المساعد الشخصي الرقمي

مشاهدة النسخة كاملة : مسجله شعريآ بين الشاعر(( عبدالله بن عون والشاعر نجر بن فيصل العصيمي ))


خالد المقاطي
06-14-2007, 10:19 AM
اخواني واخواتي هنا اخترت لكم مساجله شعريه بين علمين من اعلام الشعر في الخليج وهما الشاعر عبدالله بن نايف بن عون والشاعر نجر بن فيصل وكانت البدايه من الشاعر عبدالله بن عون


يقول ابو نايف



يا نجر انا حاولت اجنب هوا الغيـد =وعيت يدي لا نطلـق مـن شعفتـه
وعمرت له بالنفس يا نجـر تخليـد =لعلي اقضي ما بقـا مـن حسفتـه
أثر العرب معهم مع العلـم تاكيـد =عـودٍ قسـى ماتنتـعـل هدفـتـه
وبالصدفه اللي ما سبقهـا مواعيـد =وفالموقف اللي ليتنـي مـا وقفتـه
عرضت شناح الطول مسلوقه الجيد =اللي بهـا مـن قايـد الريـم لفتـه
يانجر عـادت لـي ليـال التواديـد =واحيـت بقلبـي ذكريـات شعفتـه
ومن عقبها ذقـت العنـا والتناكيـد =وسهر الليال اللـي يطـرا عرفتـه
واليوم ابا ارفع لك من العلم تسنيـد =حيث ان رفع العلم يبـرد حسفتـه
يالشاعر اللي مـا تـدوس المناقيـد =وصرح الكرامه معتلي في شرفتـه
ويوم اني اسند لك وافنـدك تفنيـد =قـدام ذا جربـت غيـرك وعفتـه
ماتنتنـوخ للحـمـول المفـاريـد =وجنيف انا وش حاجتي في جنفتـه
يانادر مـا فـي هـدادك تصاديـد =فعله ينومسنـي لـو انـي كتفتـه
مانته هذاك اللي ليا ازرا عن الصيد =عود علـى راعيـه ينقـل علفتـه
انا ادري انك يـا نزيـه المواريـد =فنجال عذري الهـوا قـد رشفتـه
وعشقك هو عشق الفاضلين المحاميد =اللي حصيلـه مـا يلاقـي كلفتـه
وانا ليا جا مـن طرفـك المراديـد =اما هجـرت العشـق والا ردفتـه
واقبل تحياتي مـع اطلالـة العيـد =باللي عليك مـن المكـارم عطفتـه
واغلا نقود سيـق مـا راح بزهيـد =لو البضاعـه غاليـه مـا صرفتـه





وكان رد ابو حجرف عليه بهذه الابيات يقول فيها




حلو الهدايا من يديـن الاجاويـد =من الكريم اللي بسط لي صحفتـه
عبدالله اسند لي من الشعر تمهيـد =لبس الشرف عيدت به والتحفتـه
واختصني من بد كـل القواصيـد =قصده يعبر عن ظروف صدفتـه
وهجدتني فآخر صيامي مهاجيـد =واشتلت حملٍ فوق متنـي نسفتـه
وشكى على وزادني منـه تعقيـد =راي يناسبـنـي وراي حذفـتـه
راي الهدا يامجرد السيف تجريـد =كمل على مشوارك اللي نصفتـه
والحب قبلكك ساق عنتر وابا زيد =وانته بعدهم يابن عون استضفتـه
ورقيت فوق وفي سنامه مجاويـد =وبنيت له صرح رفيـع وسقفتـه
ذكرتني باللـي جرالـي تراديـد =عهد من الماضي وحلـفٍ حلفتـه
والله ما اخبر لك عن الحب تجليد =لو عنه يوجـد عـلاج وصفتـه
وليا حصل فيضة ربيـع وتجديـد =زان الطرب واللي تبا العين شفته
وانا ثلاث سنين لا انقص ولا ازيد =ارخيت في حبل الشداد وجعفتـه
قالوا علامك قلت يالربع ما اريـد =يوم الهوا دشـوه نـاس عسفتـه
والا انت حبك معتلي فوق وبعيـد =في راس عيطا ثابته مـا شطفتـه
واخفيت خافيها على زيد وعبيـد =والا ترى ما فيه ذنـب اقترفتـه
ما انته بعارضها لرمـاي وقعيـد =وخبل على النمه تزايـد رجفتـه
والناس فيهـم طيبيـن ومقاريـد =اللي يدق الصيـخ اللـي يعفتـه
وانته وانا مشوارنا يقطـع البيـد =وشوفي بعيد ومركز الخوف طفته
جنبت عن عرعر وحزم الجلاميد =وجنيف ما اعرف قوته من ضعفته
ويا وسع نجد ليا عطيت الجراهيد =والتمر يعرف طيبه مـن حشفتـه
ياللي علي تعمـد العلـم تعميـد =الراي جاك وسرها مـا كشفتـه

