المساعد الشخصي الرقمي

مشاهدة النسخة كاملة : اللي يود القلب ماتفهمونه...وجرح المودة مابكم من يداويه


عــمـــر
05-06-2008, 12:34 PM
ياعاذلين القلب لاتمحنونه=خلو عصي الراي ياصل مناهيه
بالعذل يا لعذال لا تعذلونه=اخاف من نصح عن الرشد يعميه
القلب مايرضى انكم تنصحونه=لا تنصحون القلب عن حب غاليه
حب المودة صايبه تجهلونه=مامنكم اللي ذاق مره وحاليه
اللي يود القلب ماتفهمونه=وجرح المودة مابكم من يداويه
جرح المودة جايرات طعونه=وين الطبيب اللي يعرفه ويبريه
ياليت طراد المها يذكرونه=ويسعود قواد الجوازي يحاليه
عسرًعلى طلابه اللي يبونه=يعطي البياح وشرد الصيد تتليه
عليه قلبي كاثرات شطونه=ويلوج وسط الصدر من حركاويه
قلب الخطا ياسعود يعظم كونه=يكفيه من جور الهوى ربع مافيه
الزين لوتبعد علينا ضعونه=يكبر غلاه وكن عيني تراعيه
ياجب علي اني من الشك اصونه=وبالهرج عند الناس ياسعودماطريه
ادري عليه من العدايشمتونه=واخاف من هرج يضره ويوذيه
لاواهني اقرابه اللي يجونه=ونا الى جيته عدوي حواليه
عليه روحي بالفواد مغبونه=وفاتن ثلاث سنين والروح ترجيه
ياسعود عني لابته يبعدونه=ناس تحلف به وناس تناحيه
البغض وسط قلوبهم يضمرونه=وفي مقرن الحجان تظهر مواريه
ويوقفون السلم دوني ودونه=وعندك خبر قلب تولع بغاليه
اخاف من حبل الرجا يقطعونه=واشرب عذاف السم كدره وصافيه
صبرت لين الصبر فاتت حتونه=واليوم كظم الصبر ماني بقاويه
عزالله ان الصبر غبن ومهونه=وان كان ممدوح العواقب لراعيه
ياسعود فعل الخير ما تفعلونه=وتفزع لمن ضاعت حياته وتنجيه
ياسعود مدو لي حبال المعونه=ترى رفيقك جاير الحب طاويه
انت الذي راجيك تقضي ديونه=والليل الاسود ما تعوقك ضواريه


الشاعر .. محمد السديري .. رحمه الله

محمد المقاطي
05-06-2008, 12:49 PM
صح لسانك

ابو محسن

والله يرحم السديري ويغفر له

المقاطى_q8
05-06-2008, 05:20 PM
لاهنت يابو محسن على الأختيار الرائع

والله يرحم الشاعر / محمد السديري



تحيتي

عــمـــر
05-06-2008, 09:09 PM
صح لسانك

ابو محسن

والله يرحم السديري ويغفر له

صح بدنك

يـ بويوسف (محمد المقاطي)

وشاكرلك ع مرورك الكريم

عــمـــر
05-06-2008, 09:11 PM
لاهنت يابو محسن على الأختيار الرائع

والله يرحم الشاعر / محمد السديري



تحيتي

ولاانت يـ بوسلطان

والاروع هو مرورك الكريم

طــــويــــق
05-08-2008, 02:22 AM
الله الله على الاختيار الرائع

والله يرحم السديرى

وطاب منقولك يالامير

وتقبل مرورى

سلطان العصيمي
05-08-2008, 11:47 PM
مشكوووور اخوي ولا هنت وانشالله نشوف منك المزيد
والله يرحم السديري ويغفر له

عــمـــر
05-08-2008, 11:54 PM
الله الله على الاختيار الرائع

والله يرحم السديرى

وطاب منقولك يالامير

وتقبل مرورى

هلاوغلا اخوي طويق

والاروع منها هو مرورك الكريم

لاهنت

عــمـــر
05-08-2008, 11:55 PM
مشكوووور اخوي ولا هنت وانشالله نشوف منك المزيد
والله يرحم السديري ويغفر له

هلاوغلا اخوي سلطان العصيمي

شاكرلك ع مرورك الكريم