المساعد الشخصي الرقمي

مشاهدة النسخة كاملة : ||.. الدرس الثاني بنوع ثاني ( عشان تتعلم صح لازم ..؟؟ ) ..||


*. الـ ع ــنقا .*
06-04-2008, 06:17 PM
مرحبا ،،

شلون الطلاب الشطار ؟؟

كلكم عليكم غياب وتأخير ومحد بياخذ امتياز << من اولها خخخخ

درسي اليوم غير عن اللي قبله بيكون شرح بالعربي كله وبيعتمد عليكم أكثر عشان أحس اني موصله لكم المعلومه صح ،،

في الدرس السابق شرحت أنواع الحروف وسبب تسميتها بهالأنواع ،،

بهالدرس بوضح لكم بعض القواعد الأساسيه واللي تمشي عليها كل اللغه ،،

بس قبل أشرحها لازم تعرفون الا لكل قاعده شواذ ،، لكن أهم شي انكم تفهمون القاعده

صح واذا واجهتكم شواذ من انطلاق فهمكم راح تتعاملون معاها عادي ،،

أول قاعده :

1- حرف a في الكلمات الثلاثيه ( اللي تتكون من ثلاث حروف وحرف a واحد منهم )
تلقائيا تكون ممدوه ،،

يعني ألحين عبدالله بيسوي فيها ذكي وبيقول والكلمات اللي أكثر من 3 حروف

أنا أقوله يا عبدالله لا تستعجل جايك الخير << ياويلها منه لوووووول

مثال :

Bad نمد الكلمه ونقراها باد

cat نمد الكلمه و نقراها كات

و ألحين واجب على كل طالب يرد يجيب لي مثال من كلمه تتكون من 3 حروف و الــ a

يكون الحرف الثاني ،،


ألحين أهم شي و اهم خطوه ويبيلها تشغيل مخ لأن انا أذكر اول ما تعلمت ما فهمتها عدل

بس مع الممارسه صارت شي عادي

الكلمات الرباعيه والخماسيه اللي يكون حرف a ثاني حرف منها لازم لاااااااااااااااااااازم

ننتبه انها ما تنتهي بحرف e عشان نقراها مد عادي !!

مثال :

stand نلاحظ انه الحرف الثاني هو a و الكلمه ما تنتهي بحرف e

اذا نقراها ستاند بالمد ،،

land نفس الطريقه الحرف الثاني a وما تنتهي بحرف e

فــ شي طبيعي نقراها لانـــد ،،

واجب : كل طالب يجيب لي كلمتين وحده خماسيه والثانيه رباعيه والحرف الثاني يكون

a وما تنتهي بحرف e ،،

ألحين نجي للجزء اللي بيخرب عالجزء اللي قبله لكن شوي شوي بتوصل المعلومه

طبعا كالعاده الطالب عبدالله طالب يحب يسأل ونقز وقاللي : لو الكلمه تنتهي بحرف e

شالمشكله يعني ؟

أقوله ولااااااا تزعل ألحين أفهمك ،،

الكلمه في منتصفها حرف a وتنتهي بحرف e

نقراها على وزن ( بيت أو ليت ) يعني ما تكون مد بالألف او الياء ،

مثال :

hate نقراها هيت بس ركزوا مو بمد الياء لازم تكون على وزن ( بيت او ليت )

frame نقراها فريم وللمره المليون أقول مااااااااا نمد الياء ولا الألف ،

واجب : كلمه يكون الحرف الثان فيها a و تنتهي بحرف e


وألحين جزء بسيط وما يبيله ذكاء بس تركيز ،،

اذا حرف الــ a جا وراه على طووووووول حرف i ننطق الكلمه مثل الجزء اللي فوقه

يعني نفس لما تنتهي الكلمه بحرف e

مثال :

fair نقراها فير ومااااااااا نمدها لا بالياء ولا بالألف

tail نقراها تيل

وألحين قاعده جدا متكرره بملايين الكلمات ودايما نشوفها وهي تغيير نطق حرف a

الى حرف O

شلوووون ؟؟

وهي تكون في ثلاث حالات :

1- بالاختصار المفيد اذا جا بعد حرف a حرف L ولكنه دبل يعني (LL) بدون أي نقاش

حرف a ينقلب O

مثال :

all نقراها أول على وزن ( رول أو نوم ) يعني ما نسوي مد بالواو ونضغط عالحرف حيل بالنطق

Hall نقراها هول

واجب : أبي كلمه أيا كانت المهم تتكون من حرف a وبعدها مباشرة دبل L

والآن وصلنا للجزئيه قبل الأخيره من الدرس ،،

2- اذا كان حرف a وراه على طول حرف u نقراه أيضا O

ونطقه يصير نفس نطق الجزء اللي فوقه اللي هو انه حرف a بعده دبل L

مثال :

august نقراها اوقست بس ما نضغط عالحرف ونقلبه واو ويصير مد واو !!

automatic نقراها اوتوماتيك ( عاد أكيد الكل يعرف يقراها صح تذكروا قير عادي و تذكروا
قير توماتيك بس عدلوا الكلمه شوي و قولوا اوتوماتيك أكشخ ترى لوول )

3- واخيرا ، اذا كان حرف a بعده بالضبط حرف w أيضا نقراه حرف o

مثال :

awful نقراها اوفل ونفس قرأتنا للجزئيات اللي فوق ما نمد الحرف بالواو !!

