المساعد الشخصي الرقمي

مشاهدة النسخة كاملة : ديوان مصغر للشاعر الكبير بندر بن سرور


الذيابي الهلالي
06-27-2007, 12:55 AM
من قصائد الشاعر الكبير
بندر بن سرور العتيبي


----------------------------------------

الشاعر بندر بن سرور
هو: بندر بن سرور بن خضير القسامي العتيبي
ولد وترعرع في القراره بمدينه الدوادمي سنه1360هجري
توفي والده وهو صغير السن وعاش مع عمه بعد زواج والدته من رجل اخر.
عاش الحرمان منذ صغره وربما السبب فيما وصل اليه بندر من موهبة شعريه فذه
درس حتي المرحله المتوسطه وتوظف في الجيش _السعودي وارسل للكويت اثناء حرب الصامته وتهديدات عبد الكريم قاسم حتي وصل الى رتبه عريف في الجيش الكويتي .

قال بيت له عندما اتاه احد الدائنين يطالبه بماله

الدين واجد و الوظايف تعيسة والعسكرية خلت الراس شايب

----------------------------------------
من اشهر قصائد بندر ابن سرور علي الاطلاق والتى يرددها الجميع
( ياسخيف الذرعان)
وحكايتهاعندنا قام بندر بن سرور بطرق باب الامير تركي بن ربيعان في وقت متأخر وكانت احدي الفتياة تخاطبه من خلف الباب وسألته من هو وما يريد قال انا بندر اريد والدك وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج واخذت كلمتها تلك موقعٍ من الاسيءفي نفسه
وكان بندر مروف لدي الجميع وقد انشد قصيدته تلك

ياسخيف الذرعان مانيب مرجوج
رجتني الأيام غدر وحيله

يابنت لولا اللي على تاسع الفوج
تركت نجد وعزوة بالقبيلة

لاشك حاديني على نجد هادوج
مسقي الفيافي لين يدرج مسيله

تركي ليا من الليلي غدن عوج
حملة عتيبة كلها ماتشيله

يرسي كما ترسي البواخر على الموج
ومنين ماصك البحر يرتكيله

مادام تركي حي ماودي أدوج
وإن غاب غبت من الرجوم الطويلة
----------------------------------------

كانت هناك قصيده لبندر يهجو بها السديري وعندما سأل السديري عن عدم رده علي بندر قال هذا شاعر بيوته ابكار اي بكر لم يسبقه احد علي قولها.
وله بيت يؤكد ما قيل عنه

أنااليا مني نويت أفتل البيت
فتلت والشعار ما ينقضونه
----------------------------------------

وله قصيده مشهور ايضا قالها عندما كان في الامارات وهي طويله لكم منها تلك الابيات

متى يجي في نجد بعض التدابير
حتى يجي للصابرين انفراجي

يالله ثبتني على الارض لا اطير
لين اشرب الشاهي واكل علاجي

علاج راسي حبتينن بقصدير
اللي عليهن رسمهن بزدواجي

ويامنير اخذ الفرت واخذ الفواتير
واحرص عليه ودخله بالكراجي

ان كان يبغى بنزيم كبر المواصير
وان كان يبغى نار غير بواجي
واليا استعد وصخر البعد تصخير
تصخير شيهانن لفرخ الزراجي

عده على اللي مايعد المخاسير
ركاز عمدان الخشب للنعاجي

ثم قل لبو ماجد ترى وقتنا غير
واتبدلت سحب المطربالعجاجي

والباقي رقابه
----------------------------------------

من قصايد بندر بن سرور
(في الصبر)

أنا الذي ما ابدي على الناس سرّي
من خوف سودان الوجيه تحكي به

أصبر على ظيم الدهر و التعرّي
من شان من يرضى عليّ الغليبة

وابعد مجالي عن عيال التزرّي
من لا هوى قلبي دواه المغيبة

واخاف لي من مجلسٍ ما يذرّي
في جانبه بومٍ حساسه صليبه

وسوالفٍ مابين بحث و تحرّي
يجرح فؤادي عيّه و ابتلي به

يرضيني المقسوم خيري و شري
سبحان من لا تعلم الناس غيبه

أحدٍ على ربعه يحب التحري
للشر بلاس و خيره بجيبه

هذاك يالربع انا منه متبرّي
لو عضّني ناب الدهر ما انتخي به

من خوف يضحك لي و هو يستغرّي
يفتل حبال السّوْ ما يندري به

يفرح عليّ بكل شيٍّ يمرّي
و ان شاف يمّي خير عنّي نهيبه
----------------------------------------