ارجو ان ينال اختياري شي من قبولكم


وتقديري للجميع


اخوكم المحب .. خالد المقاطي

العتيبي
06-14-2007, 11:12 AM
الله يعطيك العافية أخوي
خالد المقاطي قصيدة طيب

خالد المقاطي
06-14-2007, 11:33 AM
العتيبـــــــــــــــي
لاهنت وانا اخوك
على المرور الطيب

دمت بود

محمد المقاطي
06-14-2007, 01:48 PM
خالد المقاطي

لاهنت علي الاختيار الموفق
وفي انتظار جديدك


تحيتي

خالد المقاطي
06-14-2007, 03:04 PM
محمد المقاطــــــــــــــــي
لاهنت على المرور
الطيــــــــــــــــب
دمت بود

أبــو مـانــع العتيبي
06-14-2007, 09:56 PM
االله يعطيـك العـافيه على القصيـده الطيبـه
أختيار مميز ورآئع
لآهنت يالغآلي

نسيم الشرقية
06-16-2007, 06:02 AM
الله يعطيك العافيه

ما قصرت اخووي ..

خالد المقاطي
06-16-2007, 03:32 PM
سعود البرقااااااااااااااااوي
لاهنت يالذيب على المرور
دمت بود

المحياني
06-17-2007, 03:21 AM
مشكوور ويعطيك العافيه وما قصرت

المقاطى_q8
06-17-2007, 04:13 AM
يعطيك العافيه
اخوى خالد
على النقل الرائع
*
وصح السان
الشاعين الكبيرين
*
ولك منى
اعذب وارق واجمل
تحيه اخوك
المقاطى_q8

خالد المقاطي
06-17-2007, 07:20 PM
الاخت نسيم الشرقيــــــــه
لاهنتي على المرور
دمتي بود

جراح العصيمي
06-19-2007, 12:51 PM
مشكور على نقل هذه الرائعتين

وماقصرت

وتقبل تحياتي

خالد المقاطي
06-19-2007, 08:18 PM
جراح العصيمــــي
لاهنت على المرور
دمتــــ بودــــــــــــ

أبــو مـانــع العتيبي
06-21-2007, 01:43 PM
عزاللـه إنهم شعـار مآعليهـم كـلآم مشـاءالله عليـهم
صـحت ألسنتهـم جميـع
وتسلـم أناملك أخوي خآلد المقـاطي على هــذي القصـيده الطيبـه والجزلــه لشآعر عبدالله بن عون . والشاعر نجـر بن فيصـل
أشكرك بالأختيـار الرآآئـع لمثـل هـذي القـصايد
مجهـود تشكر عليــه يالغـالي
لآعدمنــاك

خالد المقاطي
06-23-2007, 01:39 AM
سعود البرقاوي
لاهنت على المرور
دمت بود

MNahiY
07-07-2007, 11:26 PM
احم احم

يعطيك العافيه ..

مااا قصرت ..

خالد المقاطي
07-08-2007, 03:39 AM
مناحي لاهنت يالذيب
على المرور الطيب
وانــا اخــــوك..

اتركك بود

الزيادي
07-19-2007, 07:36 AM
الله يعطيك العافيه اخوي خالد المقاطي

على القصيده الرائعه

اخوك الزيادي