المساعد الشخصي الرقمي

مشاهدة النسخة كاملة : ادخل-ي وشوف!!!


الجود
03-05-2010, 03:20 PM
السلام عليكم ورحمة اللة وبركاتة


الى بنات منتدانا الغالي
الى بنات ديرتنا الحبيبات,,,
اليوم موضوعنا غير موضوعنا حاطينه لهدف وهو هدف التغير
أخواتي الغاليات الكل منا,,,
عايش حياته ومحد فكر شنو أخرتنا بدنيا,,,,
أخواتي حوارنا اليوم بنبديه في قصه وهالقصه هي زبده لحوارنا كله,,,,,
وان شالله ياااارب تكون قصتنا لها أثر في النفس الي أن شالله ينطلق منها حوارنا ونشوف حواراتكم وأقلامكم,,,,,
قبل مابدي قصتي او قصتنا الي فعلآ أثرت في نفوسنا بقول حقكم كلمه ويااااااااااااااااارب توصل لكم ياغاليات,,,

بقول>>>>>>


الى كل قلم جريئ نحتاج جرأتك

الى كل قلم مرح نحتاج مرحك


الى قلم مثقف نحتاج ثقافتك


الى كل قلم حزين نحتاج حزنك




الى كل قلم صادق نحتاج صدقك




الى كل قلم شاعر نتحتاج شعرك




الى كل قلم هامس نحتاج همسك




الى كل قلم محب نحتاج حبك




الى كل قلم صديق نحتاج صداقتك




الى كل قلم حازم نحتاج حزمك




الى كل قلم حنون نحتاج حنانك




الى قلم وفي نحتاج وفائك


اليكم هالرساله يابنات منتدانا نحتااااااااااجكم بها الموضوع من خلال هالطلب أتركم مع قصتنا وراح تعرفون النهايه وشنو الموضوع الي نتكلم فيه,,,,


القصه,,,,

كان في بنتين وحده اسمها خلود والثانيه سارة كانو رفيجات مع بعض من الابتدائي لين وصلو الجاامعه وجاء اليوم اللي كل بنت تتمناه وانخطبت ساره وكانت خلود معاها بكل وقت بكل تجهيزهاااااا وكلشي المهم قرب يوم الزفاف ومابقى الا يومين وكانت سارونه مرتبكه وخلود تهديها لين جه يوم عرسها راحت خلود تجهز نفسها لزفاف رفيجتها الحبيبه ولازم تكون مميزة بين البنات كلهم وحفت حواجبها


(http://www.up-00.com/)

وعقب الحواجب طلبت تركيب رموش,,,
(http://www.up-00.com/)
عشان تطلع حلوة وحطت ميك اب كامل

طبعا عشان يكمل مكياجها وركبت الباروكه عشان يكثر شعرها وتتضبط التسريحه وطلعت خلود بها المنظر,,,

وجهزت وتدق على كومار عشان يوصلها لمكان العرس وتشتشت من العطر اللي يفتح النفس

وقطت العبايه عليها وطبعا الشيله خلتها على كتفها
عشان التسريحة ماتخترب وتطيح وطلعت حق كومار وريحة العطور تفوح منها وقالت لكومار يعلي على الاغاني عشان يتعدل مزاجها قبل العرس

ومسكت الموبايل وقالت لوووو....؟؟؟
طلع رفيجتها ساره تقول خلود وينج يالله روحي الصاله انا طلعت من الصالون بشوفج هناك ابي اول وحده تستقبلني أنتي ..
وخلود بفرحتها تقول يالله هذا أنا طالعه الحين .....
وقالت لكومار يزيد السرعه عشان الوقت وعشان وصول سوسو قرب.... لصاله,,,,,
أشرت خلود بيدها وقالت كومار يالله زيد بسرعه عروس بيجي الحين بصاله وانا ماوصلت وطالع ساعتها بعجل .....
زاد كومااااااااااار وصلت السرعه 200,,,,,

فجاه وبالحظه وبثواني......

