المساعد الشخصي الرقمي

مشاهدة النسخة كاملة : سلطان ابو ثنين .. والمال قله مايعذرب بالرجال


المقاطى_q8
05-15-2008, 05:50 AM
{{ المال قله ما يعذرب بالرجال ... }}


مشتاق لخوة كريمين السبال = اللي على العليا تزيد أشواقها
ربع مداهلهم على روس الجبال = تسمو مع أهل المعرفة بأخلاقها
ما يشربون إلا من الجم الزلال = الصافي اللي ينسجم بأذواقها
وترى النشامى معرفتهم رأس مال = والصفقة اللي رابح صفاقها
على سلوم أجدادهم طبع ودلال = الطيب كنه ثابت بأعراقها
هم للخوي مثل الذرا وإلا الظلال = وهم للعدا نار قوي احراقها
ربع يشيلون الحمولات الثقال = والصعب عن درب الوفا ما عاقه
حفاظة الاسرار عن قيل وقال = للسر صندوق حكيم اغلاقها
والمال قله ما يعذرب بالرجال = والخلق مقسومة جميع ارزاقها
وإلا الردي لو جا له أموال وعيال = ولو غطت أمواله كثير أسواقها
ما له مع أهل المرجلة أية مجال = ما دام رجله للردية ساقها
ونطلب من الله ربنا ستر الحوال = ويغفر خطايا بالظهر ما طاقها
وصلوا على محمد عدد وبل الخيال = وعد السحاب اللي نضا براقها


الشاعر / سلطان بن سعود أبو ثنين
اتمنى ان تنال على استحسانكم

عــمـــر
05-16-2008, 01:56 PM
صح لسانك وصح لسان شاعرها

يعطيك الف عافيه ع هذا الاختيار

طلال
05-24-2008, 11:42 PM
مشكور اخوي المقاطي وبيض الله وجهك

المقاطى_q8
07-15-2008, 06:46 PM
عمر

طلال


اسعدني مروركم


تحياتي

عبدالله العضياني
07-16-2008, 04:22 PM
صح لســان الشــاعر ولاهنت يالمقاطي على الاختيار الموفق

عاصم العتيبي
07-16-2008, 10:05 PM
صح لسانك ولسان قايلها والله القصيدة في مكانها

المقاطى_q8
07-16-2008, 10:36 PM
عبدالله العضياني
عاصم العتيبي


اسعدنا مروركم

تحياتي