المساعد الشخصي الرقمي

مشاهدة النسخة كاملة : حــروف الذهـــــب


عباس مشعل الشيباني
06-12-2007, 05:34 PM
السلام عليكم ورحمه الله وبركاته


هذه القصيده فقد قلتها مفاخرا بقبيلتي عتيبــه حينما اتى مزاعم بيني وبين بعض من شباب القبائل مفاخرا بها بقبيلتي وفخذي وما انتسب اليه حيث اسميتها


(::][ حروف الذهـــــب ][:: )




يالله على بابك ويالله بمعلوم =يلفي بنا جنتك ويلفي بحسنات
يارازقن عبدك من الخيل حثلوم =الي في وقتن ماضين بالمريبات
جيت القلم ذاليوم زعلان مهموم =ناوي على فكره وناوي على ابيات
خط القلم من دون لالزمه ملزوم =عارف لطبعي ناوين بالمصيبات
بيحوم فوق الورَق ذاليوم بيحوم =وبحور لون الحبر باوراق صعبات
صعبات عند الجاهل الي يبا الزوم =زوم الكبر بالشعر طبع العسيرات
قمت اكتب الابيات باسلوب محزوم =وانقاد خط الحبر من غير فزعات
قال الشعر ملكي من اليوم لليوم =دام القلم يمسكه عباس بثبات
يبحر بجزم ويقطع البحر بسهوم =بسهوم ناريه من احرف جميلات
ربعي عتيبه منجيه كل مضيوم =عز القبايل من عتيبه قريبات
من عزوته برقا بيرقا ومحتوم =بافعالهم نرقى ونرقا الطويلات
من عزوته روقي عليهم يبا يهوم =ياخذ من الصعبات بايدي صريمات
ربعي وقومي وافتخر فيهم اليوم =يحق لي افخر بقومن عطيبات
وانا عتيبي من هوازن وزيزوم =حافظ لديني من عواقب وخيمات
وانا ولد مشيب عتيبي وطهطوم =معتز وافخر بالشيابين بالذات
وانا ولد مشعل وشيبان معلوم =عز الفخر واقولها كل حزات
وختامها صلو على الرسل ملزوم =عداد همال المزون الغزيرات


وسلامتكم

اخوكم

عباس مشعل الشيباني

جراح العصيمي
06-12-2007, 07:17 PM
صح السانك على هذه القصيده الرائعه

اخوي ((مشعل عباس الشيباني ))

وانشاء الله نقرى جديدك




وتقبل تحياتي

عباس مشعل الشيباني
06-12-2007, 07:28 PM
صح بدنك اخوي جراح العصيمي


ومشكور يالغالي على مرورك واطلاعك


مع تمنياتي للجميع بالتوفيق

اخوك

عباس مشعل الشيباني

محمد المقاطي
06-12-2007, 08:36 PM
عباس مشعل الشيباني

صح لسانك وبيض الله وجهك
ولا هي غريبه الجزاله
علي واحدن مثلك
وفي انتظار جديدك
وابداعاتك


تحيتي

العتيبي
06-12-2007, 08:39 PM
صح السانك على هذه القصيده وبيض الله وجهك
اخوي مشعل عباس الشيباني

عباس مشعل الشيباني
06-12-2007, 08:44 PM
صح بدنك اخوي محمد المقاطي

وشاكر لك مرورك يالغالي

مع تمنياتي لك بالتوفيق الدائم

اخوك

عباس مشعل الشيباني

عباس مشعل الشيباني
06-12-2007, 08:45 PM
صح بدنك اخوي العتيبي

واسمي عباس مشعل وليس مشعل عباس

فشاعر المحاوره مشعل بن عباس الشيباني عمي فلا تخلط بيني وبينه .

:)


وشاكر لك مرورك يالغالي

مع تمنياتي لك بالتوفيق الدائم

اخوك

عباس مشعل الشيباني

((الـروقـي))
06-12-2007, 09:27 PM
صح لسانك يابو مشعل ولاهي غريبه منك الاعتزاز بالقبيله

كتبت وانصفت يابن مشيب مار قلي وش تقصد بالبيت هذا

خط القلم من دون لالزمه ملـزوم ....عارف لطبعي ناوين بالمصيبـات

المصيبات هل قصدك المصيبه اى المطمه والا المصيبه اللى صواب

المحياني
06-12-2007, 10:58 PM
صح بدنك ومشكور على القصيده

اخوي مشعل عباس الشيباني

ويعطيك العافية وما قصرت

نسيم الشرقية
06-13-2007, 08:04 AM
صح لسانك

الله يعطيك العافيه ..

خالد المقاطي
06-13-2007, 09:12 AM
وانا عتيبي من هـوازن وزيـزوم
حافظ لديني من عواقب وخيمـات
وانا ولد مشيب عتيبـي وطهطـوم
معتز وافخـر بالشيابيـن بالـذات
وانا ولد مشعـل وشيبـان معلـوم
عز الفخر واقولهـا كـل حـزات
وختامها صلو على الرسل ملـزوم
عداد همـال المـزون الغزيـرات


صح السانك وبيض الله
وجــــهكـــــــــــــــــــــ

تقبل مروري واعجابي

دمت بود

عباس مشعل الشيباني
06-13-2007, 05:19 PM
صحه ابدانكم على المرور جميعا

ولاهنتم

اما بما تقول اخوي الروقي كلها تركب مصيبه بالصواب ومصيبه بالمعنىآ

ولاهنتو على المرور


مع تمنياتي لكم بالتوفيق الدائم

اخوكم


عباس مشعل الشيباني

صقر روق
06-18-2007, 11:50 PM
صح لسانك أخوي عباس مشعل الشيباني

قصيدة راااائعة الله يعطيك العافية

عباس مشعل الشيباني
06-26-2007, 08:28 PM
صح بدنك اخوي صقر روق

وشاكر لك مرورك يالغالي

اخوك

عباس مشعل الشيباني

d-r
11-07-2007, 04:24 AM
ياسلام يالباحث
--شكرا

الشويب
11-07-2007, 04:31 AM
صح لسانك اخي العزيز عباس وبيض الله وجهك
ونعم بعتيبه كلها

عباس مشعل الشيباني
05-13-2008, 01:52 AM
صحه ابدانكم وتسلمون على المرور اخواني الكرام


مع تمنياتي لكم بالتوفيق الدائم

اخوكم

عباس مشعل الشيباني