انفجر التاير ولف كومار عن مساره وتقلبت السياره فيهم كم قلبه,,,,
خلود تصاااااااااااارخ وتقوووول يمممممممممممممممممممه ...ونست يالله
خلود تتقلب عالارض





خلود كانت تشهق تحت السياره باروكتها طارت فوق والحواجب بانت ...
والعبايه تفصخت والرموش أمتلت غبار,,,الناس مايدرون شنو يغطون وشنو يخلون فيها,,,,,كان بكل مكان دوم مو مبين فيها غير التركيبات الباروكه الرموش والشغلات الي حاطتها


ركبت رموش قبل ساعات وركبت باروكه عشان تصير نجمه بحفل رفيجتها ماتدري بأن يومها هو يوم حفل رفيجتها,,,


• ماتت خلود ودعت دنياها تركيب ونمص حواجب ورموش ونسيت قول الرسول صلى الله عليه وسلم,,,, ...(لعن الله النامصه والمتنمصه والواصله والواشمه والمستوشمه والمتفلجات للحسن المغيرات لخلق الله )

• ماتت وهي ماتدري بأنها قابلت ربها وهي تبي تكون نجمه بس للأسف قابلت ربها بسوء الخاتمه نسأل الله السلامه

• وماتت خلود وهي ماتدري بأن التركيب والرموش والزواج والصالون مو كل شي بدنيا,,,,
• ماتت وتركت ساره تصيح عليها وتحول زواجها لعزاء ,,,,,
ماتت وهي كاسيه عاريه وقال الرسول صلى الله عليه وسلم صنفان من اهل النار لم ارهما فذكر صنفا وقال عن الصنف الثاني نساء كاسيات عاريات مائلات مميلات رؤوسهن كاسنمة البخت المائله لايدخلن الجنه ولا يجدن ريحها وان ريحها يوجد في مسيرة كذا وكذا والحديث واضح حيل

• ماتت وهي زانيه عشان عطر زنت مع كومار بالعطر لانه عن أبي موسى الأشعري قال : قال رسول الله صلى الله عليه وسلم]:"أيما امرأة استعطرت فمرت على قوم ليجدوا من ريحها فهي زانية "

• ماتت ولافكرت بعقابها باللي سوته بدنيتها من اغاني ونتف وعطر وكاسيه واهي عاريه باعت الجنه عشان فلانه تعجبها مااتت ولا رضت الناس ولا رضت ربها الشباب يقولون لونشوف وحده فاصخه نلحقها لونشوف وحده مستترة والله اننا نحترمها ولو في واحد بيترش فيها والله لنتذابح معاه فاصحو يابنات لاتصيرون سلعه رخيصه شوفو بالدعايات يحطون بنت فاصخه عشان شنو عشان كاكاو سعره 100فلس شوفو شنو قيمة المرة عندهم سلعه عشان بس يمشون بضاعة 100 فلس اصحو يابنات خليكم حافظات لنفسكم طاهرات عفيفات وربي يوفقكم بالدنيا والاخرة







من هالقصه الموضوع أبي الكل يحاورنا ويناقش شنو الفايده من هالشغلات شنو حصلنا غير الهم والغم وضيقه في الدنيا ومااعتقد حصلنا زيادت اجر ماظن ولا رضينا ربنا ولا رضينا الناس لانه الناس بتستحقر هالاشكال ولااحصلناا زيادت اجر ماظن أبي تناقشوني بها الموضوع ويااااااااارب يكون عجبكم الموضوع,,,,,

عتيبيه مطنوخه
03-07-2010, 02:45 AM
صحيح كلمك لكن وين الي يسمع

تدرين هالوقت كل ممنوع مرغوب وكثير من البنات يحبون هالشغلات

مايدرون ان لله خلق الانسان في احسن صوره

فاليش هالتغير ما ادري

الجود
03-08-2010, 06:20 PM
اي واللة انج صاجة وشاكرتلك مرورك الجميل