المساعد الشخصي الرقمي

مشاهدة النسخة كاملة : قصيدتين للشاعر الكبير مستور العصيمي


سلطان العصيمي
05-20-2008, 03:34 AM
السلام عليكم ورحمة الله وبركاته :


هذه قصيدتان للمدرسه الشعريه ومعلّم الشعراء
الشاعر : مستور بن تركي العصيمي ..






سلام منـي عـد مايطلـع النـور ... واعداد ماتمطر من الغيـث غيمـه
سلام من شاعر محنـك ودكتـور ... دكتور في بدع اللحـن والوسيمـه
بابور فكري يطرب امواج وبحـور .. ويزفنـي بيـن البحـور الطيمـه
يابن فهد يامحكم الـراي والشـور ... حكيم من روس الرجـال الحكيمـه
عبد العزيز بطيب الفعـل مذكـور .... الكل يدعى له عسـى الله يديمـه
عد الروى يصلونه ورود وصـدور ... يروي الكبود الضاميـات المحيمـه
له مع رجال المعرفه والكـرم دور ... الاصل طيـب والمواقـف عظيمـه
يامير لك في مهجتي قصر معمـور .... من دونكم ماشـوف للعمـر قيمـه
واخلاصنا من ماضي الوقت مخبور ... مخبور من ماضي العصور القديمه
يامير انا من فعل الانـذال مقهـور ... تحريفهم للقـول احسـه جريمـه
سمعت بين الاجهزه علـم منكـور ... مايفعله من فيـه غيـره وشيمـه
محرفين الصدق بالكـذب والـزور .. اهـل الحكايـا والحقـد والنميمـه
يقلون شوفوا واسمعوا قول مستور ... وهي على مـن الظلايـم ظليمـه
احلف وانا ماني على الحلف مجبور .. اني لكـم مخلـص بنيـه سليمـه
ياعل من خلفك في جنـه الحـور ... في جنه الفـردوس ينعـم نعيمـه










يالله يامـطـلـوب يـامـعـبـود ... يامخرج الما مـن سحـاب يقـود
أنت الذي خلقت الارواح من عـدم ...جعلتهـا بعـد الـعـدم بـوجـود
نطلبـك فالغفـران يافـرد ياصمـد....يـوم البعـث والوعـد والماعـود
تغفر ذنـوب المسلميـن وتعينهـم....جميعهـم وأبلغـهـم المقـصـود
تعينهـم علـى عداهـم بدينـهـم....اليـا حصـل فالعلـم نقـص وزود
مايستوي قول ٍ على غيـر معنـى....وقول ٍ على غيـر الفعـل منقـود
نمشي براي الله وحسـن العقيـده....في ظـل منهـو بـاذل المجهـود
محكـم كتـاب الله وسنـة نبـيـه....يسهـر لشعبـه والعبـاد ارقــود
فيصـل حكيـم فالـبـر والبـحـر....من هيبته خـلا الاسـود اسجـود
حـلال ماينحـال فالليـن والقسـا....وخوانـه اللـي للعبـاد اعضـود
خالد و لي العهد عاهد على الوفـا....واوفـى بعهـد الواحـد المعبـود
اليا مدحت امدح هل المجـد والثنـا....وليا زبنت ازبـن عسيـر احيـود
محمد اللي عادتـه يكسـب العـلا....عـدً ليـا اشتـد الضمـا مـورود
فهـد وزيـر الداخليـه وزيـرهـا....من ماعمل خـلا الـدروب امهـود
وعبدالله يقود الحرس ريس الحرس....ونصر الحـرس بيـرادة المعبـود
وسلطان سلطان الجيوش وزعيمها....عنـد الملاقـا سيفنـا المـحـدود
وسلمان يسلم راعي العدل الوفـي....مايفعلـه واضـح بغيـر اشهـود
وسطام لطـام العـدا قاهـر العـدا....واخـوه عبدالمحسـن المـعـدود
وفواز واحمـد باذليـن اجهودهـم....في عهدهـم راع الخطـا مـردود
ماقدمـو مـن قومنـا الا خيارهـم....انـوار مكـه رغـم كـل حسـود
يقـاري التاريـخ تلقـى فعولهـم....المـجـد والتـاريـخ لالسـعـود
العزوه اللي سعـد مـن يعتزيبهـم....اولاد مقـرن مزبـن المضـهـود
مني سـلام الله عليهـم جميعهـم....سلام ٍ أحلـى مـن حليـب القـود
وإن جا نهار ٍ فيه عاصي ومعتـدي....ربعي عتيبه بـارق ابـن سعـود
نثبـت مواقفنـا ونثبـت فعولـنـا....عنـد اشتعـال النـار والـبـارود
من غير قاصر في جميـع القبايـل....اهل الفعل وإن حـك عـود ٍ عـود
حنا العرب واليا دعا داعي العـرب....كل العـرب عنـد اللـزوم جنـود
جنود للاسلام فـي ساحـة الوغـا....ولابيـن أرض المسلميـن حـدود
ٍو ختامها مني صلاة ٍ على النبـي....عـداد ماهبّـت هـبـوب الـنـود





اتمنى ان تنال ذائقتكم .....

((الـروقـي))
05-20-2008, 04:25 AM
سمعت بين الاجهزه علـم منكـور ... مايفعله من فيـه غيـره وشيمـه
محرفين الصدق بالكـذب والـزور .. اهـل الحكايـا والحقـد والنميمـه
يقلون شوفوا واسمعوا قول مستور ... وهي على مـن الظلايـم ظليمـه

صح لسان الشاعر الكبير مستور العصيمي

حي هالراس ابو تركي يكم من بيت يصوغه صوغ و مناسبة القصيده هي بعد نشرالبلوتوث

اللي يقول فيه واحد يروح يعلم الثاني الله يرحم فهد ويعز عبدالله والذي كان محرف وارسل

القصيده للامير عبدالعزيز بن فهد ال سعود

لاهنت اخوي سلطان العصيمي على كتابة القصيده وبيض الله وجهك

عــمـــر
06-01-2008, 11:47 PM
يعطيك العافيه

مشكور ولاهنت

عبيدغازي العتيبي
06-02-2008, 12:17 AM
لاهنت اخوي سلطان العصيمي علي النقل المميز

d-r
06-02-2008, 02:49 AM
ياسلام مستور الاكاديميه وليسه مدرسه
----------وشكرا

عبدالله العضياني
06-03-2008, 09:11 AM
لاهنت يالعصيمي على النقل الرائع وصح لسان الشاعرمستور العصيمي

المقاطى_q8
07-13-2008, 03:48 PM
لاهنت على النقل المميز