المساعد الشخصي الرقمي

مشاهدة النسخة كاملة : تركي بن حميد .. و يما حلا يا عبيد


عمر المحياني
06-14-2007, 11:21 PM
فارس عتيبة واميرهـا و شاعرها وقائدها في المعارك.
من مواليد الربع الاول من القرن الثالث عشر اي بين اعوام 1210-1225هـ تقريبا.
يعد الشيخ تركي بن حميد من شعراء الصف الاول في تراثنا النبطي كما ذكرنا انفا ويلمح المتتبع لاشعاره الموجودة بحوزتنا سمات اسلوبية خاصة به ومنها ان شعر تركي يعد سجلا لتاريخ قبيلته في فترة مهمة من تاريخها وهي فترة نزوحها الى نجد والتي كان تركي احد عوامل تمكنها في اراضيها الجديد مع شيوخ اخرين وهو يستخدم الشعر في اغراض التهديد واعلان الحرب وجمع كلمة قبيلته.
ويلحظ في شعر تركي اهتمامه الخاص بالقيم الدينية وهذا راجع للوازع الديني العميق في نفسه والذي يدل عليه اداؤة لفريضة الحج اكثر من مرة.
واعقب تركي خمسة خمسة اولاد هم (( خالد وضيف الله وعبيد وناصر ومسلط )) وخالد اكبرهم وبه يكنى وليس
ضيف الله كما يظن البعض.
ويكثر تركي في شعره من مخاطبة ابنه عبيد وتوجيه النصائح له, ولعله كان اكثرهم التصاقا به
.
.
.
.


وهذه احدى قصائده ينصح بـها ابنه عبيد ويقول

ياما حلا ياعبيد في وقـت الاسفـار
جذب الفراش وشـبّ ضـوّ المنـارة
مع دلة(ن) تجذا على واهـج النـار
ونجـر إلـى حـرّك تزايـد عبـاره
في ربعة(ن) ماهيب تحجب عن الجار
لا منّ خطو اللاش مـا شـبّ نـاره
النجـر دقّ وجاوبـه كـل مــرّار
مالفه الملفـوف مـن دون جـاره
وأخير منها ركعتيـن(ن) بالاسحـار
لاطاب نـوم اللـي حياتـه خسـاره
تلقاه في يوم(ن) يضيعن(ن) الافكـار
يوم(ن)على المخلوق مااطول نهـاره
وقم في قصير البيت حشمه ومقـدار
لو جار فادمح له ولو بـه خسـاره
ترى النبي وصّى على الجار لو جار
خذ الحـذر ياعبيـد عقـب النـذاره
رافق قويّ الديـن حفّـاظ الاسـرار
ينفعك في يوم(ن) يجي بـه كـراره
ترى الهوى والغيّ هن شرّ الاشـرار
ومن داس عار الناس داسوا لعـاره
جنـب رديّ الكـار مافيـه تعبـار
مافيه مـن فعـل المناعيـر شـاره
جنب عنه خلـه لقصّـاف الاعمـار
واحفظ وصتاتـي يارفيـع المنـاره
واسلم ودم بالخير يا طيـر غيمـار
وصلوا على المختار ما غار غـاره

العتيبي
06-14-2007, 11:29 PM
بيض الله وجهك علي نقل القصيدة أخوي
عمر المحياني

محمد المقاطي
06-15-2007, 01:43 AM
لاهنت اخوي
عمر المحياني


تحيتي

خالد المقاطي
06-15-2007, 11:38 AM
الخ العزيز ... عمر المحياني
اشهد باللــــــــــه انك ابدعت
واللـــــه لايهينك على الطرح الراغي
دمت وابدعت واشكرك من صميم القلب

اتركك بود
اخوك ومغليك .. خالد المقاطي

نسيم الشرقية
06-16-2007, 06:06 AM
الله يعطيك العافيه

ما قصرت اخووي ..

المحياني
06-17-2007, 03:31 AM
مشكووور ويعطيك العافيه وما قصرت

المقاطى_q8
06-17-2007, 08:06 AM
لاهنت
عمر المحيانى
اختار موفق
والله يعطيك العافيه
تحياتى

جراح العصيمي
06-19-2007, 01:23 PM
مشكور والله لايهينك

وتقبل تحياتي

اخوك : جراح العصيمي

الزيادي
07-19-2007, 10:11 AM
الله يعطيك العافيه اخوي عمر

على القصيدة الرائعه

اخوك الزيادي