المساعد الشخصي الرقمي

مشاهدة النسخة كاملة : قصيدة الشاعر / سعيد بن قميشه في حفلة دعم الشاعر / محمد غازي


طارق النفيعي
04-17-2009, 02:38 AM
بسم الله الرحمن الرحيم

السلام عليكم ورحمة الله وبركاته

أقدم لكم قصيدة الشاعر : سعيد بن عايض بن قميشه

والتي ألقاها في حفلة دعم الشاعر محمد بن غازي النفيعي المشارك في برنامج شاعر قلطة الوطن بدولة الكويت الشقيقة مساء الأربعاء الماضي في قاعة الأبراج للأحتفالات بحي السلي


يامرحبا ياأهل الوجيه المطاليق=ترحيبة تشفي النفوس السقيمه
ترحيبة تمزج بزين الطواريق=من شاعر ماياسم الا اليتيمه
حياكم الله عد نبت الزماليق=وعد النجوم وعد مانهل ديمه
في حفلة تجمع نفوس مشافيق=في حفل من لم الوجيه الحشيمه
ارسل مناديبه لهم بالمواثيق=وجو له يحثون الركايب هميمه
ومن عقبها ببدأ على قمة طويق=احب مبدأ طويق وعشق نسيمه
وباصيح باعلى الصوت من عقب ماويق=لأهل المواقف والفعول الجسيمه
لربعي عتيبه عزوتي ساعة الضيق=الابه اللي ماتحب الهزيمه
اللي ليا جاء موقف ييبس الريق=كل يقول ألهم قبيله عظيمه
وقفاتهم تنشاف بين المخاليق=اليوم وإلا فالسنين القديمه
والشاعر اللي واق روس الشواهيق=يحتاجله وقفه ودفعة قسيمه
محمد شبيه اللي كفخ بالمسابيق=ان مافزعنا له تراها ظليمه
والله يعرضه الهنا والتوافيق=ويبين وسمه في الكويت الوسيمه
تكفون يالتجار فكو الصناديق=ولاتجارتكم تراها عقيمه

الشاعر/ سعيد بن عايض بن قميشه

MNahiY
04-17-2009, 03:27 AM
احم احم

صح ألسان الشاعر : سعيد بن عايض بن قميشه ..!!

و يستاهل الشاعر : محمد غازي ..!!

و الشباب ما قصروا معاهم و ما يقصرون إن شاء الله ..!!

لا هنت يـ طارق ..!!

طارق النفيعي
04-17-2009, 05:28 AM
الله يسلمك

وماش قصور ان شاء الله

وشكرا ً لتواصلك