المساعد الشخصي الرقمي

مشاهدة النسخة كاملة : |!| أثر مال الزمن ذمه |!| بندر تراحيب النفيعي


طارق النفيعي
04-21-2008, 08:48 AM
صباحكم / مسائكم سعادهـ

قصيدة للشاعر / بندر بن تراحيب بن عبسان النخيش النفيعي العتيبي

قمت بنقلها شخصيا ً من أحد المنتديات وأتمنى أن تحوز على رضاكم


|!| أثر مال الزمن ذمه |!|



يطول الليل من همي متى نـور الفجـر ينبـاح=على أللي يا بدر يشكي هموم القلـب وطعونـه
لا لليلٍ يسعد الساهر ولا عيـنٍ يجيهـا مـراح=ألين الراس شاب من السهـر والليـل وجنونـه
أثر مال الزمن ذمه وأثر طير الزمـن جـراح=كفخ بي مادريت وراح وشـدادي علـى متونـه
قعدت أكفخ مثل طيرٍ قعد يكفـخ كسيـر جنـاح=يبي شوف الحياء أللي يلعب النسنـاس بفنونـه
أرد الدمـع أرده وانتثـر دمعـي ودمـي فـاح=على جمر الغضا أللي كنهـم جوفـي يشبونـه
وأنا من عادتي مبـدي لكـم سـدي ولا ينبـاح=لغير الهاجس أللي يطـرب السهـران بلحونـه
لو أنك ما ضحكت بدمع أخوك أللي بخده سـاح=على أنه من زمانـه ماشكـى ويكـن مكنونـه
لك الله يا بدر مافي حشاي أبره بـدون جـراح=لكن أصبر وبدي ضحكت الخاطرعلى حزونـه
أقوي صبري بعزمي سـواة الفـارس الجمـاح=أليـا شافـوه بالمـيـدان عـدوانـه يهابـونـه
وأنا ماني بداري زلتي خـوف" مـن الفاضـح=لكن أدرا الكلام اللـي علـي بكـره يسوونـه
وترى اللي مايحسب للكلام أحساب مـا يرتـاح=يدنـق بالمجالـس كـن مـن فيهـا يهبـونـه
وترى مآكل من يضحك بسنه يـا بـدر مـزاح=لك الله كم ضحك وجـهٍ يحـد لموتـك سنونـه
وترى قلوب البشر ربعينها مرضى وربع صحاح=وربع اللـي يبـدون الوفـاء والغـدر يخفونـه
والى منك بغيت أرهاب عدوانك بـدون سـلاح=تجنب مزحهـم وأصحـى لسـدك لا يعرفونـه
ولا تفـرح بزلاتـك عـدوٍ مـاكـرٍ فــراح=ليا منـه تهقـوى فيـك أبيـك تخيـب ظنونـه
أبيـك تصيـر ضلـعٍ مايهزونـه ولا يـنـزاح=زبـون الـي جفـاه القـاع والقصـار يبدونـه
ترى مالك حياة" ان كان كرتك من أيدينك طـاح=دخيلك وش حياتك والبشـر كرتـك يدوسونـه
وأنا واثق مأسب أللي يسب ولا أمـدح المـداح=أميـز كلمـة الرجـال وأفهـم نظـرة عيونـه
ما أقول أني أنا الفاهم وأنا العاقل وأنا النصـاح=أقول أن الزمـن دستـور منطوقـي وقانونـه

دمتم بود

سوف يتم الأضافة للمكتبة الخاصة لبندر بن تراحيب

أخوكم / طارق النفيعي

المقاطى_q8
04-21-2008, 09:35 AM
أبيـك تصيـر ضلـعٍ مايهزونـه ولا ينـزاح // زبون الـي جفـاه القـاع والقصـار يبدونـه
ترى مالك حياة" ان كان كرتك من أيدينك طاح // دخيلك وش حياتك والبشـر كرتـك يدوسونـه
وأنا واثق مأسب أللي يسب ولا أمـدح المـداح // أميز كلمـة الرجـال وأفهـم نظـرة عيونـه
ما أقول أني أنا الفاهم وأنا العاقل وأنا النصـاح // أقول أن الزمـن دستـور منطوقـي وقانونـه

صح لسان بن تريحيب
ولاهنت على النقل يالشيخ

طارق النفيعي
04-21-2008, 06:51 PM
مشكور على تواصلك يالغلا