المساعد الشخصي الرقمي

مشاهدة النسخة كاملة : مراسلـــه الـــــــــرحــــىآ


عباس مشعل الشيباني
06-26-2007, 08:44 PM
السلام عليكم ورحمه الله وبركاته

مساكم الله بالخير

هنا نقف حيث كان التحدي والمبارزه بالقيفان على قوافي [ الاج , الكم ] من شخصين احدهم منصور الشيباني والاخر الشاعر عبدالله بن بندر بن هليل بن غلاب الشيباني فكان الله عوني في حيث ماتبارزت به من الشعار في حيث قولي هذه القصيده التي اسميتهـــا


(::][ الـرحــــــىآ ][:: )




طلب مني حد الشعار قوافي قافيات الاج=طلب غيره من الشعار قوافي قافيات الكم
وانا وافيت مايطلب ولو كان الطلب منتج=على كيفي بجيب الشعر وتلفيني وتلفاكم
يحسبون القوافي بالشعر نغمات ماتسحج=وانا اقول القوافي سهلت(ن) تارد بلياكم
اجيب القاف فوق القاف واحشرالقاف مايرتج=واحشرالبيت فوق البيت على قيفان طلباكم
وزنت القاف بالميزان وينطق قول يامخرج=على بحري طويل(ن) ناصي(ن) ربي ومولاكم
وانا اشوف المعاني صافيه بالعون يامحرج=وزونن كلها يسره وبرسلها على اقواكم
يقولون الخيول الفاسده بالعون ماتسرج=ويضرب بالمثل سرج البقار اللي على قفاكم
ضربنا بالمثل بالعون على شخصين من املج=بعيد الدار ياستار وضعناه بغطا بالكم
عيونك ياصحيبي لاتشوف بها نهار العج=تسدد من غبار القوم وثارات(ن) على لحاكم
وعالجها يابو بندر وسرحها بشهر الحج=ليا منك تقاضيت الحقوق الصافيه جاكم
وبابحر بالعقل ابحار كامل والعقل بيسج=ويسرح ضاربن وجهت ديارن مابها حاكم
ويحكم بالعقل والقلب ويلعن ساعت(ن) ينهج=وياخذ بالثواري ثارت(ن) فيها بشرواكم
وانا برفع دعاوي ضلم من ظالم مايهرج=يداري بالامور الصاليه فوق الغدر جاكم
وانا برفع بقولي والحقوق الوافيه تبهج=توافيني على حقي تعاوني بمسراكم
وانا لساني هذا بالعون لامنه نطق يفلج=على قاضي يعرف الحق وسيتر ماوجه منكم
تعرفون الحقوق الطيبه والخافيه للوج=يسمى الوج باهل الدج وبالفرعون يلقاكم
يابو بندر انا وانته على موتر بوصفه لنج=نبى نغزي به المذكور نبي نسعد بلقياكم
نبي نمسي على بيت(ن) طويل(ن) ماعرف للدج=اظنك فاهم(ن) قولي يدور بحول احياكم
بضرب الفاس فعل عباس نتج من ناتج(ن) مهتج=على حق(ن) من حقوقه وفعل(ن) من وصاياكم
سرح عقلي بمعنى صافي(ن) الطالبه بالاج=ووفيت الحقوق الباقيه بالي طلب بالكم




وقــد قام بالرد علي مقارضه لي الشاعر عبدالله بن بندر بن هليل بن غلاب المرشدي الشيباني حيث قال مقارضإ :





الى منك بديت القاف مبدى قافكم يبهج=وانا ابرجو عسى ردي يحوز لغايت ارضاكم
وانا باشكرك ياعباس يومنك على المنهج=وانا ماظن ابه واحد بقيفانه تحداكم
تصوغ القاف مابه في جميع ابياتكم معوج=من اعماق الظماير صاغته بالوزن يمناكم
الى مني قريت ابياتكم بالعون ماعنها الضمير يسج=وانا بدعيلكم بالخير وارجوا رد دعواكم
وانا اراعي بعد منصور واخذ منه بعض الهرج= واشوف اللي بقا عنده ويش برده اعطاكم



ولقد احببت ان اديـر الرحىآ مره اخــــــرىآ حيث وقفت قائلا :






يابو بندر رعاك الله من قيفان ماتبرج=وردك لي يجمل حال من شافه ويقراكم
وانا اقول العفو ياخوك والله مابها مرتج=بيوت(ن) صافيه والله مصفيها بيمناكم
وزنت القاف ياعراف وزنته وزنت(ن) تبهج=وبحرك صافي(ن) عذب(ن) ويسعدني شرب ماكم
هذي والله قيفان(ن) تعجز شاعر(ن) مدعج= عيونه وسط خلانه ويضحك من سواياكم
وانا بضحك عليهم وانت لا تضحك ترا تحرج=ترا خلك خويي مابه اليومه بلياكم
حشرته حشرت الشعار حشره مالها مخرج=كويته بالوسوم الصاليه والفال يقفاكم
ياويلك يارفيقي من سوايا شاعر يمرج=سحب مسحوب رفع بالطوب صقع بالراس ماسقاكم
هذا والله حشر(ن) منه تحشر ناس ماتفلج= تبي تنحاش من هالجاش تبي تاخذ بسكناكم


وسلامتكم


اخوكم

عباس مشعل الشيباني

محمد المقاطي
06-26-2007, 11:46 PM
صح لسانك

وبيض الله وجهك

وعزالله انك كفيت وفيت

يابن مشيب

وتقبل مني تقديري
واعجابي

خالد المقاطي
06-27-2007, 05:13 AM
ابن مشيب عزاللــــه وزن القاف فوق القاف
ولافيـــــك حيله :)
صوت // وصدى
لاهنت يابن مشيب على الابداعات الساميه
ولاهي غريبه
تقبل مروري واعجابي
دمت بود

المحياني
06-27-2007, 12:09 PM
صح لسانك

مشكووور ويعطيك العافيه وما قصررت على القصيده

عباس مشعل الشيباني
06-28-2007, 01:02 AM
اخواني الكرام


صحه ابدانكم


وشاكر لكم مروركم يالغالين

مع تمنياتي لكم بالتوفيق الدائم


اخوكم



عباس مشعل الشيباني

جراح العصيمي
06-28-2007, 04:29 AM
صح اللسانك

على هذه القصائد الرائعه


وتقبل تحياتي

عباس مشعل الشيباني
06-28-2007, 05:39 AM
صح بدنك اخوي جراح العصيمي


وشاكر لك مرورك يالغالي

مع تمنياتي لك بالتوفيق الدائم

اخوك

عباس مشعل الشيباني

نسيم الشرقية
06-30-2007, 10:31 PM
صح لساانك

الله يعطيك العاافيه ..

d-r
08-14-2007, 04:53 AM
ياسلام وصح لسان الشعار
-----وشكرا

المقاطى_q8
08-16-2007, 02:11 AM
صح لسانك
اخوي عباس
الله يعطيك العاافيه


تقبل مروري

تحيتي