المساعد الشخصي الرقمي

مشاهدة النسخة كاملة : انا عتيبي


ابن جدعان الزيادي
04-26-2010, 01:08 AM
بسم الولي نبدى المثايل والامثال=ربا ً خلق كل النفوس وكفلها

ربا ً خلق في الناس اجناس واشكال=احدا ً يعز النفس واحداً رذلها

واحدا ً لصعبات المهمات شيال= واحداً يبي له حروتة ً ما وصلها

واحد لخويه يبذل الروح والمال=واحدا ً مواثيق الصداقه طملها

وباقي لهم انواع في عز واجلال=وباقي لهم انواع واجد زلالها

واذا اجتمع دين ومراجل برجال=قدره مطاليع الثريا نزلها

واذا خسر دين ومراجل ولو طال=جوف الثريا ينزل ولو عاش اكلها

قلته وهذا صدق والصدق ينقال=والدين وصى كلمة الحق قلها

والي حداني أتبع ارسال برسال=رجل ً مواثيق الصداقه جهلها

ولاهي غريبه يوم اداريه فالحال=لجل الرجال اترك خثارق هبلها

ماهوب كفولي وحتى ايش لو قال=الحر عينه في مواكر جبلها

انا عتيبي كان عدت بالافعال=والطيبه تلقى العتيبي فعلها

من نسل ناسا ً تفخر العم والخال=برقا وروق اهل المواقيف اهلها

كبيرهم تلقاه للميل عدال=وصغيرهم لاقال حاجه زهلها

مالو على عربان في قاعة(الخال)=واخذوا شواهيق الجبال وعبلها

ويوم العزاوي كنها وصف همال= على (طلال) جموع ربي خذلها

ويوم ً على (عروى) بالقفا والاقبال=ناسا ً غزونا ثم كسرنا جملها

وايام في واد الرشا شب شعال=ياكم روحا ً جالها من نسلها

وايام في مكه وجده تورسال=سقنا الشريف ولا انفعته دولها

هاذي رموز ً ماتبي زود تفصال=عن فعلنا بالفعل نقدر دبلها

واليوم في حكم السعودي هل الفال=كلا ً يقول انا الوليده وانا الها

الخاتمه يالي تحملت الاثقال= جتك العلوم وصرت مضرب مثلها

وتراك تاتنشد عن القيل والقال=ويوم القيامه كل نفس وعملها

الراقــ بندر ــي
04-26-2010, 01:32 AM
صح لسانك يا ابن العم ..

المشكلة ما لي بالشعر بشيء ..

بيض الله وجهك..

منصور سعد
04-26-2010, 03:45 AM
صح لسانك

وبيض الله وجهك ع القصيده

نواف الشيباني
04-26-2010, 03:49 AM
صح الله ألسانك وعلى نقلك المميز ولا يأتي بالمميز الا المميز ولاهنت ,,,,,,,,,,, تقبل مروري ,,,,,

عــمـــر
04-27-2010, 02:49 AM
الشاعر الكبير : منصور فلاح بن جدعان الزيادي

صح لساااااااااااانك وبيض الله وجهك

ولاتحرمنا من جديدك

محمدغازي العتيبي
04-28-2010, 02:46 PM
صح لسانك يامنصور وكفو .. قصيده جزله من رجل جزل الله لايهينك تقبل تحياتي

رهف العتيبي
04-29-2010, 09:08 PM
صح بدنك تسلم تسلم على هالقصيده وربي عجيبه الا خطيره ايه روالله وانا عتيبي .......................................... ؟

علوان الهرانى
05-01-2010, 12:57 AM
والنعـــــم فــي العتبـآن خـآصـه
وبالقبـآيـــل عـآمــــه
ووآصــــــل الابداع
صح لسـآنك

ابن جدعان الزيادي
05-19-2010, 01:27 AM
صح لسانك يا ابن العم ..

المشكلة ما لي بالشعر بشيء ..

بيض الله وجهك..

صح بدنك ووجهك ابيض

فهد الجبري
05-19-2010, 02:40 AM
قــلــتــه وهــــــذا صــــــدق والـــصـــدق يــنــقــال والـــديــــن وصـــــــى كــلــمـــة الـــحــــق قــلـــهـــا

وفيت ولا هفيت يا بو فلاح

وصح الله لسانك ولا هنت يا الذيب

سيف الأسلام
05-19-2010, 02:24 PM
صح لسانكــ جزله من جزل . . . .


حفظكــ الله ِ

ابن جدعان الزيادي
05-31-2010, 06:29 PM
صح لسانك

وبيض الله وجهك ع القصيده

صح بدنك

ووجهك ابيض طال عمرك

ناصر الرويس
06-03-2010, 06:08 AM
صح لسانك

وبيض الله وجهك ع القصيده

وتحياتي لك

ابن جدعان الزيادي
06-16-2010, 01:16 AM
هلا نواف

صح بدنك

ولا يقدر المتميز الا اهل الصنف

فهي منك شهادة اعتزبها لاحرمتك