المساعد الشخصي الرقمي

مشاهدة النسخة كاملة : المعنى ورفيق دربه خلف بن هذال


فهد الجبري
04-02-2010, 01:47 PM
جرت هذه المحاوره الشعريه بين عمالقة الشعر (المعنى) سعد بن نايف البقمي (رحمه الله ) ورفيق دربه الشاعر الكبير خلف بن هذال في المغتره بالدرعيه حوالي عام 1407 هجري




المعنى
سلام مـن المعنـى و النخـل فــي داخل الصنــدوق .... لها مفتاح مـن داخل و مفتـاحين براني
تجيكم من حدر و لا تجيكم ياخلف من فوق .... لا غاب الصاحب الاول يجيك الصاحب الثاني




خلف
و لا يا مرحبا ترحيبة تقنعك يا مخلوق .... و انا بحذف مفاتيحك ورى صنعا و نجراني
عـلامك يالمعنى غبت عني و سترقت الطوق .... و انا خابرك ساحر حامل ٍ خاتم سليماني




المعنى
علامـك يا خلف مـا تعـرف البطـــه من الغرنوق .... تنشّـدني مـن الليلـه وكـن إنـك تحداني
أنا من فضل رب البيت لا سارق ولا مسروق .... كتبت اسمك على كفي ولا جيته ولا جاني



خلف
تصافق بك هوى الدنيا و صرت اسود بدون عروق .... وانا خابرك مليان الظهر والصدر ملياني
ترى بعــض المعانــي يالمعنـى ما عليها ذوق .... تباعدنــــي و تقربنـي و انا راضـي و زعلاني



المعنى
أنا بنشدك يوم انك فطين و فاهم بالسوق .... وش اللي فالبلد يحط له مشمش ورماني
لعــل الله يبدلهـا و ينظـر حالة المخلـوق .... ليـا فتّحت بيبانـك و انا فتّحــت بيباني



خلف
هذاك اللي يبيع المسك و الريحان مابه عـوق .... لكن اللي يبيع المسلمه في دين نصراني
تــوقـع لا تفقـــع يالمعنى ثـم اسوقك سوق .... تراني خصمـك الاول و خابرني و تلقاني



المعنى
ألا ياشين وجهك يا خلف مع دقنك المحلوق .... علامك زارع لــك فالبلد مشمش وريحاني
حمامه يا حمامه لبسوها بالذهب و الطوق .... و انــا اللــي باكل العتبان باغيهــم وجيعاني



خلف
زرعت الطيب فالطيــب ولا لاحــق ولا ملحــوق .... وهذا ذخــر ابوي وذاخره جدي لجداني
بروق تلوح فالمغرب وفالمشرق تلوح بروق .... ولا أدري وش يصير اليوم في دار العريباني



المعنى
زرعنا الزرع لكن ماله وسط الرسيب عروق .... تقوله ياخلف يوم الله اعطاكم ولا اعطاني
حمامه يا حمامه وين ودوا بيضهــا المسلوق .... يقولــه من نقل جده وحلــت وســط عماني



خلف
سقاك الغيث يادار ربا فيك الملك فاروق .... ياليته شال بعض الناس فالمركب عن اوطاني
يقولون الرجال رجال تلقى للحقوق حلــوق .... و رجل ما يقـــوم بحـق يــارجال خسراني



المعنى
مين اللي ياكل الخبزه مين اللي ياكل المرقوق .... نبى نمسك هذاك الخط من شانك ومن شاني
ألا يا طول ليلك يا خلف لا تطوّل الطاروق .... بدت بين البقـــوم و بين حـرب و بين عتباني


خلف
أنا مارضى عليك خلاف لكن حسن المنطوق .... تراني حافظ يمناي عن صفقتك و لساني
منسم راسك الاعلى و قلبك ناقصــه معلوق .... مطيبك فالسنين الماضيه خفخاف وجناني



المعنى
جملنا يا جملنا تاكل العالم بدون شــدوق .... ليا منه ثبت راس العتيبي فوق الامتاني
أنا قلبي محله وانت قلبك يا خلف مفتـوق .... ليا منه تنحى الليل مع سارق وطعاني





--------------------

منصور سعد
04-02-2010, 03:54 PM
محاوره طيبه

تسلم ولاهنت يافهد

الخميسي
09-18-2010, 06:44 AM
لاهنت فهد محاورة حلووه