المساعد الشخصي الرقمي

مشاهدة النسخة كاملة : قصيدة للشاعر مثيب النخيش


طارق النفيعي
04-28-2008, 09:24 PM
هذي القصيدة ردا ً
على شخص مجهول أرسل رسالة للشاعر بواسطة الهاتف الجوال ,

والرسالة فيها من الحسد والحقد لآل النخيش .

فكتب الشاعر هذي القصيدة ردا ً على هذا الشخص عديم الأخلاق .



ياللي تراسلني على خط الرسايل واختفيت=وراك حطيت لك ستره تندرق في سدها
تعال قابلني وناقشني وقلي وش بغيت=وأن كان لك ورايه حقوق تعال ارتدها
عليك من حمل الوقاحه والخزا شحنة ونيت =كفون ليمنى السافل اللي مثلك ليا مدها
اسم النخيش العزوه اللي لاعتزيت ابها رقيت=رقيت سلم مجدها ياجاهل ٍ في مجدها
مهيب لي عيره تعيرني بها تهبا هبيت=رد على رسالتك لاقلت تهبا خذ ردها
عزوة شرف وافخر بها في كل موقف لانتخيت=اللابه اللي ماحد ٍ ينسى فعايل جدها
تاريخها عز وشرف واخبارها في كل بيت=لاعد تاريخ الرجال وأهل الشجاعه عدها
المرجله حق لكل الناس كانك مادريت=وانته على وجه الخصوص أكيد مانت بقدها
منها خذينا حقنا وافي لنا سمعه وصيت=لنا بيوت فالمعالي ماحد ٍ يهدها
والمال ماخذناه شحذه مثل ماقلت وهقيت=ارزاق تقسم ويد ربي جزيل مدها
واما الكرم طبع لنا رضيت وإلا مارضيت=طبيعة فينا ورثناها ونحفظ عهدها
واما مجال العلم يامسكين يوم انك هفيت=حنا طلعنا وانت روحك حرها في كبدها
والشعر سوق بعت في سوقه بفكري واشتريت=اسبك بيوت الشعر واعرف هزلها من جدها
استخدمه وقت اللزوم اليا تهيضت ونويت=امدح رجال الطيب والأنذال يترب خدها
كل على همه سرى وأنته على همك سريت=هم الحسد والحقد في نفسك تصارع ضدها
دفعك هاجوس الحسد وابديت مافيك وحكيت=بلغ سلامي للعصابه والرساله ودها
واللي بعدها من مرض قلبك لعلك ماشفيت=والعين عساها بدبوس حديد يسدها
جزا لمن عميت بصايرهم مثل يوم انعميت=تعيش عميان القلوب بشر لو ماودها
كرتون متحرك بعقل فارغه والقلب ميت=خابت على ام جابتك لااخسارة كدها

الشاعر
أ. مثيب بن محمد النخيش

محمد المقاطي
04-28-2008, 09:40 PM
اسم النخيش العزوه اللي لاعتزيت ابهـا رقيـت=رقـيـت سـلـم مجـدهـا ياجـاهـل ٍ فـــي مـجـدهـا
مهيـب لـي عيـره تعيـرنـي بـهـا تهـبـا هبـيـت=رد عـلـى رسالـتـك لاقـلـت تهـبـا خـــذ ردهـــا
عزوة شرف وافخر بها في كل موقف لانتخيت=الـلابـه الـلـي مـاحــد ٍ يـنـسـى فـعـايـل جـدهــا
تاريخها عـز وشـرف واخبارهـا فـي كـل بيـت=لاعـد تاريـخ الرجـال وأهـل الشجـاعـه عـدهـا
المرجـلـه حــق لـكـل الـنـاس كـانـك مـادريــت=وانته على وجه الخصـوص أكيـد مانـت بقدهـا


صح لسانك اخوي طارق

وصح لسان مثيب النخيش

ونعم في النخشه قاصيهم والداني

ولاهنت علي نقل القصيده

طارق النفيعي
04-28-2008, 10:03 PM
ولا عليك زود يالمقاطي

لاهنت على الرد ومشكور على التواصل

المقاطى_q8
05-02-2008, 06:37 AM
صح لسان الشاعر / مثيب النخيش

ونعم والله بربعنا النخشه

يشهدلهم البعيد قبل القريب بالكرم والطيب


ولاهنت ياطارق على النقل


تحياتي

طارق النفيعي
05-02-2008, 08:42 AM
مشكور على تواصلك ولاهنت

ولا عليك زود يالغالي