المساعد الشخصي الرقمي

مشاهدة النسخة كاملة : قصيده لأميرنا الشيخ الأسطوره تركي بن حميد عليه رحمة الله!!!!!!!!!!!!!


عمر المحياني
06-18-2007, 12:44 AM
يالله ياللي ماش حال يكوده
رب لطيف تصرف الريح تصريف


ان ترحم اللي وحدوا به أجنوده
أحد صلح وأحد تحدر الى السيف


حنا الى كل تمصلح بذوده
نصلح بقب كنهن الشياهين


طريحنا سحم الظواري تروده
اليا ركبنا لينات المحاريف


نزلت يم القهب بأوسط نفوده
وأصيح (للغلبا) بروس المشاريف *


أهل ديار موسقينن حدوده
وأهل مهار يلعبن الغطاريف


من حدة البرقا الى أقصى نفوده
حامينها اغلبا بحد المراهيف


وأنشد سعد من خالهم ويش فوده
اللي يصرف به من الحكي تصريف


ما جاب طهطام حصان يقوده
ولآمهرة تبرى لجيش المناكيف


أن خاف قرب جدهم من جدوده
وهم على عامر عصاة مواليف


*(الغلبا سبيع وقد كان قصير لهم)




وترقبوا الجديد انشا الله قريبا‘

محمد المقاطي
06-18-2007, 01:15 AM
عمر المحياني

مشكور الاختيار الموفق
والله يعطيك العافيه
وبانتظار جديدك

تحيتي

المحياني
06-18-2007, 02:21 AM
مشكوور ويعطيك العافيه وما قصررت

جراح العصيمي
06-19-2007, 12:42 PM
مشكور وماقصرة

على نقل هذه القصيده

وتقبل تحياتي

الزيادي
08-12-2007, 04:28 AM
الله يعطيك العافيه اخوي عمر المحياني

على القصيدة الرائعه

اخوك الزيادي