المساعد الشخصي الرقمي

مشاهدة النسخة كاملة : جراح العصيمي اقلط واخذ فنجال


جراح العصيمي
05-23-2007, 01:24 AM
الاخ جراح العصيمي طلب منا طلب وانا ابي البي الطلب

ياسلامي سلامن عند ربعن تزيد .... فى مواقع عتيبه نكتب اجزالها

احتزم يالعصيمي لاتروح بعيد .... ابن عمك يباااك اليوم تشتالها


عندك يالعصيمي


العصيمي


( استلم يالروقي)

مــرحبا ياهلا ترحيب نوعه فريــــد
من هجوســن تبا تصحي وتصحالهـــا

انت اظنك تباها من سعد في سعيـــد
والعصيمي يعرف النـــاس واحوالهــــا


الروقي
الله الله

خلوهاااا

ابشرني مطوع كل رجلن عنيد ... والسعاده عليه رايقــن فالــها

خابرن فعل ربعي يوم حان الوعيد ...كل دله شربنا كل فنجالها




العصيمي

استلم ( يالروقي )


فـيـــه حرن يصيـــد وحر لا ما يصيــــد 0000 والاصــــايل يبيــن قدم خيــالهـــا


انت مره شــقي وامرار حضــك سعيـــد 0000 والاوادم عسى الله يسعـد احولهـا




عندك يالروقي

الروقي

الله الله

خلوها

يالعصيمي توقع دام ما لك رصيد... لا تــرد السواري بعد مقيالها

انصحك يابن عمي لاتزيد وتعيد ...رجع الناقه اللى ترغي اعيالها


( العصيمي)




مادريــت ان مالي مثـل مــال الوليـــد 00000 وانت خلك تحــت شجرتـك وظلالهــا

يبــن عمي تـوكل مابقا الا الشــديــــد 00000 عزبتــك يبــن عمي جــود احبالهـــا



الروقي
الله الله

خلوها


انت صاحي لهرجك والاحشوة بليد .....كلبونا من الشجره ياهمالها

يابن عمي تراني دايم اللكم سنيد..... يوم صكت عليك القوم باشبالها


الله يجزاك خير يالعصيمي وبيض الله وجهك وانتظر منك دعوه لمحاوره اخري واشكرك على حسن

ادائك للعب المحاوره

اخوك الروقي

حزن القوافي
05-23-2007, 01:54 AM
الله ..الله

صح لسانكـــ


هذاني قلطت وشربت من احلى فنجان

العصيمي
05-23-2007, 04:27 AM
كفووووو يالروقي



وانا بمسكـ صف ولد عمي ولاتهوون يالروقي

جراح العصيمي
05-25-2007, 09:06 PM
الله لا يهينك يالروقي وصح السانك

ولا جبت الا الجزيله

أبــو مـانــع العتيبي
05-27-2007, 10:45 AM
صــحت ألسنتكـم جميـع ولآ هنتـوو ييـض اللــه وجيهـكم

لآ تحرمونـا مـن لعبكـم النضيــف

تحيـاتي

نسيم الشرقية
05-28-2007, 01:26 AM
صح لسانكم جميعا

ابداااع والله

الله يعطيكم العااافيه ..

المحياني
06-11-2007, 06:37 PM
صح لسانك يا روقي

خالد المقاطي
06-12-2007, 07:00 AM
صحت السنتكم يالشعــــــــار
لعبه من الوزن الثقيل
تقبلو اعجابي وكل تقدير


خالــــد المقاطي