المساعد الشخصي الرقمي

مشاهدة النسخة كاملة : كله علي شان البكار المغاتير00وضحأ غواربها طوال وسنيده


ابن راكــــــــــان
10-11-2008, 07:12 AM
يامأ تعبنأ وأتعبتنأ المشاوير =ويأمأ قطعنأ من الديار البعيده

فوق الجيوب امحكمات المسامير=اللي من المصنع تجينأ جديده

كله علي شان البكار المغاتير=وضحأ غواربها طوال وسنيده

أنأ ومعي من الرجال المناعير=أهل النظر واهل العلوم الوكيــده

أنأ وبن راكان ريف المسايير=ومحمد الخالد شجاع أوليــــــده

علي المقاطي من خيار المسافير=والدلبحي نعم العرب والبديده

علي النقأ والطيب مافيه تقصير=خوة شرف والنهج نهج العقيده

ماهيب خوة عابدين الدنانير=أهل المصالح والفعول النكيده

أمأ جنوب أنروح ولأ محادير=ونقطع ديارن ماقطعها البليده

بالذكر نمشي وأنتنشد مداوير=ولأ نشري الأ كل وضحأ فريده

غزيزة اللي ينطحون الطوابير=من دونها من مات نفسه شهيده

وسج القدم في صحصح البيد تسيير=أكبر وناسه يالنفوس القريده

لو مانذوق الأ الدلال المباهير= وصيدأ من الصيد المحلل نصيده

وبعدا عن اللي مثل حد المناشير=وفالغافلين الهرج دايم تزيده

أهل النمايم والحسد والمعاثير =بين الصفوف أتشب نار الوقيده

وصلاة ربي عد ماطار من طير=وأعداد ماخط القلم من قصيده

علي النبي أعداد نبت المخاضير=صلو عليه وسلمو ياعبيده_

::الجمعه::١٠/١٠/١٤٢٩ها

الشعر /حمود بن معدي العضياني

المقاطى_q8
10-11-2008, 02:22 PM
أنأ ومعي مـن الرجـال المناعيـر ... أهل النظر واهل العلـوم الوكيـده
أنأ وبن راكـان ريـف المساييـر .... ومحمـد الخالـد شجـاع أوليـده
علي المقاطي من خيـار المسافيـر ... والدلبحي نعـم العـرب والبديـده


صح لسان العضيابي

قصيده جزله من شاعر جزل


ولاهنت يابن العم على النقل الموفق


تحيااااتي

MNahiY
10-11-2008, 02:27 PM
احم احم

صح السانه ..

و بيض الله وجهك على النقل ..

ابن راكــــــــــان
10-12-2008, 09:50 PM
صحة ابدانكم بنيابه عنه