المساعد الشخصي الرقمي

مشاهدة النسخة كاملة : سلطان الجلاوي و حبيب العازمي ( لا تفوتك )


عبيدغازي العتيبي
06-11-2008, 01:42 AM
السلام عليكم ورحمة الله وبركاته هذه محاورة بين الشاعر الكبير/ حبيب العازمي والشاعر المبدع / سلطان الجلاوي

اتمنى ان تنال على إعجابكم ..

حبيب العازمي



ودي اخذ قاف اله زبدة مفيـدة
دام فالميدان سلطان الجـلاوي
الليال اللـي قديمـة والجديـدة
تعرف ابن فهيد وبخيت العطاوي


سلطان الجلاوي



عاشو اهل الجود والاريا السديدة
سرها قدام والـدرب متسـاوي
مامضى يالعازمي نقـدر نعيـدة
حلها ماجـود يالحـر النـداوي



حبيب العازمي



العتيبـي نظرتـه دايـم بعيـدة
وانت خلك من بعيدين الهقاوي
عندنا فرسان وسيوف(ن) حديدة
وان دعانا الامر والله مانراوي


سلطان الجلاوي



لاتسمع في كلام(ن) فالجريـدة
تدري انا كفو لاجات العـزاوي
من تعب فالوقت حقق مايريده
احسب احسابك لياجات النخاوي

حبيب العازمي

داخت الشعار من بيت القصيـدة
واصبحت بلوى من كبار البلاوي
انت الك مذهب ولك سلم وعقيدة
قفل الصندوق عن قوم الرشاوي



سلطان الجلاوي



النشيدة يـوم غنيـت النشيـدة
جمع الناتج وقلي وش يساوي
لاتنزل فالوطـن شلـة رفيـدة
خلها تزحف عن السيل النحاوي


حبيب العازمي



الفقيدة ماغـدى منـا فقيـدة
والعطية للفقير من الغنـاوي
الله اعلم بالمنية من تصيـده
مار شق الليل يالنجم السماوي



سلطان الجلاوي



الفقيدة كـان ماجبنـا الفريـدة
والعطية عندنا بشـت حسـاوي
روسنا يالعازمي روس(ن) عنيدة
وعندنا ماجـود للعلـة مـداوي


حبيب العازمي



الزمـان اللـي يدبرلـك مكيـدة
قد عملها لألف شاعر والف غاوي
علمو سلطان لايكشـف رصيـدة
لين يبدى ايران بالحرب النـواوي



سلطان الجلاوي



الزمن لوكان يكثر في وعيدة
ماحسبناله وذيب الضلع عاوي

بدر المقاطي..
06-11-2008, 04:48 AM
صح السنتهم

مشكوور .. و الله يعطيك العافية

عبيدغازي العتيبي
06-12-2008, 01:43 AM
صح السنتهم

مشكوور .. و الله يعطيك العافية

شاكر لك اخوي بدر المقاطي علي المرور الرائع وتسلم يمناك وبيض الله وجهك
والله لي التوفيق
وشكرااا

عبدالعزيز المورقي
06-14-2008, 09:02 PM
محاورة ممتعة

يعطيك العافية وسلم يمناك

عبيدغازي العتيبي
06-14-2008, 10:11 PM
محاورة ممتعة

يعطيك العافية وسلم يمناك

شاكر لمرورك اخوي عبدالعزيز علي المرور الرائع وبيض الله وجهك وتسلم يمينك
والله يعافيك وتقبل تحياتي وشكري
والله ولي التوفيق
وشكـــــــــــــرااا