المساعد الشخصي الرقمي

مشاهدة النسخة كاملة : بدون عنوان


الجود
03-29-2010, 07:34 PM
السلام عليكم ورحمة اللة وبركاتة
هذي اول مشاركة لي واتمنى انكم تعجبون فيها



قلبي الي من عنا الوقت مجروح -- ينزف كما نزف الجريح بساحة الحرب

يبكي على فرقا الحبايب ويون مبحوح -- الغالي الي دايم ادعــيلة الـــرب

ارجي وصالة لو هي ساعة وتروح -- عقبها ما للحزن على قلبي بدرب

ما كل محبوب عشق مثلي امزوح -- عشق بدوي ما يدخلة شك ومجرب

ودي بشوفة قبل الأرواح اتروح -- قـبل المنية لا تـاخذ الروح للرب



وشكرا

((الـروقـي))
03-30-2010, 04:17 PM
الجود صح لسانك واتمنى انك تراجعين حساباتك المره المقبله عند كتابة

قصيده لن ابياتك الحاليه تفتقر الى الوزن ماعادا شطر واحد ( الغالي اللي دايم ادعيله الرب ) وزنه مضبوط

محاوله طيبه وننتظر الافضل منك

الجود
03-30-2010, 04:54 PM
صح بدنك
ومشكور علي كلامك الطيب وانا ما اعتبر نفسي شاعرة ابدااا لأن الشعر لة ناسة لكنها مشاركة اقل من بسيطة وحبيت أخذ رايكم فيها ---

فهد الجبري
03-30-2010, 05:44 PM
بالعكس مشوار الالف ميل يبدأ بخطوه


وانا اعتبر هذي اول خطوات اختي الجووود



موفقه خير يا مهمه

فهد الجبري
03-30-2010, 06:42 PM
بسم الله

شفت الساعه لقيتها خمس ودوامي الساعه ست يعني باقي ساعه كامل

قلت ليش ما احاول اضبط وزن قصيدة الجود


لأنتس يا الجود دام انتس كتبتي ثقي تماما ان فيتس ثمرة شعر والمفروض تنمينها وتخلينها تكبر وتصير شجره تتدلى منها اغصان الشعر والادب


- الجود كتبت القصيده على احد بحور الشعر الستت عشر الذي وضعها العلامه الشيخ الخليل احمد الفراهيدي رحمه الله

والبحر الذي كتبت عليه هو بحر المعروف والذي يسمى عند الادباء والنقاد ( مركب الشعار ) وسموه بهالاسم لأن اي شاعر يقدر يكتب عليه وهو بالفعل بحر سلس وجميل .


ولكل بحر عرض خاص فيه مشتق من علم العروض :

العروض هي التفاعيل التي وضعها الادباء والنقاد آن ذاك لتكون قاعده للبحر المطلوب

وتفاعيل المسحوب هي : مستفعلن مستعفلن فاعلاتن . مستفعلن ستفعلن فاعلاتن

مثال

لو قلنا

وا قلبي الي من عنا الوقت جروح ... مستفعلن مستفعلن فاعلاتن

ولو غنينا البيت السابق لوجناه راكب ميه بالميه


والان اترككم مع القصيده بعد ضبط الوزن مع العلم انا تطرقت للوزن فقط ولم اتطرق لمعاني الابيات وستثنيت كلمه وحده وهي مجرب لأنها لا تصلح بأن تكون قافيه

وحاولت اني احافظ على الكلمات الي تركب مع القافيه والوزن والابيات السليمه خليتها كما هي وارجوا من اختي الجود وجميع الي لهم نفس شعري

انهم يقرون في علوم العروض والاوزان ويعرفون الالحان الشعريه للبحور وصدقوني راح اتمكنون من الكتابه على اي بحر

وخاصة ً اذا كان جنبك شاي صعيدي اسود والفكر مستعد





وا قلبي الي من عنا الوقت مجروح ... ينزف كما نزف الجريح بغثا حرب


يبكي على الفرقا وله حس مبحوح ... الغالي الي دايــم ادعــي لــه الــرب

ارجـي وصاله لو هي ساعات وتروح ... من عقبها ما للحزن يمنـــا درب

مــا كل محبوب عشق مثلي إمزوح ... عشق بدوي لا حب كم يلحقه كرب

ودي بشـوفه قبــــل لا فارق الروح ... قبل المنيه تاخــذ الروح للـــــــرب



ولكم مني كل الود

الجود
03-30-2010, 07:59 PM
تسلم تسلم تسلم تسلم ولاهنت انشااللة بصراحة فرحت حيل بردك التشجيعي جدا جدا وادري ان مجرب مو راكبة كلش بس اتلحس مخي وانا
افكر بكلمة احطها وماطلع وياي الا هذي خخخخخخ- شكرا مرة اخرى

عبدالرحمن النفيعي
03-31-2010, 10:11 PM
لا تعليق @@

الجود
03-31-2010, 10:40 PM
عفوا بس اشتقصد بلا تعليق!!!!!!!!

عبدالرحمن النفيعي
03-31-2010, 10:49 PM
فيه احد ما يعرف التلميحات شنو معناها


وفي احد ما يعرف معنى لا تعليق




لحووووول ولا قوه الا بلله


:)

الجود
03-31-2010, 10:52 PM
ماااااااااشي يعني بديتها عداوة

عبدالرحمن النفيعي
03-31-2010, 10:55 PM
مصيبه اذا كان تفكيرج كذا

الجود
03-31-2010, 11:02 PM
ههههههههههههههههه اتغشمر يبة وين قاعدين احنا!!!!! لقيت الي تتمشكل عععععععاااااد حدي حمامة سلام-