المساعد الشخصي الرقمي

مشاهدة النسخة كاملة : لميس .. وسنوات الضياع !!


طارق النفيعي
07-16-2008, 09:05 PM
أحبتي أنقــل لكم قصيــده .. أعجبتني لـ الشاعر الرائع/ محمد بن دخيل الله القثامي ..

أترككم مع هذه الرائــعــه ..



العذر منّا يابن سينا وصّلـه لابـن النّفيـس=حنّـا تغيّرنـا وغيّـرنـا بَـعـد ملبوسـنـا
من عقب ماكنّا ندوّر صافـي الـدر النفيـس=ونارد على عدّ الـروى وسراجنـا فانوسنـا
اليوم صارت شاشة التلفاز هي نِعْم الجليـس=نجلس لهـا ماهمّنـا مهمـا يطـول جلوسنـا
ومنها تعلّمنا نقلّـد موضـة الغـرب البئيـس=وصرنا نطقّس بالطقوس اللي مهي بطقوسنـا
وضاعت قيَمْنا واعتلا في سوقنا سعر البخيس=لو كان ماهي في مناهجنا وضمـن دروسنـا
واكبر دليل انَا عرب وِمْن الخميس ليا الخميس=مع بث شاشات الفضا قمنـا ندربـي روسنـا
عميان في طرد الهوى ونْتابع مسلسل لميـس=تركيّـةٍ لفتـة هَدَبْهـا أثّــرت بِنْفوسـنـا
تحكي عنِ سْنين الضياع وتندب الحظ التعيس=وقمنا نقطّع روس اصابعنـا بشفـرة موسنـا
مدري متى نصحى من الغفلات والحلم الكبيس=اللي رياحـه بعثرتنـا واعْصفـت بغْروسنـا
لكن على الله تَنْصَلِح ونْعُـود للـدر النفيـس=ونْعيـد مجـدٍ لاتذكّرْنـاه نـرفـع روسـنـا

أخوكم / طارق النفيعي

عاصم العتيبي
07-16-2008, 09:58 PM
الله يعطيك لعافيه وماقصرت وتري الناس
تطرد لميس ويقوووولووون في الجرايد الصيفيه في تركيا مع يحي ولميس
والناس مهبل خصرت فلوسها علي لميس

المقاطى_q8
07-16-2008, 10:42 PM
لاهنت ياطارق على القصيده المعبره

تحياااااتي

عبدالله العضياني
07-17-2008, 01:43 AM
الله يعطيك العافيه يا طارق على النقل الرائع

طارق النفيعي
07-17-2008, 04:45 AM
مشكورين على الرد والتواصل