من قصايد بندر بن سرور

الا وا وجودي وجد من صك دونه باب
بقفل اعجمي مغلقات مساميره

عَدَو به على اللي كنه النسر بالمرقاب
على الجمس الأصفر كاملاتشراشيره

معه فرت خمسة طن ياخذ مية ركاب
من المال عيّن ينقلنّه تغاييره

دخل هو و حِمله للحكومة بغير حساب
وراعيه عشر سنين و يعاد تقريره

على اللي كواني كيّة العظم بالمشهاب
على أقصى عراوِ القلب محمي مناشيره

عشيري ورا الكوده وانا من ورا مشعاب
بعيد قريب تعيب يا هون تيسيره

ولا يوصله كود " فرت " عليه اسطاب
ليا حاسب السوّاق تقدح مواخيره

صنايع بياطير الكفر لابسين الكاب
عصاة اليهود اللي مشاريبها البيرة

ألا يا نديبي فوق فرتٍ ورد من شرق
على راس قيره للعليمي تعاشيقه

من الوارد اللي جمركه عند راعي عرق
على المطرق مجبور ياخذ قماريقه
----------------------------------------

من قصايد بندر بن سرور

من بلاد الشام جينا بالمكينة
فوق فرتٍ ما تخثع بالطماني

يحتدي مثل الجمل تسمع رطينه
مع طمان القاع مثل الثعلباني

والشـُفير من المدارس مطلعينه
عن ظلام الليل شب الكهرباني

كل ما جاه تل يلعن والدينه
باليمين اللي على كل اليماني

ما تجيه يسار رجله شوف عينه
غير يسرى الطار شيٍّ بالاماني

يوم قال له الخوي عاشت يدينه
شد رجله للكمك واحد و ثاني

يالله انك تنصره من نصر دينه
إن عطى له مع غبا ولا بياني

قلت يالمطنوخ أنا عيني حزنه
من شراب اللف أبيه و عنك كاني

قد رمى بالكيس قدمي قال وينه
دوك ما بالجيب عن شيٍ لهاني

قلت ثالث قال يالله لا تهينه
قلت خامس قال يطلب نقل ثاني

قال واحد و الكمك واسمع حنينه
كيف ما ترضى عليّه بالهواني

قلت واحد و الكمك ضام المكينة
قال لي من يرحم القاسي لياني

قلت والله يرحمونه صانعينه
قد زعلت من اللهيب اللي حداني

قال ما ناثق بمن هم متقنينه
عن مشاور غير عرفي قد كفاني

قاطع عرقين مادري وين وينه
قد وصلت الأرض و اسمع صوت ثاني

قلت دوك اللف خابوا شاربينه
غطّني عن شوف شي ما خفاني
@
================
راكب اللي مخ ساقه خنازير و هوا . .. أشهب في مقدمه بارقين و عكس تاج
متر في مترين مستبرم كله سوا .. . حايفه حطاب ما سمكره راعي الكراج
إن نعشته بالثلاثة مع اللفة عوا .. . عوي ذيب محتدينه مربية النعاج
ثابت ما يختلف كلما لف إنزوا .. . و ارتفع ثم ارتخى مثل طايرة المراج
كن ضرب المرو في الويل قدام و ورا . .. ضرب هملول البرد و ان تقفاه العجاج
منوة اللي مشفقن لهله و لهم نوا . .. من بعد طول المسافة يبي فلّة الحجاج


===================

من قصايد بندر بن سرور( القصيده هذي جبل من المعاني والمفردات والحكم والعبر)
صد من سماة متنبي عتيبه

