المساعد الشخصي الرقمي

مشاهدة النسخة كاملة : من يشتري مني قصايد حزينه ؟***ويبيع لي شعر بلا هم واحزان


راكان الذيابي
06-27-2009, 07:12 AM
من يشتري مني قصايد حزينه *** ويبيع لي شعر بلا هم واحزان...

مليت من شعري وقلبي وانينه *** ودي اعيش العمر واكون فرحان ...

ودي اعوض مر عمري وسنينه *** وانسى زمان ليته اليوم ما كان ...

ودي انسى كل ذكرى دفينه *** خلاص يكفي ومن لظى الشوق تعبان ...

ايام ما تسوى ودنيا لعينه *** يا ما سهرت اذرف من الويل نيران ...

يامابكيت بحسرتي والغبينه *** ياما شكيت ويعلم الله سبحان ...

عجزت الاقي في هواي السكينه *** عجزت الاقي لبسمتي اي عنوان ...

تايه انا في بحر مثل السفينه *** تايه ولا عندي دليل وبرهان ...

اكتب قصايد والمشاعر سجينه *** و في حزنها نعزف مواويل والحان ...

اجر ونات ونفسي رهينه *** ودمعه الم تحوي مجاميع الالوان ...

الله يجازي الي سحرني بعنيه *** وبالآخر تركني في شقا الهم غرقان ...

عشرة عمر يا ناس بيني وبينه *** سجلتها ذكرى في ستين ديوان ...

من يشتري مني قصايد حزينه *** ويبيع لي شعر بلا هم واحزان ...

& دلـوعتيبـه عـة &
08-16-2009, 07:28 PM
قصيدهـ رآإئعه ...~


مبدع دآئمآً {..رآكآإن


لآإ تحرمنآإ من جديدك يآإلغلآإ .!!


دمت بخيــر....

الفرحه
11-15-2009, 06:32 AM
الله يسعد كل مهموم وحزين


صح لسانك ياالشاعر

كلمات أكثر من رائعة


دااااام نبضك

بنت القصيد
11-15-2009, 01:02 PM
صح لساانك



يا الذيابي قصيده جميله رغم حزنها


لاهنت في انتظار جديدك

راكان الذيابي
12-30-2009, 03:44 PM
ولا هنتم على المرور الجميل اشكركم على المرور

ثواب بن زيد الحارثي
01-31-2010, 10:15 AM
صح لسانك عدد ماخط قلمك

واتمنى ان نقرا الافضل

تقبل تحياتي

الموسيقار
02-07-2010, 06:10 AM
صح لسانك قصيده معبره ومترابطه لاكن ياليت تنتبه للوزن في بعض الابيات وهناك ابيات فيها ثقل
بالتوفيق