المساعد الشخصي الرقمي

مشاهدة النسخة كاملة : ان كيدهن عظيم


كحيلان
01-28-2008, 01:57 PM
بسم الله الرحمن الرحيم..
السلام عليكم اخواني واخواتي الاعضاء...... هذي قصة عن كيد النساء عجبتني >> >>صارلنا زمان ماضحكنا أقول لكل من يقرأها :

فضلا ابتسم!!


كان يا ما كان في قديم الزمان ………كان فيه أمراة عجوز قاعدة بروحها

وفجأة طلع لها ابليس ………(لقافه ….يبي يتحرش ) العجوز خافت وسمت بالرحمن

…قالها ابليس :أنتي يا عجوز هل تعتبرين نفسك داهيه؟؟؟؟

العجوز: نعم أنا داهيه ……….. والنساء عموما كيدهم عظيم !!

أبليس: أنا أتحداك……..وبنشوف منو اللي كيده أعظم …..المرأة او ابليس

العجوز :خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز برهان.

أبليس:Ok !

راحت العجوز حق واحد من هالبطاليه اللي ما عندهم شغل ويا كثرهم

وقالت أنا بشغلك عندي فترة معينه بس……. اذا تبي فلوس لا تتدخل ولا

تتكلم .( وافق الشاب لأنه زهق من البطاله ويبي فلوس ).


راحت العجوز ومعاها الشاب لمحل قماش وقالت له أنتظرني عند باب المحل

…دخلت المحل وخذت قماش غالي وراحت تكاسر تاجر القماش

العجوز: رخص يا بن الحلال …

التاجر :اذا أنتي ما عند ج فلوس أخذي شيء أرخص

العجوز : ما أقدر ….لازم والا يصير شيء ما صار .

التاجر :ليش ؟؟ …..لهالدرجه …..شالسالفه؟؟

العجوز:شفت الشاب اللي واقف عند باب المحل ..هذا ولدي

..يحب له وحده متزوجه وهي تحبه ولما تتطلق من زوجها …ولدي بيتزوجها

وهو قالي أن عارضتي الزواج بطرد ج من البيت وأمرني أني أشتري قماش

غالي عشان يعطيها حبيبته والا راح يطردني من البيت مع أن البيت بالأساس

بيتي ولكني غلطت وكتبته بأسمه >> > قعدت العجوز تبجي


التاجر: خلاص هونيها وتهون والله كسرتي خاطري ….خلاص أنا بعطيج القماش

ببلاش….وعسى الله يواجرني

العجوز طلعت مستانسه وقالت حق الشاب روح البيت



بعدها راحت العجوز لبيت زوجة تاجر القماش وطقت الباب وطلعت الزوجة

العجوز:آه بابنيتي أنا تعبت بالطريق و ما أقدر أكمل ممكن أقعد عند ج أرتاح

خمس دقايق .

رحبت الزوجة ودخلتها وأكرمتها وجابتلها شاي

العجوز:مشكوووووورة ما تقصرين ان شاءالله أردها لج تعمدت تنسى القماش وطلعت.

الزوجة:حرام نست قطعة القماش …أكيد بترجع بعد شوي وتاخذها

بروح أحطها بالكبت



تاجر القماش رد لبيته وتغدى ذاك الغدا السنع ونام شوي .

قام العصر وفتح الكبت بغير ملابسه عشان يروح محله ……مفاجأة قطعة القماش

وعرف أن المرأة اللي يبيها ولد العجوز هي زوجته > >يعني تخونه

قام عليها وطقها وطردها بالشارع بالهدوم اللي عليها. >> > هذا أسلوب رجالنا الله يصلحهم مافي تفاهم!!

العجوز كانت تنتظر هاللحظه في أخر الشارع فراحت لها تركض

العجوز: شفيج يا بنيتي ليش تبجين ؟

الزوجه : زوجي طردني …وما عطاني فرصه أتكلم .

العجوز: خلاص أنا بوديج بيتي وأنا بروح أحل المشكله

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبجي وتقول :كنت قاعدة في بيتي وفجأة دخل

رجال ومعه مرأة وقعدوا ببيتي حاولت أطلعهم ما قدرت

(أحتلوا بيتي )

راحت الشرطه وقبضت على الشاب والزوجه ….وقطوهم بالسجن.



العجوز: ها ها وش رايك يا أبليس ؟؟ دورك اللحين حل المشكله

أبليس : لا لا ما أقدر أحلها السالفه تشربكت مرررررررة


العجوز: أنا راح أحلها وكأن شيء لم يكن . وراح أربح الرهان .

راحت العجوز تزور الزوجه بالسجن وقالت لها :أنتي ساعدتيني مرة

وأنا اللحين ابي اساعدج …..يالله ألبسي عباتي وغطي نفسج وأطلعي من السجن كانج أنا وأنا بأقعد مكانج



الزوجة:مشكووورة وانتي

العجوز: مالج شغل مثل ما طلعتج بطلع نفسي.

تمت عملية الهروب بنجاح….

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم شمسوين ؟؟

ردت العجوز:احنا ما سوينا شيء كنا قاعدين ببيتنا أنا وولدي والا الشرطه

طابه علينا وماخذينا السجن .


عصب الوالي و هاوش الشرطه وما عطاهم فرصه يتكلمون ويقول:غلطانين

وتبون تتكلمون.شين و قوات عين !!

طلعت العجوز من الوالي مستانسه وعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من

كثر التعب نست القماش عندها وأن زوجته بريئه

وقالت خذ قماشتك لأن ولدي سافر هو و زوجته الجديدة.

رجع التاجر زوجته وتأسف منها و راضاها بعد.

العجوز : وش رايك يا أبليس أنا فككت السالفه سهله

أبليس :أنتي ربحتي يمه يمه منجن يالحريم أن كيدهن عظيم!!!!!!


ها أخواني شرايكم صحيح ان كيدهن عظيم. >>>>>>



.

الــولــيــد
01-28-2008, 02:20 PM
هههههههههههههههههههههههههههههههه


يسلموووو ع القصه الرائعه



تقبل مروري

محمد المقاطي
01-28-2008, 02:38 PM
مشكووور

والله لايهينك

اخوي كحيلان

علي النقل الرائع

كحيلان
01-29-2008, 11:41 AM
ابو يوسف محمد المقاطي

لاهنتوا علي المرور والرد

المقاطى_q8
01-30-2008, 12:42 AM
الله
يكفيك شرهن
ويرزقك اصلحن
انشاءالله


تحياتي

بدر المقاطي
02-03-2008, 11:36 AM
هههههههههههههههههههههههههههههههه


يسلموووو ع القصه الرائعه



تقبل مروري

كحيلان
02-04-2008, 05:07 PM
المقاطي .. بدر المقاطي

مشكور علي المرور الجميل