يالله يا جال الأمور المهمة . . تجلى وهق قلب برى حال راعيه
البر دجته و البحر رحت يمّه . .. أدرج سبب حظ على الله مساعيه
يوم إن ولد اللاش رزقه على أمه ... رزقي على اللي ميّت القشع يحييه
ماني وانا بندر ببياع دمه . .. يقطعك يا بيّاع دمّه و مهفيه
اللي يبيّع لابسات الأزمه .. . ثور يبي بيض العماهيج تغنيه
يزعل ليا جت ليلة الدول يمّه ... يرضى بسوق المال بأخيه و أبيه
خطو البخيل اللي يكبّر معمه ... يقرا الكتاب و واجب الله مخليه
أما هرج له في رفيقه بنمّه .. . والا عطا و أمه تضيّع هقاويه
يا مل قلب كل ما مات همّه . ... دارت دواليب الدهر لين تحييه
فرّاق شمل الناس عيّا يلمه .. . وقتن يشيب الراس من شاية فيه
أحدن ينام و حط راسه بكمه . .. و أحد تخم النوم عينه و تخطيه
و أحدن يحاول بالردى بنت عمه ... و أحدن يحاول ستر عذرا عوانيه
تخالف الأنظار شرقن و _يمّه .. . كلٍ هدف رايه من الناس مرضيه
أنشدك ياللي كل شي تتمه .. تقرا الكتاب كل فرض تصليّه
ويش القليب اللي عميق مجمّه ... ما سرّ غرسه ماه عطشى سوانيه
سم السبب يا عارفن عنه سمه .. . سم السبب يا عارفه قبل اسميه
والله يا لا لا كلمة قيل ذلّيت .. . لارك مقاصى اللاش نقص و مهونة
لا شك ضرّاب المثل به تقدّيت .... من حرّك المجنون ناطح جنونه


===================

من قصايد بندر بن سرور

يا رشيد يوم أتعبتني بالتناشيد .. . خذ لك من الدرويش زبدة قصيده
ليا عبدت الله ولا أشركت تعبيد .. . ترى محمد صفوة الخلق سيده
و ترى أبرك الحاجات يوم صدف عيد ... جمعة اسبوع و صادفت يوم عيده
و اذكر لك الاجواد صد و صواميد .. . و ؟؟؟؟؟ لا صدت ولا من صميده
و اذكر لك اقشر ما على السيد و البيد ... اللي طمع بنت القصير الحديده
فضح قصيره عنده انه كسب فيد .. . سولف بها للناس خطو البليدة
سولف بجرحٍ ما لجرحه تضاميد .. . زوّد لجرحه جرح ينزف صديده
ليا وطاك اللي وطاني تراديد .. . رد السؤال ولا تخبر بريده
اضرب ثلاث بعشر و اجمع تفاريد . .. و فرق على العشر القليد بقليده
واللي بقى لو تفرقه للمواديد . .. كم تفرقه بين الوديد و وديده
أنا الذي قد مرني سلك تجنيد . .. خدمت به سنين عديده
مرحول هم و كل شي له أجيد . . اجيد زين و شين و الهم اصيده
اسمع صرير القلب بين الجواريد . .. حدّنه الاضلاع و اسمع صريده
صرير فرخ حده اقطم صواريد .. . اول طرد قرناس ثاني حريده
هذا و انا شفت الوزا و التزاهيد . . لا اقول حي ولا تحت قبر ريده
والله ما أهني قاضي العمر ترغيد ... ابن اللئيم اللي حياته رغيده
أهنّي القلب الخطا بالمراقيد .. و ضب الخلا لو ياكل رديده
ما يطلع القرناس من عش بطّه .. . و الجبو ما يحيي النوامي شفيطه
ليا صار من ربعك اقيشر و نِطّة .. هزّ المحالة لين يفرط شريطه
تراه ما ينفع عساها تلطّه . .. خيال دجل و مثل عنزٍ ربيطة


===================

وهاذي بعض المقاطع

---------
يا بنت ياللي عينها عين شيهان .. . حرّ قطامي فعوله عطيبه
والقرن ذيل اللي تشعشع للاكوان .. . بنت الاصيل اللي طويلٍ سبيبه
و الردف يطوي الثوب و العود ريّان ... و الخد بارق مزنةٍ مستجيبة
أسايلك بالله خلاق الانسان . .. الله عليتس انتي من أيّا عتيبة ؟؟؟
------
يا زين فنجال على نومة الناس .. . زرع اليمن و اللي مسوّيه عيده
يبري العماس اللي فضى خوتة الراس ... روابع يقفي و يقبل بريده
----
يا بنت ياللي عمرها صدر و ردوف . .. بيض محاجرها و حلو نباها
ودي بشوفك مير يوم اقصر الشوف .. . عيني بعد هاك الرمد قل ماها

ماني وانا بندر بهيسن ولد هيس ... هيسٍ يدنع عند حرمة قصيره
ليا بغيت اجلس ترى لي مجاليس ... وليا بغيت انهج دروبي عسيرة


ماي وانا بندر بهيتٍ ولد هيت ... هيت مقابل خمّةٍ يكرهونه
من كثر ما جرّبت وأقبلت و أقفيت ... قولة هلا من لا يودّك مهونة


