المساعد الشخصي الرقمي

مشاهدة النسخة كاملة : مكتبه واحه الشعرا تنقل لكم محاروة ومولات فلاح المورقي والشهيب والمطيري


عبيدغازي العتيبي
02-16-2008, 04:09 AM
السلام عليكم ورحمة الله وبركاته
وبعد....اخواني اعضاء ومشرفين ومراقبين وضيوف موقع عتيبه الرسمي
هذه محاوره اقيمت فالحويه الخميس الماضي وكانت بين الشعراء عواض الشهيب وفلاح المورقي وبخيت السناني وشاعر مطيري لا اعرف اسمه ويبدو انه غير معروف وكانت جميله جدا استطعت ان انقلها لكم وكانت رباعيه بين العتبان وخناذف

انا نقلتها لكم كتابيه عدا مولات فلاح المورقي نقلتها فديو لاني متخصص في نقل مولات فلاح المورقي
ويستاهل مستقبل عتيبه هذا الاهتمام لانه اثبت للجميع انه كفو لهذه التسميه وكلن راء عتيبه وهي تقف معه وتؤازره شبابا وشيبان والله يوفقه... وللمعلوميه الحفل كان في قصر جوهرة الحويه عند المقطه..


****************************** الموال الاول**************************************** *****
فلاح المورقي
الليل يابخيت السناني وير ار يو
الناس فالسوق باعوا وشريــــو
افيور دي كم هير قدامي افيــــو
سته على سته نضر سالم العين

انا وانت والميدان والوعد قدام****ترى القلب في وسطه علومن كثيره


http://upload.9q9q.net/file/VutaA9Tp...-----.mp4.html

عواض الشهيب

قم يالمطيري والله انه يعـــــــــينك
تبا تشب النار بيني وبينــــــــــــــك
والله لاثر الكحل في وسط عيــــنك
سته على سته نضر سالم العين

نبا نشنقك شنقه مثل شنق صدام****وتنسى العلوم الاوله والاخيره


بخيت السناني
فلاح يزهمني وانا معه موجـــــود
صغير واسبيك انقلش شي محمود
ختناكنك يعني كويس فيرقـــــــــود
سته على سته نضر سالم العين

عسى خير ياطيرن تحوم من العام****ولاكن جناحينك خفافن قصيره


الميـطـــــــــــري

ماني بمتوهي ولاني بمهـــــــــــتم
وبخيت جنبي والبادي اضــــــــــلم
وعواض انا عمه ولو متنطق عم
سته على سته نضر سالم العين

شنقناك من عصر الصحابه الايمام****ياراع الحزام الي بليا ذخيره

**********************الموااااال الثااااااني*************************************** *******
فلاح المورقي

تراي فالميدان حاضر كما كنـــــــت
والا انت لك عشرين عامن مابينت
صغير لاكني عليكم تمكنــــــــــــــت
سته على سته نضر سالم العين

احاوم وخنذف طيرها ليه ماحام****يقولون له جنحان لاكن كسيره



http://upload.9q9q.net/file/hFEaA9RPn/------------.html




عواض الشهيب

غريب امرك يالمطيري غريبي
والله رمابك في يدين العتيبــــي
وانت وبخيت احطكم وسط جيبي
سته على سته نضر سالم العين

الا يالمطيري حضنا فوقكم قام*****ولا ضاع للعتبان حبة شعيره



بخيت السناني

تراك معطى والي اعطاك لربك
وكل الشباب الي بصفك تحبـــك
مدري تكب الشعر والا تكبـــــك
سته على سته نضر سالم العين

فلاح ورفيقه عندنا مثل الاصنام****ترى كسرة الاصنام خيرن وخيره



المطيـــــــري
خنذف عقوبه للشبابي منــــــــول
ولا زالت اليا اليوم لوك تمـــــول
والا انت من ضهر الكحيله تحول
سته على سته نضر سالم العين

اثر صاحبي عواض مثل ام الايتام****ولن كان همه صار من هم غيره


*********************************الموال الثاااالث************************************ ***

فلاح المورقي

هاذي سواليفك وهذي هقاويـــــك
ربعك جهينه والردا منك وفيــــــك
وان كان تبغى الصدق محدٍ يدانيك
سته على سته نضر سالم العين

مادام ان فرعون متفرعن فالاهرام****ترانا تفرعنا في شبه الجزيره


http://www.m5zn.com/Download-7.php?****=39eb51ea25.mp4



عواض الشهيب

يومنها عند المهاوش والاطــــــــلاب
شرواك نسحبهم على روس الاطناب
اقولها مني بحاسب لك حســــــــــاب
سته على سته نضر سالم العين

بخيت ورفيقه عندنا طقم خدام**** وحنا الرجال الي تقود المسيره



بخيت السناني

الي الشرف والا انت مالك شهاده
يالي مع الشعار سكر زيــــــــــاده
لاكن عينك مثل عين الجـــــــراده
سته على سته نضر سالم العين

ترانا تربعنا على عرش الاسلام***** عيال الصحابه صحبة ابو هريره


المطيــــــــــري

ليت لزمان يعود مثله وحلــياه
والحقك للشغار قدام تنســــــاه
وياكثر غيره منكم دفنـــــــــــاه
سته على سته نضر سالم العين



***********************************الموال الرابع**************************************
فلاح المرقي

ياصحابنا ياجهينه هذا مســتواكم
وشلون لو يدري بي الي وراااكم
كنا ولازلنا عقوبه عـــــــــــــلاكم
سته على سته نضر سالم العين

خوال النبي حنا من اعوام واعوم****محمد رسول الله ولافيه غيره


http://www.m5zn.com/Download-7.php?****=5e94298a32.mp4




عواض الشهيب


تحمد الله واشكره يالمطـــاري
تراك بالتاريخ منته بــــــداري
ماتعرف الا عند رز البخــاري
سته على سته نضر سالم العين

لو انك مفسر كان فسرت الاحلام*****لاكنك خبيث اطبوع واعمى بصيره

منقول

المقاطى_q8
02-18-2008, 06:49 AM
لاهنت يابو غازي


نقل مميز واكثر من رائع


تحيتي

عبيدغازي العتيبي
02-19-2008, 07:57 AM
لاهنت يابو غازي


نقل مميز واكثر من رائع


تحيتي

السلام عليكم ورحمة الله وبركاته
وبعد....اشكرك اخوي المقاطي q8 علي المرور الطيب ووبيض الله وجهك
يالغالي ومرورك شرف لي ولاانت وتسلم يمناك يالغالي
والله ولي التوفيق
وشكــــــــــــرااا