المساعد الشخصي الرقمي

مشاهدة النسخة كاملة : الشاعر محمد الحويماني ينتظر تصويتكم


عبدالله النفيعي(السهم العطيب)
02-01-2008, 10:44 PM
السلام عليكم ورحمة الله وبركاته ..............

الاخوه المراقبين و الاعضاء و الزوار الكرام ,,,,,,

بدء العد التنازلي لليوم الموعود للشاعر محمد الحويماني العتيبي (صقر الشعر)
و مايحتاج وصاه لرجال عتيبه شاعركم في موقف صعب و الله الله فيه لحد يخلي صقرنااا ..

وضعه صعب امام قبايل مثل قحطان و مطير وبني عطاا وكل قبيلة لهااا وزنهاا بالمنطقه فالذلك عتيبه تنافس وبقوه لرفع بيرق شاعرهاا محمد الحويماني امام القبايل الاخرى ..
والشاعر محمد شاعر وجزالته واضحه من خلال النص اللي ظهر من خلاله في برنامج شاعر المليون ..



الله الله يا عتيبه في صقركم ( من قال انا عتيبي ماله عذر )



تحضرني ابيات تقول .........


ولعي فالراس يا نار الحميا = نعنبو راس(ن)يعيش بلا حمايا
لابتي منزالها فوق الثريا =خير و اشرف من ركب فوق المطايا
شجرة يرقد تحتها من تفيا = و غابة يا من بها سبع الضرايا
ما رقينا قمة العليا كذيا= غير بفعول تسيد بها البرايا
فزعة شليويح وخيول المحيا = و سطوة العفار و حظوظ المحايا
جبت من تاريخ ربعي ما تهيا = لابة تاريخها كله مزايا
دام غسان الحسن كابر و عيا = ينثني للحق ملعون الحلايا
حطو بكبده من النيران كيا = و اشعلو في لجنته حمر اللظايا
لابتي يا لابتي و انتم بليا = نخوتي تردون حيضان المنايا

الله الله يا عتيبه في الصقر .........

المقاطى_q8
02-02-2008, 06:42 AM
عبدالله النفيعي

بيض الله وجهك

ولاهنت على الكلام المنطقي

وعتيبه انشاءالله قدها وقدود
ولا يخلون رجالهم

ولاهنت على الأبيات الجزله


تقبل احترامي وتحياتي

الــولــيــد
02-02-2008, 01:32 PM
بيض الله وجهك



وما قصرت اخوي عبدالله النفيعي

ابو عثمان
02-02-2008, 02:33 PM
السهم العطيب
هذا واجب وعلى كل عتيبي ان يقوم بدعم محمد الحويماني وخاصه انه شاعر يشرف قبيلته عتيبه وهو شاعر متمكن من سبك القصيده ولقد سمعنا وشاهدنا قصيدته التي شارك فيها في الحلقه الماضيه وكانت على مستوى عالي ومترابطه واستطاع الشاعر من المحافظه على قوة الأبيات حتى اخر بيت مما يدل على شاعريته وقدرته في السيطره على ادوات القصيده

كحيلان
02-04-2008, 03:13 PM
يستاهل

محمد الحويماني

ولا حنا بمخلينه

عبدالله النفيعي(السهم العطيب)
02-06-2008, 03:23 PM
هاردلك للشاعر محمد الحويماني وخيرها في غيرها انشالله ..

و بني عمه الثلاثه يسدون عنه انشالله و عسى الله يوفقهم ...


الله لا يهينكم يا عتيبه على تصويتكم للمبدع محمد الحويماني

و بيض الله وجيهكم ........

ابو عثمان
02-07-2008, 09:16 PM
نعم خيرها بغيرها
ومحمد الحويماني كسب حب الناس بأخلاقه العاليه قبل شعره
ولم يخسر بل ربح إحترام الأخرين
وهذا الذي يبقى
وكما قلت اخي عبدالله البركه في الأخوه خالد وعبدالله وبندر
وهم خير من يمثلنا

عبدالله النفيعي(السهم العطيب)
02-09-2008, 08:58 PM
لا هنت اخوي ابو عثمان و الله يوفق عتيبه ويجملها بكل علم غانم ...