المساعد الشخصي الرقمي

مشاهدة النسخة كاملة : بين حزن الوداع وبين هم الرحيل


صمت المشاعر
06-17-2008, 08:08 PM
بعد ثالث ثلاثه حـل والوقـت ليـل
كل عين" من العبرة سقـت خدهـا

ارتعش واتثبـت والعبايـر تسيـل
لقـدر اقـول ليـه ولقـدر اردهـا

واقف" وقفت المحتـار وقت"طويـل
انظـر لواقعـي بالعيـن واصدهـا

مقدر اهرب من الواقع على المستحيل
تقصر الرجل خطوه قبـل لامدهـا

بين حزن الوداع وبين هم الرحيـل
كـل لحظـه تمـر بهـم واعدهـا

حسبي الله على الفرقا ونعم الوكيـل
هددتني وانا مجروح مـن ضدهـا

اشهد الجدي في مبداه واشهد سهيـل
قصتـي تبنـي الاهـرام واتهدهـا

ماشفالي جروح ولابردلـي غليـل
صادت الروح روحا" بيحت سدهـا

كلما قلت شده قلـت يمكـن تزيـل
وكل ماقلـت راحـة قلـت لابدهـا

شرهت القلب عدل ونظرة العين ميل
اقنع النفس ميـر النفـس ماودهـا

المشاعر لها بيـن الحنايـا صهيـل
والخواطر تحـز النفـس واتحدهـا

اكتب الشعر من دمي ودمـي ثقيـل
كل ماجيـت امـد القافيـه شدهـا

اقربي يالقوافي واشربـي سلسبيـل
من نهورا" يذوب الذوب مـع ندهـا

وأذعني للحقيقه واشربـي حنظليـل
من بحورا" يساقي جزرهـا مدهـا

مايشح الكريـم ولايجـود البخيـل
كل نفـس" طبيعتهـا علـى قدهـا

حبيب العازمي

عبيدغازي العتيبي
06-18-2008, 01:42 AM
مشالله صح السان الشاعر حيبي العازمي واشكرك علي النقل المميز صمت المشاعر

صمت المشاعر
06-18-2008, 08:32 AM
عبيد أسعدني مرورك
دمت بخير

عبدالله العضياني
06-18-2008, 09:54 AM
صح لساااااان حبيب العازمي ولاهنت ياصمت المشاعر على النقل الرائع

صمت المشاعر
06-18-2008, 02:52 PM
عبود صح لسانك بالنيابة ولاهنت
أسعدني مرورك

سلطان العواد
06-24-2008, 04:05 PM
صمت المشاعر تسلم يالغالي على النقل وصح لسااان

قايلها حبيب العازمي

تحاااااايااااااي

صمت المشاعر
06-27-2008, 12:45 AM
سلطان العواد صح بدنك بالنيابة
أسعدني مرورك

d-r
06-28-2008, 08:57 AM
ياسلام
---------وشكرا

صمت المشاعر
06-29-2008, 04:49 PM
d.r
أسعدني مرورك
لاشكر ع واجب