ماني وانا بندر على درب الأنجاس ... اللي قريبٍ تفلها من لحاها
أنا بدرب الصيرمي عدم الأجناس ... زيزوم روق ليا تنصّت عداها


ماني وانا بندر بنصّاي جابان ... شوخ الجموس مناقرين الحليلة
ليا صار لي لازم نصيت ابو فيحان ... شيخ الشيوخ مكمّلين الجميلة


ماني وانا بندر براعٍ ولد راع ... انا الحصان اللي طوالٍ حباله
إبن سلايل خير من شالت القاع ... المصطفى الهادي وديع الرسالة



صوتي وانا بندر طويل ليا بان ... إن ما خشيت الرب ويش اختشي له
ما ينرمي قولن على غير نيشان ... و من لا يثبّت حجته ويش هي له



وهذا احدي ابياته التي قالها في الكويت عندما شاهد فتاه في الصف الثاني اعداداي
يا بجاد لو صادفت وِرعٍ صدفناه ,,, على طلوع صفوف ثاني إعدادي
ابو جديل يوم تدلج زواياه ... سبّاح غبّات مع الموج غادي
يمكن يصبّون الذهب من شفاياه .. والا بخده يزرعون الزبادي

إلى ان توفاه الله عندما كان متجها الى صديق له , خارج مدينة الدوادمي , حيث أحس ببعض الالام و توقف على الطريق ليرتاح , و كانت هي النومة الأخيرة
رحمه الله ..
وكان ماعد اخته من اسبوع يوديها الىالبر في اليوم الذي توفي فيه ولكن مشيئه الله كانت هي الاقرب

المعذرة إن حصل قصور (تحياتي

محمد المقاطي
06-27-2007, 01:02 AM
هلالي ذيابي

الله يعطيك العافيه

صراحه مجهود رائع

تشكر عليه

بس عندي ملاحظه وهي

تاريخ الميلاد اذا ماني بغلطان غير صحيح

ياليت تتأكد منه
وسلامتك

عاصم العتيبي
06-27-2007, 01:33 AM
مشكوووووووووووووووور أخوي هلالي ذيابي علي الموضوع ولكن التاريخ هجري واليوم

صقر روق
06-27-2007, 02:10 AM
الله يعطيك العافيه أخوي هلالي ذيابي

بس أعتقد هناك أخطاء في كم بيت من أبيات القصائد

مثال على ذلك هذا البيت :

ويامنير اخذ الفرت واخذ الفواتير
واحرص عليه ودخله بالكراجي


والصحيح هو :

يامنير دوك الفرت وأخذ الفواتير

أفحص عليه ودخله بالكراجي


ومثال آخر :

ان كان يبغى بنزيم كبر المواصير
وان كان يبغى نار غير بواجي

والصحيح هو :
اللي يبى البنزيم ركب مواصير

واللي تبيه النار ركب بواجي


وباقي الأبيات أرجو التأكد منها والتصحيح

مشكور وماقصرت

الذيابي الهلالي
06-27-2007, 03:26 AM
مشكورين يامحمد أنت وصقر روق وأنا مجرد ناقل فقط وراح أتاكد من كل الملا حظات اللي أبديتوها (تحياتي)

خالد المقاطي
06-27-2007, 09:04 AM
هلال الذيابي..
لاهنت وانا اخوك على الاختيار الموفق
اما بالنسبه للخطء انا اوافق صقر روق
على ماقال...
..............................
ولاهنت واختيار موفق عن الاصطوره (( متنبي قبيله عتابه ))
اشكرك كل الشكر وانا اخوك
وتقبل مروري والمتابعـــــه
دمت بود

المحياني
06-27-2007, 10:15 AM
مشكوور ويعطيك العافية وما قصرررت

الذيابي الهلالي
06-27-2007, 12:54 PM
خالد المقاطي مشكور على الرد وملاحظاتكم عين الرأي وإن شاء اللة يستفيد المتلقي من ملاحظاتكم (تحياتي)

جراح العصيمي
06-28-2007, 05:20 AM
مشكور وماقصرة

نسيم الشرقية
06-28-2007, 08:18 PM
محمد

يسلموو على مرورك ..

الذيابي الهلالي
06-29-2007, 01:56 AM
مشكوين على تعليقاتكم (تحياتي)

الزيادي
07-19-2007, 09:16 AM
احدن يحول بردا بنت عمه وحدن يحاول ستر عذرا عوانيه

الشاعر بندر بن سرور من اكبر الشعار في قبيلة اعتيبه

والله يعطيك العافيه اخوي / اهلالي

اخوك/ الزيادي