المساعد الشخصي الرقمي

مشاهدة النسخة كاملة : قصيدة للشاعر سهل الكسر المرشدي


المقاطى_q8
07-18-2008, 04:04 PM
بسم الله الحمن الرحيم
السلام عليكم ورحمة الله وبركاته

اسعد الله اوقاتكم بكل خير

الشاعر / سهل بن نايف الكسر المرشدي
شاعر غني عن التعريف له الكثير من القصايد
وتميز قصيده في حب البداوة والابل والربيع

نترككم مع هذه القصيدة واتمنى لكم طيب الاستماع والاستمتاع


هات الدلال ولع النار ياجداع=عجل عليه ياعد و الرخامه
هات الحطب ياجداع من جبر وولاع=جبره خشب وولاع ناره ثمامه
وليا غدا للنار ياجداع شلاع=وشفت الخشب منها تدانى صرامه
احمس من الخولا ن ياطيب الناع=لين النجاض يبن منها وشامه
ودقه بشامي ٍ جيله تلعلأع=يصح النيام ليا صحا من منامه
ثم هات لي صهب ٍ يداون الاوجاع=اللي من الصالي عليها سحامه
قفز الغوارب والمقاضب والاكواع=وبطونها ياجديع فيها هيامه
لا وقفن ياصاح فيهن ترفاع=وفيهن على جبر الحديده ضخامه
صهب ٍ مثاعبهن مهاديف ووساع=وفيهن مثل حد السيوف استقامه
سميتهن ياجداع والاسم ماضاع=هيفا وهيفيه وشيمه وشامه
لاشافها اللي لبغاديد مولاع=شوش شعر راسه وطش العمامه
ولقم وبهر ونتبه للتسراع=واحذر يجي بك يالبناخي غشامه
خل المبهر تهتوش فيه الانواع=بين الشقاره والحمر والدهامه
اضن هاجوس القصايد ليا راع=يقرب ليا فك المهيل بلامه
ويحضر عيون الشعر موجدت الابداع=معاني ٍ فيها طراه وجسامه
تذكر الفايت وتصحيح الاوضاع=حب البداوه والبداوه شهامه
يامحلا ياقيل لسهيل مطلاع =شافوه تال اليل يلمع زمامه
من نجد يزمي فوق نجران لماع=شافوه اهل تثليث وهل تهامه
وجى للهبوب من يمن الشرق ذعذاع=والعد عقب سهيل راعة جمامه
وفزر هجير القيض وضفى له قناع=على السلم والسمر مثل العمامه
والبل تلافت للجمل وبرد القاع=وقامو هل البل ينزلون العدامه
والنار شفت الها مع الفجر شعشاع=وقامو يحزمون الحطب في حزامه
من عقبها خمسين ليل ٍ لها اتباع =اذاء بكر الوسمي ودلى غمامه
وجاله على ساقان من غرب ميقاع=ويجنب ولا يملك عريق الثمامه
ويشمل ليا القرعا وبير بن هزاع=على رجم بذال يرخي خطامه
وليا نهمل ودقه ومزنه ضفى وماع=على قراء الصمان يبخص سنامه
لين النبات اللي يجي له تنواع=يفراء الحزوم ليا تملت محامه
وضاقت مع المشقر زهازيم الاقطاع=لاجاك راعي نجد يدفع جهامه
بدو ٍ تبي المرباع ثم جتك نجاع=وكل ٍ عصب في سلت السقس خامه
قامت عطايا الله تضيق بها الارواع=شول ٍ يازين مع الحماد الدحامه
اول معاشيهم مشابيع وجياع=وراحو على ماقيل شده وقامه
وشفت العسوس جيوبهم تقرع اقراع=اللي مدح واللي قصر في كلامه
مالو على دار ٍ للبواش مرتاع=فيها يجي لهل الحلال التمامه
كل ٍ معه وايت وصندوق وشراع=ونار ٍ رمادتها سوات الردامه
وذبايح ٍ تشراء من البدو وتباع=وكل ٍ تجهد ماترداء مقامه
خذولهم قامات ثم قيل لراع=عن ضهر الركبي يحذف المسامه
قرو ليا قامت تمريع تمرياع=سواء لهم راع الكرامه كرامه
ثلاثت اشهر كلها وقت مرباع=وقامه الين العشب يقرب صرامه
ولاقيل صيفي ٍ على نجد تنداع=كل ٍ صفط عفشه وقشع خيامه
تمزعو من كل جو ٍ تمزاع=بطرافهم يكفى المدور يدامه
و راع الغنم مع دربهم شد ثم ضاع=ايطوي الشبوك وقام يجمع رمامه
ماعاد يلحق لاذراع ٍ ولا كراع=الشاوي اللي در شاته طعامه
ألي خذتلي مع مقدم البدو مذواع=فنا ماعاد الحقت نفسي ملامه
هاذي طرات العمر والوقت خداع=وغارات بقعاء ماش منها سلامه
وصلو عدد ماغرد الورق سجاع=على النبي وزكى الصلاة الختامه


واعذرونا على القصور

عبدالله العضياني
07-18-2008, 04:06 PM
مامن قصور يالمقاطي وافي
صح لسان الشاعر المرشدي وتسلم يمناك

المقاطى_q8
07-18-2008, 04:09 PM
عبدالله العضياني

لاهنت على المرور السريع

تحياااااااتي