المساعد الشخصي الرقمي

مشاهدة النسخة كاملة : قصيدة الشاعر / محمد غازي في قلطة الوطن 2


طارق النفيعي
04-11-2009, 02:04 AM
بسم الله الرحمن الرحيم

السلام عليكم ورحمة الله وبركاته ..

أقدم لكم القصيدة التي قالها الشاعر / محمد غازي النفيعي في برنامج قلطة الوطن 2

وإن شاء الله تحوز على رضاكم وأستحسانكم ..


سلام تسليم على عزن مقيم=شامخ بعز المملكه وامجادها
سقته ويممته على دار الكريم=اللي وفا حكامنا يرتادها
سقته لحكامن سلايل للعظيم=حكام دار مايضيع اشدادها
راعين الاولى مانسينا من قديم=يوم أن مبارك طيب نفسه صادها
فعله مع ابن سعود ماهوب اليتيم=يوم استظافه وسط دار شادها
أكرم ضيوفه بكرمن مثله عديم=واعطاه كيف يسوس ضرب زنادها
ويوم ان نجد امطبعه بطباع ريم=واللي بغاها ماقدر يقتادها
صمم أبو تركي يبا وصل النديم=دارن هواها دم قلبه رادها
من هاهنا حط العزايم فالصميم=شد العزوم من الكويت وزادها
ستين فارس يتبع لفكرن سليم=يبغونها ترجع لملك اسيادها
ونجد اهتوت عبدالعزيز ابن الزعيم=واخذ موافقها وجاب اعتادها
واليوم تنعم نجد بالعيش الكريم=في ظل حكامن بدرب اجدادها
ومن نجد اسوق الرجل ماهتم لخصيم=واقول لأهل الأوله واحفادها
سلام مثل النور لاجلا الجهيم=على الكويت الشعب واللي قادها
سلام بحساس المشاعر مستهيم=محبتن ماأحصيت كم اعدادها
شاعر ولي فالقلطه الخير العميم=كنزن ملكته من خيار امدادها
ابصرفه واعطيه للي به عليم=دام العطيه تذكر اللي جادها
بدعة عتيبي عن الهزله يشيم=وليا هرج يحتاط من نقادها
واحمل سلامن يردفه ودن حميم=من ربعي أهل المعرفه وأوتادها
اعتيبه الهيلا ومن يجهل غشيم=قومن على الطاله تسوق أولادها


وبالتوفيق للشاعر : محمد غازي في قلطة الوطن

MNahiY
04-11-2009, 02:09 AM
احم احم

صح ألسان الشاعر : محمد غازي ..!!

قصيدهـ جزلهـ من شاعر جزل ..!!

شاعر ولي فالقلطه الخيـر العميـم كنزن ملكته مـن خيـار امدادهـا

ونعم فيك و كفوا ..!!

بالتوفيق إن شاء الله ..!!

بيض الله وجهك يـ طارق و لا يهينك ..!!

عبدالله العضياني
04-11-2009, 03:04 AM
صــح نبض الــشاعر / محمد غازي العتيبي ,,

والله يـــوفقه في البرنامج ,,



ولاهنت ياطارق ,,


تحـــياتي ,

طارق النفيعي
04-12-2009, 05:10 AM
ولاعليكم زود

ومشكورين على تواصلكم ..