وبالنهايه أتمنى من كل شخص يقرى الدرس ويشارك بالرد انه يجيب لي أمثله من اللي طلبتها
فوق عشان أحس انه في تجاوب حرام أحط دروس ومحد يفهم شرحي :( ترى والله أحاول اني أوصل

المعلومه بابسط طريقه وانا مستعده لأي سؤال حتى لو كان خارج الدرس طالما انه بيكون بحدود

هالقسم :)

همسه لــ عبدالله العضياني : اعذرني يمكن ضغطتك شوي بالدرس بس شسوي بغير الجو شوي

وماكو غيرك يتحمل ضغطي لووووووول

أشكركم عالمتابعه:in_love: ........



Copyright © otabhq8.com

الـذيابـي
06-04-2008, 09:36 PM
اوتوماتيك متابع للاخر ونبي نشوف منو الاول بالصف

عبيدغازي العتيبي
06-05-2008, 01:40 AM
شاكر لج علي الموضوع الشيق وشكراا

الـذيابـي
06-05-2008, 02:08 AM
^

^

^
^

طالب صعب جدا واتوقع انه الاول هههههههههه

حنا بحصة درس مو موضوع شيق

عبيدغازي العتيبي
06-05-2008, 03:46 AM
ابي اتحداك يالذيابي يالله شد حيلك الميدان يحميدان احسن كلمه عندي بالانجليزي (ابك)

عبدالله العضياني
06-05-2008, 03:59 AM
أنا صراحه أتوقع أنا الاول على الصف ههههههههههه
بس لو العنقا أتضبطني درجاااااات هههههههههههههه

*. الـ ع ــنقا .*
06-05-2008, 04:12 AM
اوتوماتيك متابع للاخر ونبي نشوف منو الاول بالصف

أهلا اهلا بالطالب النشيط :icon30:

ان شاءالله تكون الأول بس خلك متابع جيد للدروس وتصير تتكلم أحسن

من كلام جورج بوش << خير ان شاءالله هع

أشكرك عالمرور والمتابعه ...

*. الـ ع ــنقا .*
06-05-2008, 04:12 AM
شاكر لج علي الموضوع الشيق وشكراا

العفو ،،

شاكره لك هالتواجد الرائع ..:icon31:

*. الـ ع ــنقا .*
06-05-2008, 04:14 AM
^

^

^
^

طالب صعب جدا واتوقع انه الاول هههههههههه

حنا بحصة درس مو موضوع شيق

ايواااااااا انا أبي روح التنافس الشريف بين طلابي الشطار << اقعدي بس

تعجبني نباهتك للردود << لوووووووووول

ثانكيووو مره اخرى ......

*. الـ ع ــنقا .*
06-05-2008, 04:16 AM
ابي اتحداك يالذيابي يالله شد حيلك الميدان يحميدان احسن كلمه عندي بالانجليزي (ابك)

اي اي اي عليهم يا عبيد لا تعطي احد مجال خلك الاول دايما

بس فكنا من أبك عشان ما نلقى شكوى علينا من الامم المتحده وهي التحريف باللغه << لا يكثر بس

ثانكيووو ...

*. الـ ع ــنقا .*
06-05-2008, 04:18 AM
أنا صراحه أتوقع أنا الاول على الصف ههههههههههه
بس لو العنقا أتضبطني درجاااااات هههههههههههههه

حي الله الطالب اللي جايب مدرس خصوصي خخخخخخخ

اي انت عليك توصيه لازم تكون الأول بس خلك حاضر دائما و ابشر بالخير :P

Thanks alot

عــمـــر
06-06-2008, 02:51 AM
هلاهلا

يعطيج الف عافيه والله مو مجامله جد

وبالنسبه لـــ للامثله او لـ الواجب

cab بمعنى سيارة اجره car بمعني سياره :) اذا ماني غلطان

وبالنسبه للأمثله الباقيه :) للكلمات اربع احرف او خمس ماودي اعفسكم ببدلياتي هههههههه

المهم اني حبيت ان ابين لج ان شرحج سهل والف شكر لج وواصلي

<<<<<<<< ترقع بتتهرب :D

*. الـ ع ــنقا .*
06-06-2008, 10:24 AM
هلاهلا

يعطيج الف عافيه والله مو مجامله جد

وبالنسبه لـــ للامثله او لـ الواجب

cab بمعنى سيارة اجره car بمعني سياره :) اذا ماني غلطان

وبالنسبه للأمثله الباقيه :) للكلمات اربع احرف او خمس ماودي اعفسكم ببدلياتي هههههههه

المهم اني حبيت ان ابين لج ان شرحج سهل والف شكر لج وواصلي

<<<<<<<< ترقع بتتهرب :D



أهلين وسهلين بالطالب المتميز عمر ،،


سجلت عليك تأخير دير بالك كل 3 تأخيرات = غياب :p

وبالنسبه للواجب ماشاءالله عليك حلك صح ،، عالأقل انت جربت تحل

لكن باقي الطلبه قالبين الصف فوق تحت لووووووول

أهم شي انه الدرس كان سهل عليك ^_^

Thanks alot 4 being here

and don't go away
:icon31: