المساعد الشخصي الرقمي

مشاهدة النسخة كاملة : الوجد - للشاعر خالد مدعث الدوسرى


المقاطى_q8
06-22-2007, 05:04 PM
قصيدة الوجد - الشاعر خالد مدعث الدوسرى




كل ما فاضت عيوني باشت الأضلاع غنا=الموارد في الضلوع وكل ضلع فيـه ونـه
والتمني ما يحقق هقوت القلـب ان تمنـا=بس قلبي ما يداني تبعـد الهقـوات منـه
وا وجودي وجد من جلي عن دياره مجنـا=تو عمره عشر واربع والليالي مـا تحنـه
ما وراه إلا عجوزٍ واختـه وعـود مسنـا=بين فقر وبين دين وبين ضيم وبيـن منـه
ما ذبحهم غير دمع من الغبينه مـا يكنـا=ويل من سود الليالـي بالمصايـب يبتلنـه
راح مثل الذيب وهبلته حياة الذيـب ظنـا=وآمن والموت يومي بين مخلابـه وسنـه
راح ينقل دم قلبه وان ضواه الليـل ونـا=الذيابـه مروحاتـه والسيـوف يـدورنـه
ليا ذكر دم القرايـب عانـق البيـدا وثنـا=وان تذكر ضحكة امه زاع قلبه من مغنـه
ما يلوعه في حشاه إلا ليا شاف البرق سنا=غاب عشر اسنين ما به من يرد العلم عنه
ان حداه الخوف منا هزت الأشـواق منـا=يوم طال الوقت عود للديـار اللـي ربنـه
قـال مـا دام المذلـه والبـلاوي يبتلنـا=والله ان الموت في الأوطان بين الربع جنه
يوم وقف في المنازل ما لقى بيـت مبنـا=غير بيت للهبايـب والـذواري يلاوحنـه
راح يمه كنه اللي ضاربه رمـح المطنـا=وعذابه ما درى ان سهوم بقعـا يحترنـه
يوم قرب سمع له صوت من العلـه يحنـا=حصل امه عندها ضيف يقول الموت سنـة
قال يمه قالت عيوني مـن الدمـع انعمنـا=قال ابويه قالت اطوال النصايب قد خذنـه
قال واختي قالت اقفى القوم باختك مع ظعنا=قال ربعي قالت اسنيـن المجاعـة فرقنـه
قال جيتك قالت ان الموت ما ظنـي تونـا=واستلمها نازع الارواح روحـن مرجهنـه
ثم صاح من التفرق صيحة اللي فيه جنـا=دق صدره وانطوى من حر ما به طي شنه
كل هذا حال قلـب مـن خلقـه الله معنـا=الهمـوم يوكلنـه والـروابـع يوكلـنـه
ليه ادور للسبايـب والسبـب فينـا ومنـا=النفوس وما تسوي واليدين ومـا حصدنـا
لا تسودنا الخطايا نلحـق الشرهـه زمنـا=ما جزانـا إلا عملنـا والخلائـق يثبتنـه
قلت اجرب ويش ورنـا بنتسـلا ونتهنـا=الليالي ماتخالف من طلـب شـي عطنـه
جاهل في الغيب واثراللـي يسلينـا طعنـا=مادريـت الا بقلبـي والمحانـي يردعنـه
قلت وين تروح خلك في ضلوعك مرجهنا=قال مدري مير كن الحب تل العروق كنـه
قال مخطـي ليـه اليـا ذكرنـاه اشتحنـا=وانتبهت وطاح فكري للطـواري واخلفنـه
رحت ابسأل بنت حوا ليت حنا ما سألنـا=كان والله مستريح مخلـف قلبـي وظنـه
قلت هز العود صفق النود قال النود حنـا=لاماذكر بـه عـود الا والهبايـب يطرقنـه
قلت في دارك غريب وقال حول في وطنا=غريب لك محل في قصورله سيوف يحتمنه
قلت اهلنا قال والله ما نعيب سلـوم اهلنـا=العفيف من الهوى مابـه علـوم يحرمنـه
وابتدينا قصـة السبـع العجـاف ومللنـا=كل عام يمر يعطينا مـن اللوعـات فنـه
وافترقنا ما لقينا مـن يـرد العلـم عنـا=غير حب للهبايـب والـذواري يلاوحنـه


وارجوا منكم القبول

نسيم الشرقية
06-22-2007, 05:20 PM
صح لسان قايلها

الله يعطيك العاافيه ..

محمد المقاطي
06-22-2007, 05:26 PM
المقاطي

مشكور
والله يعطيك العافية
علي الاختيار الموفق

تحيتي

العطـاوي
06-22-2007, 11:54 PM
المقاطي ..
قصيده رااائعه ..
ونقله ممتعه ..
صح لسااانكـ ولساااان الشااعر
أخووووووك / العطـاوي

المحياني
06-23-2007, 02:46 AM
مشكووور ويعطيك العافيه وما قصررت على القصيدة ابو مدعث

خالد المقاطي
06-27-2007, 09:14 AM
المقـــــاطي
ياســلام ياســـلام
صح الســـانك انت والله
تقبل مروري والمتابعه
دمت بود

جراح العصيمي
06-28-2007, 05:22 AM
مشكور وماقصرة

المقاطى_q8
07-02-2007, 06:33 AM
لاهنتو على المرور
........
نسيم الشرقيه
.
محمد المقاطى
.
العطاوى
.
المحيانى
.
خالد المقاطى
.
جراح العصيمى
........
واقبلوا تحياتى

الزيادي
07-19-2007, 08:17 AM
الله يعطيك العافيه اخوي

على الموضوع الرائع

اخوك الزيادي

المقاطى_q8
07-19-2007, 05:12 PM
لاهنت على
التواصل الدائم

الزيادي

كل التحايا

الــولــيــد
07-19-2007, 07:12 PM
صح لسان قايلها




يعطيك العافية ,,,,,,,

المقاطى_q8
07-20-2007, 05:24 AM
ابو يوسف

تواصلك الدائم يسعدني

ويجعل موضوع احلا

شكراااااااااااااااً