المساعد الشخصي الرقمي

مشاهدة النسخة كاملة : المرجلة حبله طويل وممــــــدود


المقاطى_q8
09-27-2008, 12:10 AM
الشيخ الشاعر / مشعان بن هذال

هذه قصيدة يتأسف فيها على بعض أفراد قبيلتة ممن عصوا امره
وخالفوه مؤكدا انة يريد العزة لهم وينهيها بأبيات من الحكمة والزهد
بالدنيا .. وهي يسندها على الشيخ نمر بن عدوان أمير البلقاء :




يا الله بالمطلوب يا خير معبــود = يا عز عبد ٍ بالخفية شكا لـــــه
يا خير مدك على الناس ماجــود = ما خاب عبد ٍ كل يوم ٍ يســالـــه
تا سف لقلب به مجاديف ولهـود = ومن الرفاقة خبث الحكـي بالــه
عزي لربع طاوعوا شور محمود = مدري بلاهم غيظ والا جهــالـــه
والا بلاهم ردية الحظ وحـســـود = لا عاد محد ٍ خاسر ٍ من حـلالــه
محاكي فيها على الرجل منقــود = ومجالس ٍ ما فيهن الا الرزالـــه
والله يوم ٍ لحق بشهود وعــدود = إني أدور عـزهـم بالعـدالـــــــــه
إلا ول لي من هوى النفس مقصـود = الا معزتهم على كل حـالــــــــــه
يا مشير بالفرقا طلت وجهك السـود = طرق المراجل ما عليها كفالــــه
المرجلة حبله طويل وممــــــدود = يا كود من تقصر عن الما حباله
والى قصر حبله فلا هو بمزيــود = كم واحد ٍ يهفي مقامه فعالــــــه
اللي يريد الجود ماهو بمــــردود = شوف العيون ولا يريد الدلالــــه
يرخص بعمره يوم يروي شبا العود = أيضا ولا يبخل على من عنى له
يلعن صبي بنشوته ما ادرك الجـود = ولا هام هومات المراجل ببالــــه
هذاك لا ينعى ولا بمفقـــــــــــــود = ودك مع الخفرات يلبس دلالــــه
يا العبد لا يطغيك في نفسك الـزود = تراك مثل الفي عجل زوالــــــــه
دنياك لو تعطي مواثيق وعهـــود = بواقة ما يامن العبد جالـــــــــــه
دنياك مادامت لسعدون وسعــــود = وعبدالعزيز اللي حضرنا فعالـــه
ايضا ولا دامت لكســـــرى وداود = كم اذهبت حـــي تحـطـه قــبالـــه
وصلوا عدد ما حنت المزن برعود = أو هل مامور المطر من خيالـــه
وعداد ما لبوا بمكة هل القــــــود = علــى محمد هو نبي الرسالــــــه

نلاحظ في البيت الذي يقول :



دنياك مادامت لسعدون وسعـــود = وعبدالعزيز اللي حضرنا فعالـــه


سعدون المعني هنا : سعدون بن عريعر شيخ بني خالد على وقته توفي سنة 1202هـ

سعود : هو الامام سعود بن عبدالعزيز بن محمد بن سعود ثالث أئمة الدولة
السعودية الاولى توفي سنة 1229هـ

عبدالعزيز : هو الامام عبدالعزيز بن محمد بن سعود استشهد وهو يصلي سنة 1218هـ
وقول مشعان حضرنا افعاله اي كان بالغا حاضر افعاله وبعض مغازيه ..

عبدالسلام النخيش
09-27-2008, 08:32 PM
لاهنت على النقل

المقاطى_q8
09-28-2008, 01:13 AM
لاهنت على المرور النخيش

عبدالله العضياني
09-28-2008, 06:47 AM
لاهنت على النقل يالمقاطي تسلم يمناك

المقاطى_q8
09-28-2008, 11:13 PM
من قال سالم اخوي عبدالله


ولاهنت على المرور

MNahiY
09-29-2008, 12:41 AM
احم احم

يعطيك الف عافيه ..

دائما تختار المميز ..

فلك مني كلمه شكر ..

المقاطى_q8
09-29-2008, 04:00 AM
الله يعافيك يا مناحي

اسعدني مرورك الكريم

ابن راكــــــــــان
10-02-2008, 03:38 AM
لاهنت على النقل يبو سلطان تسلم يمناك

المقاطى_q8
10-02-2008, 09:20 AM
هلا والله يبن راكان ...... لاهنت على المرور

ابن راكــــــــــان
10-11-2008, 07:02 AM
لاهنت على النقل يبو سلطان تسلم يمناك

المقاطى_q8
10-11-2008, 02:17 PM
من قال سالم يبن راكان

ولاهنت على المرور