المساعد الشخصي الرقمي

مشاهدة النسخة كاملة : الأبل عز أصحابها


محمد الغبيوي
03-31-2008, 12:53 AM
الموضوع باين من العنوااان:)

لأهل الذود وأهل الطرش يتفضل ويتأمل بفضائل خلقها وذكرها بالقرآن وسنة نبيه،،،

وكما نعلم بأن الأبل قليل من يوصفها كليآ بأقل من مائة بيت ولكن هنا ذكرنا البعض منها بما فاضت بنا قريحتنا بها بأوصاف عامه.

والآن أترككم مع الأبيات،،،




اللي تجاهل ويش أهميـة الـذود=خله يجيني وأجلب اله البراهيـن
مذكور بالقرآن بالأبـل مسنـود=حتى نبـي الله ذكرهـا بقوليـن
الأبل عز أصحابها عد وعـدود=بالماقف الطيب ومن ماقفآ شيـن
تغنيك بالأسفار تصديـر وورود=قبل العرب تنقل عليها من سنين
تقطع فيافي فوقها الحمل مشدود=تصبر على الحمله تزايد نهارين
ووبارها تصنع بها خيام وجلـود=منها غـذا حليبهـا مستفيديـن
فيها شفا بعد الولي زايد الفـود=أمراض ماتحصا ذكروها النبيين
أشبيهي أقرا ماكتب ويش ماجود=بجيبلك ماخـط منهـا بشطريـن
ان حملت ثقلت ليا سار مبعـود=وأن حلبت تروا لواذبح طعيميـن
والناس تجلبها قبل وقتنـا كـود=وقت الملاقا أو دنانيـر ومنيـن
وبوقتنا الحاضر بها الكل مسعود=متكاثره وعداد أهلهـا كثيريـن
ماتخسر الأموال لازادها الـزود=وأخص للي وصفها زين من زين
فج المناحر روسها كبار ممـدود=بارقابها وطول اللحي يبهر العين
وظهورها متقاعسه شوي محدود=عن الغوارب مفهقات السناميـن
هذا نموذج ذكرهـا وكلهـا زود=ياللي جهلت الذود أقرا الكتابيـن

وسلامتــكم،،،

أخوكم: محمد الغبيوي العتيبي.

محمد المقاطي
03-31-2008, 01:00 AM
صح السانك

اخوي محمد الغبيوي

قصيده جزله من شاعر جزل

بيض الله وجهك

محمد الغبيوي
03-31-2008, 01:06 AM
صح السانك

اخوي محمد الغبيوي

قصيده جزله من شاعر جزل

بيض الله وجهك

صح أبدانك أخوي محمد المقاطي،،،

تسلم على أطرائك الجميل وعلى تواجدك بالموضوع،،،

وجهك أبيض،،،،

كل الشكر،،،

المقاطى_q8
03-31-2008, 03:32 AM
صح لسانك يا الغبيوي





تحياااتي

d-r
04-01-2008, 05:04 AM
الغبيوي
لاهنت
ولكن كنت اتمنى اني اقرا نص فيه ابداع اكثر
ونصوصك السابقه طيبه من رجال طيب
ونتمنى الاطيب والاجمل
----------وشكرا

بنت القصيد
04-06-2008, 04:54 PM
صح لساانك

ولاهنت