش اجيب ..

وانتم علا عروش الوفا مدهالكم من يدهله ..

نهجتو منهاج الفقيده .والوليده مايغيب .

لو غاب ماغابة اوسومه في غفال المرجله..

حمود شيب بالمراجل روس ناس ما تشيب..

الاوله ماتعشق الا (حمود) راع الاوله..

حمود مزبان الخوي وحمود فكاك الطليب ..

وحمود بالعزم القوي عوق الامور المعضله..

يدفن من ايدين الكرم فقر الصحاري والشعيب..

في ذمتي محدن مثل (خالي ) فعل مايفعله..

ان كان لي دعوه مجابه ياعساها ماتخيب ..

ان الجنان تحف ابو نشمي ظلال او منزله..

لو مات ماماتت صروح الطيب يالحر النجيب..

درب مشابه ..نشمي واخوانه مشت تستكمله ..

مبروك والافراح عنكم ياعساها ما تغيب ..

وجل التهاني ياسعد يممتها حب او وله ..

ماجيت ادور للثنا والعز في صدر الخطيب .

جيت اقنع الواجب اليا منه حضر حنا هله ..


الشاعر/ مشعل محمد غازي العتيبي

العصيمي
05-05-2010, 04:06 PM
صــــــــــــــــــح لســــــــــــــــــانكـ ... واعــــــــــــتلا شانــــــــــــــــكـ يامشعل الشيـــباانــي



والله لا يهينكـ يامحمد على النقل

نواف الشيباني
05-05-2010, 05:45 PM
صح الله ألسان الشاعر ولا هنت على النقل يابو بندر .... تقبل مروري ,,,,

محمدغازي العتيبي
05-05-2010, 10:23 PM
لعصيمي لاهنت وصح بدنك

نواف الكلمات تعجز عما يكنه لك القلب طبت وطاب مرورك

منصور سعد
05-05-2010, 10:34 PM
صح الله لسان الشاعر

قصيده جزله,لاهنت يابو غازي ع نقلها

محمدغازي العتيبي
05-05-2010, 11:39 PM
لاهنت يابو سعد شرفني مرورك ..

اخوي العصيمي الشاعر /مشعل محمد عازي الزيادي العتيبي . استلمت

طلال بن نشار
05-06-2010, 11:33 AM
الله الله الله صح لسانك يابو غازي انا أشهد انك سريتها صح كفو وتسلم على هالرايعه تقبل مروري وتقديري

((الـروقـي))
05-06-2010, 01:12 PM
صح لسانك ولاهنت اخونا الشاعر مشعل محمد غازي الزيادي على القصيده الجزله

ويستاهلون المدح نشمي واخوانه وعلمهم طيب وهم طيبين

محمدغازي العتيبي
05-06-2010, 02:14 PM
طلال صح بدنك وبيض الله وجهك ... نواف اسعدني مرورك وياهلابك وكل من شرف متصفحنا .........

العصيمي
05-06-2010, 03:36 PM
أستــــلمــــت وانا اخـــوووكـ


صـــح لسااااااااااانكـ ولساااااااااااانـــه

محمدغازي العتيبي
05-07-2010, 12:37 AM
مراقبنا الكريم .الروقي صح بدنك ولى عليك زود طال عمرك

سيف الأسلام
05-07-2010, 12:49 AM
صح لسان الشاعر وبيض الله وجهكــ وجهــــــــه

محمدغازي العتيبي
05-07-2010, 02:08 PM
ولسانك ياسيف الاسلام

طويق
07-11-2010, 12:48 AM
حلوه ياعتيبي ولون فيها شوية هيط لكنك فعلا شاعر متمكن