المساعد الشخصي الرقمي

مشاهدة النسخة كاملة : !! .. مُشآركتي في ملتقى شبآب قبيلة عتيبه ف الكويت .. !!


ماجد هلال
11-28-2008, 01:05 PM
بسم الله الرحمن الرحيم
السلام عليكم ورحمة الله وبركاته

،’


تشرّفت بتلقّي الدعوهـ من القآئمين على مُلتقى شبآب قبيلة عتيبه ف الكويت ..
وبِهذهِ المُنآسبه كآن لي هذهِ القصيدهـ .. :)
أتمنّى أن تحُوز على رضآكم ..

،’



سبحت فالزرقآ على متن الريآح بلآ قيود=أبآخذ أطرفهآ سحآبه ، وأظفر بهمّآلهآ
وأسقي معآطيش الجزآل ، وترتوي منهآ ، وأعود=وأنآ محقّق غآيةٍ من جمعتين أسعى لهآ
كم لي وعيني مآتذوق النوم والعآلم رقود؟!!=كلّه علشآن الرجآل اللي وصل مرسآلهآ !
اللي وصلني دعوةٍ منهم ، وقمت أرقى سنود=ولبّيتهآ فالحآل ، حآل ومآل ، مثل أمثآلهآ
لو كآنت الطرقه كليفه من ديآر آل السُعود=في ذمّتي مآ أحسب خسآيرهآ ، وأعدّ أميآلهآ
ألآّ بأقول الله يآقربك يآ الريآض (إ)من الحدود=(إ)حدود دآرٍ مآيضيق الخآطر اللي جآ لهآ
دآر غلآهآ مآنقص وسط القلوب ، ألآّ يزود=يآحيّ والله طآري (إ)كويت الفخر ، ورجآلهآ
من بعدهآ ، سلآم يآربعي عريبين الجدود=رديّةٍ ، يفخر بهآ الشآعر ليآ من قآلهآ
ردّيّةٍ ، تسوى الذهب ، فالأرصده ، ولآّ النقود=وتآخذ شمُوخٍ من شمُوخ المملكه ، وجبآلهآ
مآكنّهآ إلآ ( نجد ) يوم إنّ الحروب (إ)لهآ وجود=يوم القبآيل لأجلهآ تسوق دمّ أبطآلهآ
كم من صقيلٍ فالوغآ؟ ، كم جآدل؟ ، وكم سيق ذود؟=وكم خيل حسبت فالغنآيم من بعد خيّآلهآ ؟
من فعل ربعي محتمين الذود ، صلفين العُضود=مآوخذت بحبّ الخُشوم ، ولآ عطت من مآلهآ
( هيلاً ) فعآيلهآ ملآ التآريخ مآتبغى شهود=وإليآ بغيت أفعآلهآ ؟!! خذ نبذه (إ)من أفعآلهآ
طلآل ، عرجآ ، والرحآ ، دِلْعه ، وإذآ ودّك بزود ؟!!=تنبيك ( نجد ) (إ)حزومهآ، وهضآبهآ ، ورمآلهآ
ولآ جآهُم اللي فآضت عيُونه على ( إسمآح الخدُود)=ردّوآ حلآله ، قبل مآشمسه يميل (إ)ظلآلهآ
ولآ جآهُم الضيف (إ)نحروا له من خيآر البلّ ، قعود=عقب ، هلآ يآمرحبآ ، والدلّه وفنجآلهآ
أقولهآ ، وأنآ أفتخر في مدحكُم وأرقى سُنُود=والمجد بإسم عتيبه الهيلآ وبإسم رجآلهآ

MNahiY
11-28-2008, 01:18 PM
احم احم

اخوي ماجد هلال ..!!

صح السانك ..!!

بيض الله وجهك على القصيده الجزله ..!!

قصيد رائعه ..!! يعطيك العافيه ..!!

لا هنت ..!!

عبدالله العضياني
11-28-2008, 01:35 PM
صح الله لســانك مبدع يالشيباني

بنتظار جديدكـ

المقاطى_q8
11-28-2008, 02:05 PM
هلا و مسهلا

اخوي ماجد هلال

نتشرف بوجودك بين ربعك

اما القصيده اعجني القائك بالحفل

واليوم استمتعت بقرائتها

صح لسانك مليون

عــمـــر
11-28-2008, 02:08 PM
حياك الله ويامرحبا ويامسهلا بك

ومنور المنتدى بتواجدك وطلتك وبمشاركتك الرائعه

وصح السانك مليووووون

طارق النفيعي
11-29-2008, 12:52 AM
مشاركه رائعه

ولاهنت يالغلا

غرام الهيـلا
03-09-2009, 09:16 PM
مـاجـد بن هـلال

صـح لسـانكـ

حيـاكـ الله بين أهـلكـ

وتشرفنـا بتواجدك بالكويت