المساعد الشخصي الرقمي

مشاهدة النسخة كاملة : احدى قصائد الشيخ تركي بن حميد


عمر المحياني
06-20-2007, 09:55 PM
فكر وناظر يامحمد ترى الحال=نفسي وتاليها مع الله خبرها
العين كن لها عن النوم عذال=تسهر وغاد نومها عن حجرها
والكبد ماتقبل من الحلو فنجال=والمر لو هو عشرق ما نقرها
دنيا هيال ولا لحقنا لها جال=وازريت اميز سهلها من وعرها
كان اقبلت ياحلو هاك التبهلال=وان دبرت سو على اللي حضرها
ما ظن فيها واحد داله البال=احفظ لدينك وانتبه عن خطرها
تراه مثل الفي لابد ينزال=والشمس هي ويا القمر من فكرها
الحق ينكر والتفاخر بالاموال=لاهين في غفلاتهم في دورها
كم فرقت من دولة حل واجيال=واليا امرها الله عطتهم نحرها
فعال نو الخير لامه الانذال=كثرة تخاليف العرب في صورها
ياالله ياعالم خفيات الاحوال=ياللي ذنوب العبد لا شا غفرها
طالبك انا الجنه وحسنى بالاعمال=تقدر تفرجها الى جا قدرها
كم واحد يمشي مع الناس مهذال=يرعى سواة العاذرة من بقرها
لاشاحنه علم ولا وارده حال=ولا يميز وردها من صدرها
ثوب النقا يرخص ولبسن الاسمال=سلم الرجال اللي تلامع شهرها
ان كان مانت في معانيك حمال=عمل الردى يهويك مظلم حفرها
ذا قول من عدل غريبات الامثال=بيوت عسرات لمن لا قدرها
انا احمد اللي بدل الشمس بظلال=وهان مصاعبها ونقطف ثمرها
ما همني دنيا ولا همي مال=الرزق ياتي مثل هاتف مطرها
شفيى ومقصودي من الخيل مشوال=شقرا نواصيها كثير شعرها
شفي عليهاكان هو زعزع المال=ومن الهنادي صارم في ظهرها
وبالكف من غالي المطارق هولى البال=يروى بحزات اللقا من حمرها
ونجر توال الليل تسمع له اعوال=ودلال يلقا الكيف من هو نحرها
برية يطرب لها كل شغال=والزعفران مع العويدي ذعرها
تهدى لماضين التجارب والفعال=زيزوم عيرات تعايل جررها
وتهدى لمن يثني نهار التجيوال=مودع جياد الخيل تركب وعرها
والثالث اللي بالقسا يرخص المال=له ربعة دايم تناطف سفرها
وصده غن اللي مع دروب الردا عال=يمناه عن طيب المعاني قصرها
وصلوا على من صار للخلق مرسال=عداد ما اخضر الورق من شجرها

محمد المقاطي
06-20-2007, 10:11 PM
عمر المحياني

مشكور والله يعطيك
العافية
علي الاختيار الموفق

تحيتي

المحياني
06-21-2007, 12:38 AM
مشكووور ويعطيك العافيه وما قصرت على القصيده الجميله

أبــو مـانــع العتيبي
06-21-2007, 01:16 PM
أخوي عمـر المحيـاني
الله يعطيـك العـافيه على هـذي القصيـده الطيبـه
الله يرحم شآعرها ويرحم أموات المسلمين
صـح لسـانك
سملت أناملك على هـذا النقـل الجيـد
لآعدمنـاك

نسيم الشرقية
06-21-2007, 03:31 PM
صح لسان قايلهاا

الله يعطيك العاافيه ..

عمر المحياني
06-27-2007, 10:54 PM
الله يعطيكم العافيه على الرد

جراح العصيمي
06-28-2007, 05:18 AM
مشكور وماقصرة

الزيادي
07-19-2007, 09:37 AM
الله يعطيك العافيه اخوي عمر المحياني

على الموضوع الرائع

اخوك الزيادي

خالد المقاطي
07-22-2007, 01:01 AM
عمر المحياني


لاهنت يالذيب

عز الله احسنت الاختيار

وهذي من اشهر واجمل قصائد / الشيخ : تركي بن حميد

لاهنت : اشكرك كل الشكر

اتركك بود

المقاطى_q8
07-22-2007, 07:55 AM
الله يرحم الامير تركي بن حميد

لاهنت علي النقل المميز

اخوي عمر المحياني

تحيتى