المساعد الشخصي الرقمي

مشاهدة النسخة كاملة : ||.. الدرس الخامس ( ملاحظات مهمه ) ..||


*. الـ ع ــنقا .*
06-17-2008, 07:16 PM
Hello every ****

من زمان عن الدروس

ترى عندنا كورس صيفي الزامي على جميع طلبة جامعة العتبان المفتوحه :p

درسنا عاااااد سهل ما يبيله شي هو عباره عن ملاحظات أساسيه باللغه ،،

1- اذا جـا حرف K وبعده بالضبط حرف n ننطق الكلمه بدون وجود حرف K

مثال على ذلك ،،


Knee نقراها نــي بدوووووون لا ننطق حرف الــ K

Know نقراها نـــاو



2- اذا جــا حرف C وراه بالضبط واحد من هالحروف a , o , u
ننطقه مثل حرف الكاف ومثال على ذلك ،،

Cat نقراها كــات لأن حرف الــ C وراه بالضبط حرف a

Cup نقراها كــب على وزن ( رًب )

Coffee نقراها كوفي


و اذا جــا بعد حرف الــ C حرف e نقراه مثل حرف السين ومثال على ذلك ،،

Center نقراها سنتر لأن مثل ما نشوف حرف الــ C بعده e

Cell نقراها سِل


3- قاعده لا تتغير ولن تتغير ولم تتغير وهي انه حرف Q لااااااااااااااااازم وراه حرف u

بأي كلمه انجليزيه بالوجووووووود لازم حرف Q وراه u وطبعا ننطقه مثل حرف


الــ K ومثال على ذلك ،،


Quake نقراها كــويك

Quite نقراها كوايت


4- لو نلاحظ انه في حروف باللغه العربيه لا تتوفر بالانجليزيه مثل حرف الشين
عشان جذي لما يتحدون حرف S و h مع بعض ننطقهم شين ومثال على ذلك ،،

fish نقراها فش

sheep نقراها شيــب


وكذلك حرفي الــ c و الــ h لما يتحدون مع بعض نقراهم مثل ما ننطق اول حرف بكلمه ( جباتي)

تعرفونه هذا اللي بالمطعم الهندي اللي جنه خبز :P << ليتج فاكتهم من تشبيهاتج هع

ومثال على ذلك ،،

Beach نقراها بيــتش


rich نقراها رتش



ولأن لكل قاعده شواذ نلاحظ دايما تكرر هالقاعدتين الي تسبب صعوبه عند كل من يتعلم الانجليزيه

اذا ما كان فاهمها صح ،،

الاولى :

اذا جوا هالحروف ورا بعض بالضبط ( tion ) نقراها مثل حرف الشين
على طووووووووول بدوون تفكير ، ومثال على ذلك ،،

Action نقراها أكشن

National نقراها ناشونال



الثانيه :

اذا جوا هالحروف ورا بعض (ture) ننطقها تشر على وزن ( بجــر ) بجر عاد
يعني لما تكون انت اول واحد باخوانك يسمونك البجر عرفت :p
مثال على ذلك ،،

Future نقراها فيوتشر

Picture نقراها بكتشر


واللي ما عرف شلون ينطق في موضوع سابق انا حاطه رابط موقع استماع

تتوفر فيه بعض الأمثله مع نطقها النطق الصحيح ^_^

بــ جذي نكون خلصنا من الجزء الأول من سلسلة أول دروس

وبندخل بسلسله دروس ثانية وهي شلون نتكلم و نقرى ونكتب انجليزي :)

ان شاءالله يكون الدرس واضح و سهل

see you:in_love:

عبدالله العضياني
06-17-2008, 10:46 PM
الله الله >> أنا قايل أبي مدرس خصوصي >>>>>> مشكله الانجليزي >>>> يبيله واحد مركز مع الدكتوره
المهم الله يعطيج العافيه يالعنقااااااااااا
وأتمنى أنج تدخلين مصطلحات العتبان مع الانجليزي علشان الواحد يقدر يفهم شووي شوي :)

*. الـ ع ــنقا .*
06-18-2008, 12:10 AM
الله الله >> أنا قايل أبي مدرس خصوصي >>>>>> مشكله الانجليزي >>>> يبيله واحد مركز مع الدكتوره
المهم الله يعطيج العافيه يالعنقااااااااااا
وأتمنى أنج تدخلين مصطلحات العتبان مع الانجليزي علشان الواحد يقدر يفهم شووي شوي :)


هلا هلا بأول الحاضرين^_^

شوف عاد تجيب مدرس خصوصي تجيب مدرسه تجيب سفير امريكا موو شغلي

المهم تحسسني انك فاهم شي خخخخخ

ومصطلحات العتبان بسويلها درس خاص ولاااااا تزعل هع

ثانكس على مرورك الحلووووو وردك الأحلى ..

الـذيابـي
06-19-2008, 05:13 PM
بصراحه اول درس افهم عدل يعني المتابعه معك جابت فايده

ابشرك ياعبدالله الدرس الخامس هذا سهل ولا يحتاج تفكير مجرد حفظ مواقع الحروف

وكيف تقرا

تسلمين يالعنقاااء وللعلم متابع حتى النهايه ناوي اصير بلبل فى اللغه لزووم الرحلات الخارجيه

*. الـ ع ــنقا .*
06-20-2008, 02:21 AM
بصراحه اول درس افهم عدل يعني المتابعه معك جابت فايده

ابشرك ياعبدالله الدرس الخامس هذا سهل ولا يحتاج تفكير مجرد حفظ مواقع الحروف

وكيف تقرا

تسلمين يالعنقاااء وللعلم متابع حتى النهايه ناوي اصير بلبل فى اللغه لزووم الرحلات الخارجيه

اهلين وسهلين اخوي الذيابي ،،

الحمدلله انه سهل ،، والمتابعه وحدها لا تكفي لازم تتطبقها وتمارسها

روح مطعم ولا كوفي شوب واقعد تفلسف عليهم لوووول :h3:

مشكوور عالمرور الرائع والرد الأروع ...