المساعد الشخصي الرقمي

مشاهدة النسخة كاملة : بديوي الوقداني


محمد المقاطي
06-29-2007, 03:37 PM
السلام عليكم ورحمة الله وبركاته




دنيـاك هـذي كلهـا هَـزِّ قـاروق=ما تعرف الصاحب من اللي معاديـك
واكثر كلام الناس بالمكـر والبـوق=يهرج معك واليـا تِقَفَّيـت يرميـك
المال دايـم صاحبـه مرتفـع فـوق=والقل خايب لـو تَرَفَّعْـت يرْخِيـك
عزِّي لمن دَوَّرْ لهـا عنـد مخلـوق=إما بخـل ولاّ مَنَـن يـوم يعطيـك
أوصيك بالطيِّب إذا كـان لـك ذوق=إرمـه وراك ولازمٍ إنـه يلاقـيـك
يا العبد هوِّن كل مطـرُود ملحُـوق=لا تِشْتَحِن لك رَب ما هُـو مخليـك
اللي جعل لك رُوح جاعلك مـرزُوق=كما تَكفَّل بـك مـن الخلـق كافيـك
يعطي وباب الرِّزق ما هُو بمغلـوق=واليا طلبته وانـت محتـاج يعطيـك
الرِّزق له حبسه وله وقـت مطلُـوق=وإن مت ظل عنـد قبـرك يناديـك
والموت جايك لو تقع جوف صندُوق=دع عنك ما بك من حـذر لا يعنيـك
لا تشتغل بالمال ترى المال ممحُـوق=مـا مالـك إلاّ مـا تمـده أياديـك
إن كان مالك يا فتى ضيـق السـوق=تراه عند الموت مـا هـو منجيـك
الجار والعاني لهُـم شـرط وحقُـوق=والضيف واجب تكرمه يوم يلاقيـك
وان كان تبي تأخذ المـدح مطبُـوق=خلك مشمر دُون ضيفـك وعانيـك
صُون الأمانه واظهر الهرج بصدُوق=ولا تعاشر صاحب البـوق يعديـك
لا تصحب الخاين ولا تامـن النُّـوق=وان لاح براق الحيـا عَـذَّرَت فيـك
والدرب لا تامنه لو كنـت مرفُـوق=إلا بِحـدٍّ فـي يميـنـك يبـاريـك
أترك طريقة كل عاشِـق ومعشُـوق=ترمي برُوحك في الشرك ثُم يرميـك
والكلب ما يتبعك لـو تلبسـه طـوق=ولا خلاخيل الذهـب مـا يراعيـك
وبالصبر تغلب صاحب العزم يا شوق=والعزم طيب مَيْـر حـزات يرميـك
وافرح ليا منك عن الشـر مـدروق=واحذر صديقك واحذار اللي يُواليـك
هذا كلام الصدق ما هُـو بمسـروق=وابيـات يـا قلبـي بِناَهَـا يسَلِّيـك
من هاجسٍ يطمي كما بحر صافـوق=احذر على القلب الشقي يوم يِطْريِـك
يا رَبِّ تجعلني مـن النـار معتـوق=واجعل ختامي طيبـاً يـوم الاقيـك

عاصم العتيبي
06-29-2007, 04:27 PM
الله يعطيك العافيه ومشكووووووووووور علي نقلها
وصح لسان قايلها

محمد المقاطي
06-29-2007, 04:30 PM
الله يعافيك

اخوي عاصم العتيبي

والله يرحم الشاعر

بديوي الوقداني

خالد المقاطي
06-29-2007, 07:01 PM
اللـــه لايهينك
يالخـــال عز اللــه انها قصيده صح .....
واللـــه يرحم علم الشعر النبطي .. بديوي الوقداني
وجميع موتى المسلمين ...
لاهنت مره اخرى نقله طيبه طيبه
دمت بود

مخلد بن ماشع
06-29-2007, 08:04 PM
لاهنت لاهنت أخو محمد


والله يرحم الشاعر الكبير


شاعر الحجاز بديوي الوقداني

محمد المقاطي
06-29-2007, 10:28 PM
خالد المقاطي

مخلد ال مبارك

مشكور علي المرور
والمشاركه

تحيتي

كحيلان
06-30-2007, 03:39 PM
مشكور يالمقاطي علي القصيده الجزله
والله يرحم بديوي الوقداني

محمد المقاطي
06-30-2007, 03:58 PM
كحيلان

العفو طال عمرك
ومشكور علي مرورك

تحيتي

نسيم الشرقية
06-30-2007, 10:25 PM
صح لسان قايلها

الله يعطيك العااافيه ..

محمد المقاطي
07-01-2007, 12:36 AM
الله يعافيج
اخت نسيم
ومشكو علي المرور

المقاطى_q8
07-02-2007, 06:52 AM
لاهنت على النقل المميز
محمد المقاطى
....
والله يرحم الشاعر
بديوى الوقدانى
....
وتقبل التحيه

محمد المقاطي
07-02-2007, 01:48 PM
ولا انت

يالمقاطي

ومشكور علي مرورك

تحيتي

الزيادي
07-14-2007, 09:59 AM
الله يعطيك العافيه

اخوي : محمد على القصيــدة الرائعـــــة

وبـــــد يوي الوقـــداني من اكبـــر شعـــراء اعتيبه

ومشكور وماقصرت

اخوك : الزيـــادي

محمد المقاطي
07-14-2007, 11:00 PM
هلا والله

يالزيادي

والله يعافيك طال عمرك

ومشكور علي مرورك

بدر المقاطي
07-17-2007, 05:38 AM
لاهنت يااخوي محمد المقاطي الله يرحم بديوي الوقداني

محمد المقاطي
07-17-2007, 05:42 AM
ولا أنت طال عمرك

ومشكور يا بدر علي المرور

الكريم

عبدالله الرويس
02-03-2011, 12:01 PM
شكرا على كل الجمال