المساعد الشخصي الرقمي

مشاهدة النسخة كاملة : خلف بن هذال (ناقتي ما تدخل السوق)


عمر المحياني
06-15-2007, 08:02 PM
السلام عليكم ورحة الله وبركاته

خلف بن هذال اسم لا يحتاج إلى تعريف

اخترت لكم احدى قصائده في ناقته (الملحا) التي وصفها وصفا دقيقا فقال:






ساعة في جـو خالـي مـن أيـام العيـاد=والفياض يعـط ريـح النفـل بحروفهـا
والـدلال مساطـره خاثـر فيهـا القنـاد=والقصص والسامريـه تشيـل صفوفهـا
ناقتي ما تدخل السـوق لـو زاد المـزاد=لوهل الربطـات جتنـي تشيـل أولوفهـا
لو يصبون الذهب صب والمهـار متقـاد=ما أرخص الإبل واختيار النفوس شفوفهـا
يحسبون الأرض خصبة قبل زرع وحصاد=السنيـن تسـل فـوق الرقـاب سيوفهـا
ماصفت للأنبياء والملـوك وقـوم عـاد=كم قصـور شيـدت وارجمـت بسفوقهـا
الأناسـه والهـوى والمحبـة والــوداد=طاعة الله والمراجـل قضبـت شعوفهـا
ونستي ملحا من البـوش غاربهـا سنـاد=فاهـق سنامـهـا ناشـبـن بردوفـهـا
بالخضيرا راسهـا كنهـا تطـرد جـراد=يخزي الشيطـان يـوم العيـون تشوفهـا
والأذاني بالنصاقر كمـا الشلـف الحـداد=افطـس عرنونهـا ضافـي غضروفهـا
ذيلها ابترخوش عذروب والعرقوب عـاد=منشـدت نـداف قطـن ايديهـا تحوفهـا
والعضـود مشمـره مـن مذكاهـا بعـاد=يوم أحلى ببـاب عجـلان بيـن كتوفهـا
كتفها عن وركها عشـرة اشبـار وكـاد=والخفاف من الفحل والوصوف وصوفهـا
هضبة متحنطـره دامـس فيهـا السـواد=قطعـة مـن ليـل تدفـن يـدك بدفوفهـا
ديـرهٍ متنقلـة مــن بــلاد لـبـلاد=القِرى في درهـا والـذرا مـن صوفهـا
زاد من غابوا مديـدة ولاقـي البيـت زاد=عاطفة من عاطفة مـا تخيـب أضيوفهـا
هي معاش أجدادنا والعصـب والاقتصـاد=أهلنا قد حسنـت فـي الحيـاة أظروفهـا
ينطحك ربحه عبسها مثـل ريـح الزبـاد=كن مسك القيصريـة بعـث مـن جوفهـا
تقهـر الأعـدا نهـار المزايـد والعنـاد=كضمت مـن غبنهـا وصفقـت بكفوفهـا



تقبلوا اجمل تحية
ودمتم بخير

المحياني
06-15-2007, 08:16 PM
مشكوور اخوي على الموضوع ويعطيك العافية وما قصرت

صقر روق
06-15-2007, 10:00 PM
مشكور أخوي عمر المحياني على هذه القصيدة

للشاعر الكبير خلف بن هذال العتيبي

مع تحياتي

محمد المقاطي
06-15-2007, 11:08 PM
عمر المحياني

مشكور علي الاختيار الموفق
وتم تنسيق القصيده
وتراك تعبتنا وانا اخوك
مغار انسقلك
هههههه


تحيتي

نسيم الشرقية
06-16-2007, 06:04 AM
الله يعطيك العافيه

ما قصرت اخووي ..

عمر المحياني
06-16-2007, 06:33 PM
ما قصرتو على الرد

الزيادي
08-09-2007, 07:56 AM
الله يعطيك العافيه اخوي عمر المحياني

على الموضوع الرائع

اخوك الزيادي