المساعد الشخصي الرقمي

مشاهدة النسخة كاملة : كيد النساااااااااء


الكيكة
02-15-2010, 08:31 PM
مرحبا .. كلكم تعرفون طبعا كيد النساء وكلكم تدرون أكيد أن الله عزوجل قال ( ان كيدهم عظيم ) وقال عن كيد الشيطان ضعيف ، معنى الكلام أن كيد المرأة أعظم من كيد الشيطان ،

وأسمحولي أقول لكم هالقصة بأسلوبي ... طبعا هي قصة خيالية بس نأخذ منها الحكمة .

كان يا ماكان في قدييييم الزمان : ألتقى الشيطان مع امرأة وقالت له أنا كيدي أعظم من كيدك ، والدليل على كلامي قول الله تعالى ، طبعا عصب الشيطان ونطط قرونه ، قالت له أنا أربط وأحل أما انت بس تربط لكن مستحيل تحل

وتحدت الشيطان على هالشي وقالت له أنا راح أربط انت عليك انك تحل ، وراحت المرأة وغيرت زيها وسوت نفسها عجووووزه ، ودخلت عند تاجر خام في محله وقالت له عطني أغلى وأحلى خامه عندك ( عشان يميز الخامه )

الرجل الي أشتغل عنده ثري جدا وأمرني اني أشتري له أغلى وأحلى خامه عندك ، علشان يعطيها حبيبته المتزوجه ، وفعلا أعطاها أحلى وأغلى خامه ، أخذت المرأة الخامه وراحت بيت التاجر وهي تعلم موعد وصوله للبيت ،

راحت وطقت باب البيت وقالت ساعدوني أنا تعبانه وما أقدر أكمل طريقي ، طبعا كان منو بالبيت ؟؟؟

كانت زوجة التاجر المرأة الطيبة بالبيت بروحها ، قالت لها أدخلي ، دخلت البيت وقالت يابنيتي عطيني كوووبين ماااااي ، لاني عطشااااااااانه ، وفلا جابت لها كوبين من الماي وأشربت ، قالت لها يا بنيتي عطيني السجاده بصلي ،

جابت لها السجاده طبعا مثلت أنها تصلي وخشت الخام الحلو المميز وييييييييين ؟؟؟ بالسجاده ، وقالت أنا لازم أروح ألحين وبسرعه ، وطلعت من البيت ، بعد ثواني جاء الزوج التاجر صاحب المحل ، وأول ما شاف لقى كوبين فاضين

وطبعا هذي علامه ان في أحد دخل البيت ، والزوجه اعتبرت هذا شي لوجه الله تعالى فما قالت للزوج ، استغرب الزوج ، أخذ السجاده عشان يصلي الظهر لقى في السجاده الخامه المميزه الي عنده بالمحل ، طبعا شكت في

زوجته وطلقها على طوووول ، راحت العجوووزه للشيطان قالت له: ( يله يا شاطر أنا ربطت انت حل ) قال الشيطاان : ( مستحيييل انا ما أعرف أحل أنا بس أربط ) راحت العجوز للرجل التاجر مره ثانيه بس هالمره عشان تحل ماتربط

وسوت روحي تبكي وتبكي وقلت له ياتاجر أنا عندي مشكله كبييييره ، انا شريت أغلى واحلى خامه عندك علشان طلبها مني الرجل الي مشغلني عنده وللأسف ضاعت مني في بيت أمرأه طيبه ساعدتني وأكرمتني في بيتها

والمشكله اني مضيعه مكان البيت ألحين وناسيته ،،،،، وطبعا من كلامها فهم التاجر أن زوجته شنو ؟؟؟ ( برييييييئة ) ورد لزوجته وصالحها وعاشوا بثبات ونبات وخلفوا بنين وبنات وتوته توته خلصت الحدوته ...



بس ديروا بالكم من كيدنا ....

http://www.otabhq8.com/up/uploads/images/otabhq8-a986b4f75a.bmp (http://www.otabhq8.com/up/uploads/images/otabhq8-a986b4f75a.bmp)