المساعد الشخصي الرقمي

مشاهدة النسخة كاملة : احلام سودا ماهيب احلام ورديه


طــــويــــق
05-03-2008, 10:46 PM
الشاعر/ سداح العتيبى




يادافع الشعر لا تنسـاق مـن دونـي
مادمت في ذمتـي سـجّ القـدم فيّـه



خلكّ على نيّتي .. وظنونـك ظنونـي
وأنا ما أغيـرّ عليـك الظـنّ والنيّـه



البارحه مـرّت الأحـلام ب عيونـي
أحلام سودا ماهيـب أحـلام ورديّـه



تمرّدت وأستباحـت حرمـه جفونـي
وراحت على دربها عجلـه وطرقيّـه



أمسيت أصوّت لها وأصبحت مغبونـي
وتفسيرهـا .. بيـن هاذيّـه وهاذيّـه



لو تستحي دمعتي من ضحكته سنونـي
ماكان حطّـت بنـون العيـن ماريّـه



اللـي تناسيتهـم .. واللـي تناسونـي
بالخير مذكـوره .. وبالخيـر منسيّـه



والحبّ لا هزّ صدري حرّك شجونـي
وحطبت حدب الضلوع ونارهـا حيّـه



أكثر جروحي سببهـا اللـي يحبوّنـي
وجرح الحبايب عطيـب وكيّتـه كيّـه



تبكي على راسي وتضحك على متوني
نفضت خرجي وطاح الـداب والحيّـه



وين أنت يا اللي عليك أكوسر لحونـي
هيجنت ب إسمك وشلت أغلى هجينيّـه



يوم أنت هجسي وحدسي وأصدق فنوني
من لامني في غرامـك لعنبـو حيّـه



شطيّت بي في هواك وزادت شطونـي
مع لاهب الشوق بين الشمـس والفيّـه



وعلمتني كيف أغيـرّ شكلـي ولونـي
وأعيش جـوّ .. الحكايـات الغراميّـه



يا سيّد الحب .. معك الحـب مامونـي
وأنـا علـى جرّتـك عينـي شقاويّـه



مجبور لا شفتني .. ماشي على هونـي
حاولت وأزريت لا أكسر قيـد رجليّـه

الـذيابـي
05-04-2008, 03:57 AM
أكثر جروحي سببهـا اللـي يحبوّنـي = وجرح الحبايب عطيـب وكيّتـه كيّـه

صح لسان الشاعر سداح

ولاهنت اخوي طويق على القصيده وعلى فكره سداح شاعر معروف وله العديد من القصائد

المشهوره ومنها

البارحه ليلي ليل شيطاني __جني على راس جنيه

محمد المقاطي
05-04-2008, 08:27 AM
لاهنت اخوي طويق

علي نقل القصيده الرائعه

وصح لسان الشاعر ياسر الغنامي ( سداح )

طــــويــــق
05-04-2008, 09:15 PM
الذيابى
و
محمد المقاطى

لا هنتوا على المرور

وتقبلوا تحياتى ....

المقاطى_q8
05-15-2008, 06:24 AM
ياسلاااااااااام على الذوق ياطويق

وصح لسان الشاعر / ياسر بندر ( سداح )

شاعر مميز واكثر من رائع



تحياتي

عــمـــر
05-25-2008, 11:37 PM
الغالي

طـويـق .. يعطيك الف عافيه

وصح لسان شاعرها