المساعد الشخصي الرقمي

مشاهدة النسخة كاملة : ||.. الدرس الثالث ( للأذكياء فقط :p).. ||


*. الـ ع ــنقا .*
06-07-2008, 03:23 PM
Hello my wonderful students

How do you do ?

I hope you doing fine :icon30:


يازين العربي بس :P

اليوم بهالدرس بشرحه بطريقه سريعه و يمكن البعض يشوفها صعبه

بس شسوي لازم أستعجل عشان في دروس أهم و هي اللي بتفيدكم أكثر من هالدروس اللي

ينظري أشوف انها سهله !!

كل واحد من الطلاب الحين يركز ويشغل مخه وخاااااااصه الطالب عبيد و الطالب الذياابي

أتمنى انهم يركزون عدل وما يسوون فوضى بالحصه :p

اما عمر و عبدالله مؤدبين ويستوعبون بسرعه ولو اني أشك بقدرات عبدالله :showoff:


أوكي نجي الحين للشرح ،،

في الدرس السابق شرحت عن الحرف المتحرك a

واليوم بشرح كل الحروف المتحركه الباقيه لان لو بحط كل واحد بدرس عزالله بتنسون كل الدروس

اللي فاتوا ولازم أزيد العيار اليوم و أخلصهم ،،

اولا حرف e

1-اذا كان بروحه و بنص الكلمه نكسر الحرف اللي قبله يعني بس يكون حركه مو حرف اساسي

مثل:

Bed نقراها بــد بكسر حرف الباء


2- اذا كان حرف e دبل يعني ( ee) نطقه مثل حرف الياء مثل :
feet نقراها فيت بمد الياء

3- اذا كان حرف e بعده بالضبط حرف a ننطق الكلمه بمد الياء مثل :

Meat نقراها ميت بمد الياء

و طبعا هالقاعده بالذات لها شواذ لكن قليل شواذها مثل :

Bread نشوف انه حرف e وراه بالضبط حرف a بس لانها شاذه

راح نقراها ابرد ( الالف اللي بالبدايه همزة وصل يعني نقرا الكلمه على وزن ارقد ) << عليها اوزان مادري اشتبي خخخخخخ


ثانيا حرف i
1- اذا كان بروحه بكلمه ينطق مثل الكسره مثل :

Hit ننطقها هــت بكسر الهاء

2- اذا كان حرف i بوسط كلمه وهالكلمه تنتهي بحرف e ننطقه مثل ما ننطقه اول ما نقراه

يعني قولو مـــــاي واحذفوا حرف الميم شوفوا النطق شلون يكون آآآآي << تبي توصل المعلومه

بأي طريقه هع

مثال :
life نقراها لايف

وطبعا في شواذ ولكن قليله جدا هالشواذ وما تعرفونها الا مع ممارسة اللغه ^_^

مثل :Since نقراها سنس بكسر حرف السين الأول

3- اذا جــا بعد حرف i حرفين ( gh ) ورا بعض على طووووووووول نحط في بالنا

انه هالحرفين مالهم داعي بالكلمه ونقراها بدونهم مثل:
High نقراها هــاي (على وزن مــاي)

عاد ألحين أهم نقطه للتركيز وهي لما يجون الـــ gh بعد حرف i ،، بالشرح فوق قلت

ننساهم ومالهم داعي واهني بعد بيكون مالهم داعي بس عشان تركزون أكثر لاحظوا انه

فوق كانوا هم اللي بآخر الكلمه لكن اهني ماراح يكونو بآخر الكلمه بيكون وراهم حرف مثل :

Bright نقراها برايت والسبب انه حرفي الــ gh مالهم داعي يعني نقرا الكلمه
من غيرهم كأنها مكتوبه Brit !!

ثالثا حرف O
اذا كان بروحه بالكلمه نقراه عادي مثل ما ننطقه مثل :

fort نقراها فورت

ومثل سيارة عمر ford نقراها فورد << نصابه اشدراج انها فورد لووووووووول

2- ولما يكون بعد حرف O حرف a نقراه عادي بس ما نضغط حيل عليه مثل :

Goal نقراها قــول مو قوووول يعني تكلم لااااا قــول لما انت تشوف مباراة وفريقك

يسجل هدف شنو تقول ؟ صح تصرخ وتقول قووووووووووول

انا أقصد هالقول اللي قلته << أمووووت بالشرح المعوق انا هع

يعني هالحرف بكل الحالات رجال صالح مافي كلمه توديه و كلمه تجيبه هو حرف O

ويبقى حرف O ما يتغير أبداا :D

رابعا حرف U

1- اذا كان هالحرف بروحه بالكلمه يكون حركه فقط يعني ننطق الحرف اللي قبله بالفتح مثل :

But نقراها بــت مو يجيني واحد ذكي ويقول بات انا قلت فتح ما قلت مد :schmoll:

ولكل قاعده شواذ وطبعا شي معروف انه الشواذ قليل ومستحيل تعرفونهم كلهم

الا اذا مارستوا اللغه صح ^____^ مثل :

full نقراها فــل بضم حرف الفاء يعني لما انت تروح تعبي بنزين صح تقول : بيساب بيساب

سوي عبي سياره مال انا فل <<< عليها شرح ماله داعي لووووووووول

2- اذا جــا قبل حرف u حرف o يكون نطقه بين هالحرفين يعني مثل :

Ground نقراها جراوند

و هنا نكون انتهينا من الحروف المتحركه ،،

وبقى درس ملاحظات وبعدها ندش بالجد ونتنهي من الدورس وكل واحد منكم

يتخرج ومعاه شهاده من جامعة العتبان المفتوحه لللغات :cool:

See You:in_love:

