المساعد الشخصي الرقمي

مشاهدة النسخة كاملة : بنتكم ناصر الشغار طلقها


امير الشوق
07-01-2008, 04:23 AM
يتسائل الكثير عن هذه القصه ناصر الشغار والعبدليه والتي ذكرت في محاورات بين عتيبه ومطير
ومنها محاورة ابوزيد الغبيوي وتركي 2000




ناصر الشغار وش سوى منول
يوم جتـه العبدليـه يامهـول
سالفه من ماضي الهجره تقول
والله المعبود والاسلام دينـي


وكذلك عبدالله الذيابي العمى مع احد شعراء المطران



اعرف مطير وادري عن حقايقها
مير حنا بنار الحـرب نحرقهـا
بنتكم ناصـر الشغـار طلقهـا
مايقف للمواقف غيـر راعيهـا


وكذلك الشاعر فلاح المورقي مع فيحان المطيري



حنا مواقفنا حمت كـل هيـه
والعبدلي قد طلـق العبدليـه
طلقهم الشغار والنـار حيـه
سته على سته نظر سالم العين


وكذلك احد شعراء الروقه لا يحضرني اسمه مع احد المطران



بنتكم فكاكهـا ذيـب الطـراد
يوم جاء للخيل والفرسان ماد
علمن اثبت يالمطيري من وكاد
والله الوالي ولا غيـره ولـي


ولمعرفتي بهذه القصه عن الكثير من الرواة الدماسين والعضيان من كبار السن وكذلك من احفاد الشيخ ناصر الشغار ومنهم الشيخ بدر بن محماس الشغار شيخ قبيلة الدماسين بأن هذه القصه كان الغزوا على ناصر الشغار وابنه محمد {ذيب الطراد} وعندما امساهم الليل فإذا بالمرأهـ تسأل عن امير القوم فقالوا بأنه ناصر الشغار فقالت تكفى ياناصر يابعيد الذكر ابوي جوزني مدلع الجبعاء الدويش وانا لا اريده فأشار لابنه محمد وقال طلقها منه يوم زبنتنا فقالت المرأه تكفى يامحمد تكفى ياولد ناصر ترى هالرقبه دخيلت رقبتك انا ما بغيته ابى ابن عمي القريب
فقال محمد حنا نبي نتواجه بكره على مايسر الله بس مدلع وش لون اوصافه فقالت اوصافه اسمر عليه جوخه وعليه جدايل وهذا شكل حصانه فلما تواجه الطرفان في الصباح شاهده محمد {ذيب الطراد} والد محماس الشغار فأغار عليه وضربه بالشلفا وأرداه قتيلا وعاد إلى العبدليه وقال لها دوري ابن عمك اللي تبينه مدلع فارقك.
هذه القصه موثقه من كبار السن والرواه وأحفاد الشيخ محماس الشغار
امــــــــــــير الشوق

((الـروقـي))
07-01-2008, 06:01 AM
تسلم اخوي امير الشوق وبالفعل القصة هذي متداوله بين الناس ومعروفه

والشغار الله يرحمه ويغفر له رجل بمعنى الكلمه بفروسيته وشجاعته وكرمه وانا

اعرفه واعرف ابناءه واحفاده ابنا فيحان اللي بعريفجان وسبق ان زرتهم واستضفت عندهم

ونعم العرب ونعم القبول والحفاوه والله يبيض وجه حيهم ويرحم ميتهم

ولاهنت مره اخرى اخوي امير الشوق