المساعد الشخصي الرقمي

مشاهدة النسخة كاملة : محاورة (نار وبنزين !) بين : حبيب العازمي $$ مستور العصيمي


عبيدغازي العتيبي
05-27-2008, 02:07 AM
السلام عليكم ورحمة الله وبركاته
اعزائي موقع او منتدي عتيبه بدوله الكويت انقل لكم محارورة بين الشاعرين
الكبيرين والكبير الله الشاعر حبيب العازمي الشبح والشاعر مستور العصيمي


وحبيب العازمي والتي جرت بينهما في قاعة الملكه بالحويه

وكانت مثل النار والبنزين .






حبيب العازمي:

أبو تركي يباله قاف مثل النار والبنزين = حريقه في حريقه والمطافي ماتطفيها

على شان العلوم اللي نبا تفسيرها بعدين = يخربها ولد جاره ولا يقدر يسويها

مستور العصيمي:

ليا شبيتها نرميك فيها ياغراب البين = علاك اتشبها وأنا علي اكفتك فيها

والا يالعازمي ماني بزايد فوق دينك دين = أخذ عبرة التجارب فـ( اول) الدنيا وتاليها

حبيب العازمي:-

أنا ماني غراب البين أنا خلالٍ يخل العين = وأنا وشلون احول وسطها وأنت متوقيها

ثمان سنين زايدها ثمان سنين كم سنين = نعش الأرنب السوداء وتفتلنا باذانيها

مستور العصيمي:-

أنا ماني بخابر عازمي واحد طويل ايدين = ليا طالت يدينه ماتعدّا عن مخابيها

سوالف ماتخالف ياحبيب بين حين وحين = لكن العازبات اللي يسرحها يضويها

حبيب العازمي:

لا بالله ربعك أنته كلهم شجعان وأنت دوين = تمد ايداك وحبيب على كيفه يلويها

رحانا كل مادارت على حبٍ يروح طحين = نداويها ونجرحها ونكحلها ونعميها

مستور العصيمي:

بناناها على طول الليالي مثل صور الصين = تراكم صيدة ٍفالوقت نطبخها ونشويها

ولا يارعي الحجه نبى برهانها ذالحين = ولا تغدي علينا بين كاتبها وقاريها

حبيب العازمي:-

حديتونا على علم الردى ياربعنا الغالين = رديه والرديه راجعه في حظ راعيها

يموت الحظرمي والحبحبه حمراء على السكين = ولا يقدر يقطــــــــــــعها ولا يقدر يخليها

مستور العصيمي:-

عسى الله ينصر الإسلام ويقوم عمود الدين = ويكتب لك ثوابك فالصلاه اللي تصليها

ابوي امحارب الكفار في غزوة بدر وحنين = وأبوك اللي مغار يسند الديره وينحيها

حبيب العازمي:-

يقولون الرجال الضعف دائم حيلة المسكين = وحنا أهل المروه والضعافه ماندانـــيها

ابوك الله يغفر له قضاها مع رعاة الضين = ويزعل لو يشوفك فالغنم سارح مفليها

مستور العصيمي:-

يقولون الرجال العز ضرب السيف ابوحدين = وابا اذكرك في بعض اللحون اللي تغنيها

أنا دوبي عرفتك ياحبيب بعد عام الفين = واعاين في وجيه الناس واجرحها واداويها

حبيب العازمي:-

ترى اللي يدفع الدرمه على وقت الشريف حسين = علاه ملاحظه عند الزكاه اللي يزكيها

ليا منا تمادانا ترانا كلنا مخطين = وأنا جيتك مصيبه والمصيبه وين تغديها

مستور العصيمي:-

أخذها شيخنا يوم العرب بين القساء واللين = تبا تشهد لنا الأيام حاضرها وماضيها



وسلامتكم يالغانمين

((الـروقـي))
05-27-2008, 02:14 PM
فعلا محاورة نار ونزين

تسلم يمينك يابو غازي

عبيدغازي العتيبي
05-28-2008, 02:01 AM
فعلا محاورة نار ونزين

تسلم يمينك يابو غازي

السلام عليكم ورحمة الله وبركاته
شاكر لك اخوي/الروقي علي المرور الرائع وبيض الله وجهك وتسلم يمينك
والعفو مسوينا شئ يالغالي وتقبل شكري وتحياتي
وشكــــــــــرااا

عبدالله محسن الغبيوي
06-01-2008, 01:25 AM
عزالله محاروة قويه ونار واشكرك اخوي عبيد الغبيوي علي النقل الرائع
وانا من جمهورك يبوغازي كفوو يذيبان
وشكر

عبيدغازي العتيبي
06-01-2008, 01:59 AM
عزالله محاروة قويه ونار واشكرك اخوي عبيد الغبيوي علي النقل الرائع
وانا من جمهورك يبوغازي كفوو يذيبان
وشكر

السلام عليكم ورحمة الله وبركاته
ولاهنت علي المرور الرائع عبدالله محسن الغبيوي تسلم وانا افتخر وشهادتك اعتبرها وسام
علي صدري يالغالي وتقبل تحياتي وشكري