المساعد الشخصي الرقمي

مشاهدة النسخة كاملة : قصيدة يوسف العصيمي الأخيره في شاعر المليون


عمر المحياني
06-15-2007, 08:28 PM
قصيد الشاعر يوسف العصيمي الأخيره في برنامج شاعر المليون والتي ابكت الكثير من الحضور والمتابعين



يافكري المشغـول للفكـر ميعـاد
خلك معي ساعات والوقت محـدود
أنا هنا بين علـى روس الأشهـاد
موجود في الصورة ولانيب موجود
تسري بي الأفكار وأغيب وأنقـاد
أرحل عن الواقـع ولاودي اعـود
هنا **بت إعجاب أحبه وحسـاد
وهناك لي موطن وتاريخ وحـدود
مانيب ناسٍ صبح بغـداد الأمجـاد
اللي حجب شمسه من الظلم بارود
أربع سنين وحزن بغـداد يـزداد
ساعاتهـا ونـات وأيامهـا سـود
وإن كان في التاريخ صورة لبغداد
هذي شوارعها عصابات وجنـود
فيها العباد اجسـاد وثيابهـا لحـاد
والموت بالمرصاد والرزق للـدود
في مشهدٍ مايوم ما هـوب ينعـاد
ومأساتها من زود في زود في زود
الموت لو يرضي بشاعات الأحقاد
هو أهون أهوالن تخلي الولد عـود
ياخادم البيتيـن ياذخـر الأسيـاد
ياللي برايك صامل الراي معقـود
يالحاكم العادل ويالصـارم الحـاد
يامزبّن المضهود يالشامخ الطـود
لك سيرة أمجادٍ قديمـات وجـداد
يفوح منها زاكي المسـك والعـود
ولك حكمةٍ تلجم شياطين الأضـداد
ولك هيبةٍ يخضع لها كـل نمـرود
واليا ادلهم الخطب والعزم به بـاد
لك وقفة يفرح بها كـل مضهـود
ياسيف الأمة كـان للحـق ميـلاد
إن ما انولد من سيف ماهوب مولود
قدامـك المنظـر ثلاثـي الأبعـاد
مكشوف للعالم ولاهـوب مجحـود
على يدك توحيد صف أمة الضـاد
وأنت الأمل لاقالوا الصبر محمـود
ياقادة الأمـة نبـي منكـم إنجـاد
ضاعت علينا وقتنا أغلال وقيـود
شعبٍ يعيش الغبـن ويـذل ويبـاد
قتيـل ومشـرد ولاجـي ومفقـود
تنخاكم آهات الثكالـى بالأصفـاد
وطريق مجـدٍ بالملمـات مسـدود
تنخاكم الآمـال وأمجـاد الأجـداد
اللي لها معكـم مواثيـق وعهـود

محمد المقاطي
06-15-2007, 09:08 PM
عمر المحياني

لاهنت يابن العم
علي نقل القصيده
والله يعطيك العافيه

نسيم الشرقية
06-16-2007, 06:05 AM
الله يعطيك العافيه

ما قصرت اخووي ..

المحياني
06-17-2007, 03:32 AM
مشكووور ويعطيك العافيه وما قصرت

عمر المحياني
06-17-2007, 10:15 PM
الله يعطيكم العافيه على الرد

جراح العصيمي
06-19-2007, 12:48 PM
مشكور على نقل هذه القصيده

وتقبل تحياتي

الزيادي
08-12-2007, 04:26 AM
الله يعطيك العافيه اخوي المحياني

على القصيدة

اخوك الزيادي

عمر المحياني
08-16-2007, 12:30 PM
الله يعطيكم العافية على الرد

المقاطى_q8
08-21-2007, 08:22 AM
عمر المحياني

لاهنت علي النقل

وصح لسان يوسف العصيمي


تقبل مروري

d-r
08-23-2007, 07:24 AM
صح لسان (شاعر العروبه)
-----------وشكرا يالمحياني