المساعد الشخصي الرقمي

مشاهدة النسخة كاملة : تلك التي دارت بين قطبين من أقطاب البادية


العتيبي
05-20-2007, 02:15 PM
بسم الله الرحمن الرحيم

وهما الأميرين الفارسين محمد بن هادي بن قرمله أمير قحطان

وتركي بن حميد أمير قبيلة عتيبة

وكلاهما نار على علم في تاريخ جزيرة العرب

وهذه المساجلة بين الأميرين من أشهر المساجلات في تاريخ الجزيرة

نظراً لما بين الرجلين من عداوة حميمة ولكن ذلك لم يمنع أي من

الرجلين أن يعرف حق صاحبة وقدرة فلا يبخسة حقة ولا يتطاول علية ،

وهذان الفارسان من البادية وقد تعلما منها كل الصفات الطيبة ورغم ما

كان بينهما من حروب لم يجعلا شعرهما شعر شتائم وسب وهما ارفع

من أن يجعلاه كذلك ، وهذه رسالة من ابن حميد لابن قرملا



قال الأمير تركي بن حميد ...::



يا زبن كرب فوق ما يطرد النوم=حراير يا زبن مثل الاهله

مرباعهن ما بين ظلم والاكموم=ومن السفايف يرمحن الاظله

ملفاك شيخ بالقسا يذبح الكوم=شيخ وشيخان القبائل تدله

تلفى محمد زبن من جاه مضيوم=زبن الذليل اللي مخيف محله

واليا لفيت الشيخ يا زبن ملزوم=تعطيه مرسوم بوسطه سجله

وان كان جيت النضو يا زبن ماسوم=رد الخبر والنضو يا زبن خله

جانا من الشايب مكاتيب وعلوم=حي الكتاب اللي لفا حشمة له

الشايب اللي ينقل الكبر والزوم=باغي لحكمي مير أنا عاصي له

الله يغشك يوم غشيتنا اليوم= تقرا الكتاب ولا تهاب المظله

جزاه من عندي من الخيل خثلوم=مثل البرد من مزنة مستهله

إن كان تذكر سابق لك من اليوم= فرس عتيبي ورد شاهد له

أنا برمحي بأول الخيل ملحوم=وآلا أنت رمك عند سارة تشله

أديت أنا أربع قحص و الخامس التوم=بقعود زبن اللي بغى ما حصل له

لا و الله إلا روحوا ربعنا قوم= تنــاقضت من بينهم بــالاجله

والحرب شب وشبشبه كل شغوم=من اشتبه مخ الفرنجي عصاله

واعرف ترى من طاح ما هوب مرحوم= يا كود من رب الملا شافعٍ له

شافي وجرمان غدوا بأول القوم=خلوا مطوعهم وأنا شاهد له

خلوا مطوعهم على غوجة التوم=عزي لمن حط الردي مسند له

وأنتم كما حوت على الشط لاهوم=وحنا خلقنا للواهيم عله

وانتم كما ضلع طويل ومزموم=وحنا خلقنا الله نجوم تهله

وانتم كما طير البحر ذاك أبا اللحوم= وطير البحر ما يذبحه غير ظله


فأجابه الأمير محمد بن هادي....::



حي الكتاب اللي به العفص مرشوم=حيه وحي اللي مشى حشمة له

ساعة قريته شفت ما عفت مرسوم=رد النقا تركي وهو منحني له

يا سابقي غاش عتيبه منك لوم=مثل الربيع اليا غشا نجد كله

كدي على العتبان خمسة عشر يوم=قعدان والجمال بيتي هل له

أطلب عسى نجد من الوسم ماسوم=حتى تقرب حلة صوب حله

وإن كان رمحك بأول الخيل ملحوم=فأنا برمحي حامي نجد كله

من شافنا بالحلم يقعد من النوم=ومن شافنا بالعلم بطنه يهله

عدونا لو جض ما هوب مليوم=واللي وراه يجض من جضة له

حربك إلى جانا نقلناه بسهوم=وتر حربنا لا جاك ما احتلت شله

وإن كان تطري النجم فالنجم مفقوم=والنجم يدوي والجبل راسي له

ما نشتحن للحرب والحرب مفهوم=ويا سعد منا باللقا فزعة له

ما خلقة الدنيا ولا الناس في يوم=واللي تمنى حربنا مضحي له

أن كان في نفسه فلا هوب مليوم=نعم الشوارب وافي الشبر كله

متوسط ما بين عتبان وبقوم=والله أعلم في دق سلكك وجله

صقر روق
05-20-2007, 05:34 PM
نعم أخوي أبو علي العتيبي

فالأمير تركي بن حميد والأمير محمد بن هادي

أعلام بارزه في الجزيرة العربية

مشكور وماقصرت على نقل القصائد

نسيم الشرقية
05-22-2007, 05:58 AM
الله يعطيك العافيه اخوووي ..

مشاري
05-24-2007, 04:38 PM
ليت الجيل الحديث يتعلم منهم
شيمه
وكرم
وطيب
وشجاعه
ونخوه
وفزعه
ودين
وحزن على فراق الصديق


ونعم فيهم .. ورحمهم الله ان شاء الله

العضياني
05-26-2007, 02:42 PM
اي والله كلامك صح

لاهنت على القصه

الزيادي
05-28-2007, 12:14 AM
الله يعطيك العافيه
ومقصرت
وشكرآ