المساعد الشخصي الرقمي

مشاهدة النسخة كاملة : خالد المقاطي (( خطوه للأمام سر ))


متعب الخيل
06-27-2007, 06:12 AM
السلام عليكم

أباااك ياخالد بكلمت راااس :)


مرحبا والمعاني سقتها سوق خيل=كنها مهرتن في يد عسافها
يالمقاطي تقدم جعل عمرك طويل=بندقك لاتخيب وتخلف اهدافها

خالد المقاطي
06-27-2007, 06:22 AM
مرحبــــــا يامرحبـــــــــا
استلم استلم :)



البقا والمعاني مثل وبل المخيل = فوق راسك تنوح ويصفر رزافها
واصلك يالمنادي مثل سيف(ن) سقيل = والبنادق لهلها وانت عرافها

متعب الخيل
06-27-2007, 06:47 AM
طيب طيب

والله اني عليها مثل سد المسيل=ماتجي فوق راسي وانت غرافها
مانحب الهزيل ونرتقي للجزيل=وانت ذيب(ن) ليا منه عوا قافها

خالد المقاطي
06-27-2007, 07:06 AM
اللـــه اللــــه استلم


ياجمل لو نزندك الحمل وش تشيل = الله اعلم تخليها بمشرافها
خابرك ياصحيبي في دروبك دليل = هات حجتك قدمي واجلب الحافها

متعب الخيل
06-27-2007, 07:51 AM
هلا هلا

اشهد انك مهول مير مامن حصيل=الجمل لانوا الناقه تكرافها
للجمال الهدير وللحصان الصهيل=والجمال معروفه دون ميقافها

صح السانك يابوو وليد اسعدني اللعب معك والختام عندك

ولنا لقاءات أخرى انشاء الله

خالد المقاطي
06-27-2007, 08:21 AM
هههههههههه
انا والله سعيد بالعب معك يالمتعب الخيل والساعه المباركه
والجايات اكثر .. استلم استلم :)




لاوردنا نشيل الكيل ونحط كيل = والمنيحه جملنا للتفت عافها
للجمال الخطام وللحليب الصميل = وانت قسمك وحيده واختر اوصافها

محمد المقاطي
06-27-2007, 02:08 PM
متعب الخيل

خالد المقاطي

صحت السنتكم
وامتعتونا باللعب الطيب

تحيتي

((الـروقـي))
06-27-2007, 03:21 PM
لعب طيب طيب بالحيل

وتسلمون على هاللعب ولاهنتوا ياشعار

متعب الخيل
06-28-2007, 07:19 AM
السلام عليكم

محمد المقاطي

صح بدنك لاهنت يالشيخ على مرورك الكريم

متعب الخيل
06-28-2007, 07:20 AM
السلام عليكم

الروقي

صح بدنك ولاهنت على مرورك الكريم

جراح العصيمي
06-28-2007, 05:45 PM
صح اللسان الشعار