المساعد الشخصي الرقمي

مشاهدة النسخة كاملة : احم احم .. !!.. الصــح و الخطــأ ..!!


MNahiY
10-13-2008, 10:46 AM
احم احم

إخواني و أخواتي .... اليكم اهم النصائح ..!!

و اتمنى منكم تطبقونها من بعد ما تقرون الموضوع ..!!


شباااب وبنات



بسم الله نبدأ ..

خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالطوفه .. وترفسه مع بطنه .. وحبذا تنهيها بركبة وإلا كوع ...
ثم ..
تقوله شيل الكتب .. ومرة ثانية فتح عيونك يالوح ..

ــــــــــــــــــــــــــــــــــــ

خطا: تفتح الإشارة .. ثم يعلق الهرن لك االي وراك ... ثم تطالع في المنظره ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بعجراء ... وتطق الدريشة عليه ... وأول مايفتحها ... جرّه مع شعره ... وطقه لمين يقول العيد بكره ...
ثم ..
قله مرة ثانية تصير الاشارة خضراء .. تصير حمراء .. تصير زرقاء ... تنثبر وتسكت .. خخخخخخ

ـــــــــــــــــــــــــــــــــــــــ


خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين

تلفه وتلفه وتلفه وتضربه بالسبوره وبعدين تقومه وتمسكه من الجاكيت وتمسح فيه السبوره وتطلع ..
ثم ..
قبل لاتطلع تقوله لاصارت جامعة ابوك اطرد الطلبه .. هههه


ــــــــــــــــــــــــــــــــــــــــــ


خطأ : قاعدين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطشر بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح : تمسكه ... مع رجليه ... وترضخه بالارض رضخ ... وتجيب قوطي ببسي .. وترجه رجا ... ثم تفتحه بوجهه ...
ثم ..
تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...
ثم عفس العلبه... وحطّها بمخباته ... وقله لاتطلعها من مخباتك الا اذا رحنا ...
ـــــــــــــــــــــــــــــــــــ


خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالقن نص شنبك ... ثم تتهاوش معاه شوي ... وتحاسب وتطلع ... وتقول بنفسك والله ماعاد أحلق عنده ...

الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس يكون احسن ...
ولاتحاسبه ... وحبذا لو طقيته ... (( على حسب الموجودين ... لو ماعنده أحد طقه )) ..

ثم ..

قل بينك وبين نفسك ... ماعاد أحلّق عنده ...




ـــــــــــــــــــــــــــــــــــــــــــ

خطأ : تمشي بالشارع .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح : تاخذ لك حصاه ... وترميها عليه ... إن ضربته ... فهو خير ونعمة
وإن ماضربته ... خذ عصا .. وامسكه طقه ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... وهم ارجع له .. وتفرّغ له ...
أكيد مومتحمل لين وقت الصلاة الثانية ... وعلى مسؤوليتي بيصيح ...
ـــــــــــــــــــــــــــــــــــــــــــ


خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد


الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يقحصون حالها حال المطبات يعني



ــــــــــــــــــــــــــــــــــــــــ

خطأ :متابع فيلم .. ومتحمس .. ثم يجي واحد من الشباب ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ... ولحقه ببياله والا طفاية زقاير ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...
ــــــــــــــــــــــــــــــــــــــــــــ


خطأ: تكتب بعد نهاية اي موضوع تكتبه في منتدى على النت: ان شاء الله ما طولت عليكم وتجلس اتأسف وكأنك مسوي جريمه

الصحيح : المفروض تكتب اقرواء وانتم ساكتين واذا طولت موضوعي وكيفي والي مو عاجبه لا يقراء


هههههههههههههههههههههههههههاي ..

ان شاء الله عجبتكم ..!!

تحيتي :: MNahiY

الفرحه
10-13-2008, 12:30 PM
هههههههههههههاي


الله يوسع صدرك ويضحك سنك .. :)


خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالطوفه .. وترفسه مع بطنه .. وحبذا تنهيها بركبة وإلا كوع ...
ثم ..
تقوله شيل الكتب .. ومرة ثانية فتح عيونك يالوح ..


طيب .. إذا كان اللي صدمته دكتورك في الجامعه .. تتصرف معاه بهالطريقه ..؟؟
مع العلم .. إنه إبتسم في وجهك وقال لك .. قلنا السلام ليه ماترد ؟

MNahiY
10-13-2008, 12:34 PM
احم احم

هههههههههههههههههاي ..

تدوم الضحكه عليكم يا رب ..

اما الدكتور فخصصنا له وحده .. ههههههههههههاي .. ما نسيناه ..!!

شاكر مرورج العذب ..ّّ

& دلـوعتيبـه عـة &
10-14-2008, 01:17 AM
ههههههههههههه


يســـلمو ع المــوضـــــوع

MNahiY
10-14-2008, 01:19 AM
احم احم

تدوم الضحكه ..!!

يسلمو على المرور ...!!!

عبدالله العضياني
10-14-2008, 01:31 AM
هههههههههههههههههههههههههههههههههههههه

شكرا يامناحي

MNahiY
10-14-2008, 01:33 AM
احم احم

تدوم الضحكه ..

لا شكر على واجب ..!!

*. الـ ع ــنقا .*
10-17-2008, 04:22 AM
خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين

تلفه وتلفه وتلفه وتضربه بالسبوره وبعدين تقومه وتمسكه من الجاكيت وتمسح فيه السبوره وتطلع ..
ثم ..
قبل لاتطلع تقوله لاصارت جامعة ابوك اطرد الطلبه .. هههه


ينصر دينك يا عممممممممم<< تحمست هع

والله شكلي بسويها << انقص وجهها من كثر الطردات خخخخخخخخخخخخخخخخخ


يعطيك العافيه ...

MNahiY
10-17-2008, 04:30 AM
احم احم

ههههههههههههههاي ..!!

سوي الي يعجبج ..!! بس ان صار شي ..!! مالي شغل ..!!

بس من ناحيه الحماس صج تحمس ..!! هههههههههاي ..!!

الى متى و احنا ننطرد برى ..!! الحين وقت تغير المعامله ..!!

شاكر مرورج و مشاركتج الروعه ..!!