((الـروقـي))
06-07-2008, 04:11 PM
السلام عليكم

الاخت العنقا قريت دروسك وطريقة شرحك وهى ممتازه جدا وميسره

ولكن هناك طلبه لايعرفون حتى ماهو حرف aاو bاو c لذلك اتمنى منك ان يكون توالي الدروس

بشكل بطىء حتى يفهمون الطلبه عبيد والذيابي فهم استيعابهم بدقه عاليه جدا

انتى عارفه اساسيات اللغه وكيفية النطق والقراءه لذلك لا تساهلين الدروس وهي صعبه عند غيرك

اتمنى انك فهمتى ماعنيت ولك جزيل الشكر اخت عنقا

على ماتقدمينه

---------------

تقول جامعة العتبان المفتوحه للغات وانا اقول لو يدري عنكم الوليد بن طلال كان سكر الجامعه العربيه

المفتوحه ويرسل طلبتها لكم

*. الـ ع ــنقا .*
06-07-2008, 04:35 PM
السلام عليكم

الاخت العنقا قريت دروسك وطريقة شرحك وهى ممتازه جدا وميسره

ولكن هناك طلبه لايعرفون حتى ماهو حرف aاو bاو c لذلك اتمنى منك ان يكون توالي الدروس

بشكل بطىء حتى يفهمون الطلبه عبيد والذيابي فهم استيعابهم بدقه عاليه جدا

انتى عارفه اساسيات اللغه وكيفية النطق والقراءه لذلك لا تساهلين الدروس وهي صعبه عند غيرك

اتمنى انك فهمتى ماعنيت ولك جزيل الشكر اخت عنقا

على ماتقدمينه

---------------

تقول جامعة العتبان المفتوحه للغات وانا اقول لو يدري عنكم الوليد بن طلال كان سكر الجامعه العربيه

المفتوحه ويرسل طلبتها لكم

أهلين وسهلين ،،

اي فهمت عليك اخوي الروقي ،،

بس هالنوع من الدروس يجب أن يكون استماع يعني لازم يسمعون أحد يقرا لهم الحروف

ويبين لهم مخارجها وكيفية قراءتها ،،

لكن ولا يهمك انا بحاول اني أجيب لهم أصوات يتعلمون منها كيفية النطق ،،

عاد هم خلهم يساعدوني وانا والله ماني مقصره وياهم ^_^

اما بالنسبه للجامعه لوووووووووووووووول أصلا لو درى عنا الوليد جان اشترك بالمنتدى

عشان يتابع الصفوف ويتسلف مني الطلاب ويستثمر مواهبهم :h3:


أشكرك عالمرور والمتابعه ....

عبدالله العضياني
06-07-2008, 06:22 PM
الله يعطيج العافيه يالعنقااااا
ولكن أنا للحين مافهمت شي واتمنى لو يكون في مدرسين خصوصيين للمنتدى
وبخصوص الغياب فا أنا معاي طبيه هههههههههههههههههههه

*. الـ ع ــنقا .*
06-07-2008, 06:25 PM
الله يعطيج العافيه يالعنقااااا
ولكن أنا للحين مافهمت شي واتمنى لو يكون في مدرسين خصوصيين للمنتدى
وبخصوص الغياب فا أنا معاي طبيه هههههههههههههههههههه

هلا وغلا ،،

ماعليه انا مو فاقده الأمل فيك حاسه انك بتستوعب في يوم من الايام :h3:


وطبيتك بلها و اشرب مايها انا ما اخذ طبيات انا اخذ كيك فليك هع

مشكوور عالمرور الحلوو والرد الأحلى .....

عبيدغازي العتيبي
06-09-2008, 09:56 AM
اشكرك اختي العنقاء علي الموضوع الطيب ومن ناحيه الاستيعاب اتحد الروقي والذيابي
علي الانجليزي لو مهما كان الميدان يحميدان وعتيبه اضاهر معندهم الا ابك عانه
الباض الطميط لووووووووووووووووووووووووول وشكرااا

*. الـ ع ــنقا .*
06-09-2008, 01:55 PM
اشكرك اختي العنقاء علي الموضوع الطيب ومن ناحيه الاستيعاب اتحد الروقي والذيابي
علي الانجليزي لو مهما كان الميدان يحميدان وعتيبه اضاهر معندهم الا ابك عانه
الباض الطميط لووووووووووووووووووووووووول وشكرااا

حي الله الطالب المتحمس ،،

والله يا عبيد انت كله تكسر مجاديفي ،، فكني من لغة العتبان و ركز بالانجليزي

وصدقني بلقالك بديل لهالكلمات بس بالانجليزي لوووووول

حياك الله و نورت الموضوع بمرورك ومشاركتك ..

عــمـــر
06-10-2008, 01:51 AM
هههههههههههههههههه هلاهلا

شنو هالشرح وربي حصه كوميديه :D

بصراحه ضحكت اكثر من الي فهمته هههههههه

يعطيج الف عافيه

مشكوره على الشرح الوافي

واحس بدينا بالصعب :icon30:

*. الـ ع ــنقا .*
06-10-2008, 01:56 AM
هههههههههههههههههه هلاهلا

شنو هالشرح وربي حصه كوميديه :D

بصراحه ضحكت كثر من الي فهمته هههههههه

يعطيج الف عافيه

مشكوره على الشرح الوافي

واحس بدينا بالصعب :icon30:

أهلييييييين وسهلييييين

حي الله الطالب المتأخر هع

ههههههههههههههههه اهم شي ضحكت عالاقل سوينا شي مفيد :p

اي بندش بالصعب جهز نفسك بس ^__^

ثاااانكس على مرورك الحلوو وردك الأحلى ...