المساعد الشخصي الرقمي

مشاهدة النسخة كاملة : ((ولا زالت مدرسه الاستاذ الكبير عبدالله المسعودي))


خالد المقاطي
06-13-2007, 05:06 PM
محاوره جميله للشاعر عبدالله المسعودي والشاعر محمد ابن تويم للاستفاده وللتعلم

بن تويم



ولا يا الهذيلي قر سوق الشرا والباع
ومعروف ميزانك ومعروف ميزانـي
ترى هذ ي الديره يسمونها ام اسباع
وفيها سباعٍ تاكل الذيـب سرحانـي
المسعودي



ولا يا لعتيبي ماش طمعه ورى طمـاع
ولو كل واحد قال انا احسن من الثاني
انا جيتها فا الصيف ما جيت فا المرباع
وش تقول جيت السبع والسبع ما جاني

بن تويم



سنينٍِ مضت يومن برق الحيا لمـاع
ورعده يهز الغيث في غر الأمزانـي
ديارك يجيها السيل طافح مع الأرواع
صلاة العشا وقت ومع الصبح رجعاني
المسعودي



ليا طاح للأرض المطر يفرح الزراع
ويزرع محل الحمض خوخٍ ورماني
على باخرتكم يا بخاره نشوف شراع
ولو ينقشع عن بطنها حملها بانـي

بن تويم



انا اباه يفرح مير اضنـه يبـا يرتـاع
وانا يا عميل الخير ريـض وعجلانـي
وبعض العرب لو حمية الشمس زبده ماع
وراع السفينـه ليـس حالـه بتعبانـي

المسعودي



طويل الجبل يرتج من زهبة المدفـاع
ولا بـد فيهـا نـار والنـار دخانـي
عسى يلحق المدهور منها دهون ذراع
وانا لو يسيل السمن ما ذقت بلسانـي

بن تويم



تراها مزوح تروح في وقتها في ساع
ولا تنقل الخيفه من افلان وافلانـي
زمان المنايا نابهـا للدمـي شـلاع
عرفنا تبوك ونعرف حـدود عمانـي
المسعودي



انا ماخذ السكين فـا لأبتـر القطـاع
وعارف عناوين المراسـل وعنوانـي
ويا حيةٍ فا الجحر لو جاك راس اصباع
ملي نص بطن الداب من دم الأنسانـي

بن تويم



رفعتك على سطج القمر عن جماد القاع
واشوفك ليا مرباك تنظر با الأعيانـي
ولا فا البحر حيه يسولف بها الشـراع
يقولون مابـه غيـر مـوجٍ وحيتانـي
المسعودي



عيوني تعاين فيك يابو عيون وساع
تحب الفرح ولا تحـب الحميدانـي
ولا يا عميلٍ حط سطح القمر مرباع
صنعت السفينه مثل صنع المريكاني



بن تويم



سوالف عوارف جاتنا بالمتـر والبـاع
يسولف بها عبدالله اشكـال والوانـي
ولا يا الهذيلي ما قسى الطرق والمقراع
ولا قلت لك عض الأصابع با الأسناني

المسعودي



ولا يا عميلٍ مـا يـردك ميـة فـراع
ليا شفت منك زهوق ما شلت لك عاني
حلال الدهر صياح لو البطون اشبـاع
ومنهو بلا ها الوقـت يالله لا تبلانـي


تلميذ المحاورات الراقيه
((خالد المقاطي))

محمد المقاطي
06-13-2007, 05:20 PM
خالد المقاطي

لاهنت يالغالي
علي الاختيار الموفق
والله يعطيك العافيه


تحيتي

متعب الخيل
06-14-2007, 05:32 AM
السلام عليكم

الله الله لا هنت اخوي خالد على النقل الموفق

لااااهنت تسلم يمينك

العتيبي
06-14-2007, 05:41 AM
الله يعطيك العافيه اخوي خالد المقاطي

خالد المقاطي
06-14-2007, 08:22 AM
محمد المقاطي
لاهنت على المرور
وتقبل تقديري
دمت بود

خالد المقاطي
06-14-2007, 08:24 AM
متعب الخيــــــــــــل
لاهنت يالذيب
ونحن ابناء القلطه :)
ويجمعنى لقاء :)

دمت بود

خالد المقاطي
06-14-2007, 08:25 AM
العتيبــــــــــــــي
لاهنت وانا اخوك
على الاطلاااااااع
دمت بود

المحياني
06-21-2007, 04:15 AM
مشكوور على المحاوره ويعطيك العافيه وما قصرت

خالد المقاطي
06-23-2007, 12:24 AM
المحياني
لاهنت على المرور
دمت بود

نسيم الشرقية
06-23-2007, 09:37 AM
الله يعطيك العافيه ..

خالد المقاطي
06-27-2007, 04:37 PM
نسيــــم الشرقيــــه ...
اشكرك كل الشكر
على مرورك العطر
دمتي بود

جراح العصيمي
06-28-2007, 05:05 AM
مشكور على نقل هذه المحاوره الجميله

محمد الدعجاني
07-04-2007, 06:00 PM
ياسلام على الاختيار الجميل وعلى فكره المحاوره هذى من افضل المحاورات المشهوره للمسعودي وابن تويم لاهنت يالمقاطي

الزيادي
07-11-2007, 06:01 AM
الله يعطيك العافيه على المحاوره القويه


والله يوفقك اخوي : خالد المقاطي

خالد المقاطي
07-11-2007, 01:55 PM
محمـــــــــد الدعجـــــــاني


لاهنت لاهنت على المرور الطيب


اتركك بـــــــــود

الــولــيــد
07-11-2007, 04:00 PM
مشكووور أخووي خالد المقاطي على موضوعك




ننتظر جديدك

المقاطى_q8
07-16-2007, 01:50 AM
لاهنت علي النقل

خالد المقاطي

تحياتي