المساعد الشخصي الرقمي

مشاهدة النسخة كاملة : صياف الحربي وسليمان العنيني ( اهداء اليكم )


عريب الجدود
06-24-2008, 01:34 PM
السلام عليكم ورحمة الله وبركاته

سليمان العنيني :
علوم صـــياف خمـس وعودن أربعه

الله يعوض على الحمــله وجــمالها

هذا خبر توه اللي جاء من المطبعه

لكن العوض في بروق مخرج خيالها

صياف الحربي :
ان كان منته بسبع ابعد عن المسبعه

اللي يحزم الحموله غصب يشتــالها

وانا من الـبارحــه سـمـعتلي قربعه

والخـــيل ما تركــد الاعــند خيــالها

سليمان العنيني :لا تبلش الناس يا صياف بالصرقعه

جاتـك ثيابــك علــى قـدك تفصالها

والدره اللي بديس من اولا ترضعه

راحت ولو تستريح اشوالك اشوالها

صياف الحربي :

الحضر شدو من الزلفي الى المجمعه

واللــي يبــي دومة الجنــدل تعدالــها

وابـلـيس عــود وراء وبنـيـته تتــبعــه

بلاش نغوي بنـــات النــاس وعيالــها

سليمان العنيني :شعيل اشوفه من الدرهام صف اربعه

والسالفه زوبعــه في وسـط فنجالها

يوما يعــرف بمثــلك ربــنا يســبعـــه

ما هــمك الا عجـــوز ابليـس وعيالها

صياف الحربي :لا تحسبني طعاما بالصحن تبلعه

كبرت هــقاويك وعــيونك يورالها

جابه تنزل فــلانا واحــده ترفعه

ياليتها ليتها تبقى على حـــالها

سليمان العنيني :الذيب صــوتك يابن عـــواد مـاروعــه

لكــن بعــض الســوالف دور بــدالــها

تضحك وتمزح وبعد الضحك والطربعه

ياصــعب مضــهارها يا صعب منزالهـا

صياف الحربي :

تطرح وتضرب لكن الجمع ما تجمعه

وان جاتك الجابه العــوجاء توحــالها

وطير اللحم مايطير اليا لبـس برقعه

يضرب براسه يمين الارض وشمالها

سليمان العنيني :الجــابه اللـــي مـــا تجرح قلبك وتنزعه

مانـي ولــد عمــها مانــي ولــد خالـــها

يا ضيق صدرك وانا كنت اخبره من سعه

ما تهــمك قصــارهـا مــا تهمــك طوالها

صياف الحربي :

ان كــان ضــوك يــولــع ولــعــه ولــعــه

والــمنــحيــه يالغــليــم مــالك ومــالهــا

والليا جلس من جهينه واحد اجلس معه

منتــه زبــون البــضــاعه منــت دلالــهــا

سليمان العنيني :

من شاربي قلبك المرضـان لا شيعه

وازعل هل الشركه القشرا وعمـالها

مالك شغل كل امورك شوفها مسنعه

وصحبتك يا صاحبي تبقى على حالها

صياف الحربي :من شاربي لو تمر طويق ما تطلعه

قامــت تــزلزل بــك الدنــــيا بزلزالها

ما كل لقمه تسد الجــايع وتشــبعه

وليا تــهيــتلــك القشــراء تهيــالهــا

سليمان العنيني :طويق جاله نجـــم من ربنا وفرقعــه

الله يعوض على اهل طويق بجبالها




والمحاوره اطول من كذا وهذا مافي ذاكرتي لهذه المحاوره لهؤلاء

العمالقه

عبيدغازي العتيبي
06-24-2008, 03:37 PM
السلام عليكم ورحمة الله وبركاته
اشكرك خوي/عريب الجدودي علي النقل المميز وبيض الله وجهك وتسلم يمينك
وصح السانك والسان الشعار والله ولي التوفيق
وشكــــــــــــــرااا

http://www.s7r.net/up/uploads/6e0c772d29.gif (http://www.s7r.net/up)

عريب الجدود
06-25-2008, 01:56 PM
اخوي عبيد
بيض الله وجهك يالغالي على مرورك

لاعدمتك